ចិន​ ​ថា តៃវ៉ាន់​កំពុង​ទាញ​យក​ប្រយោជន៍​ពីសង្គ្រាម រុស្ស៊ី-​អ៊ុយក្រែន

រដ្ឋាភិបាលរបស់ប្រទេសចិន បានរិះគន់ជំនួយមនុស្សធម៌របស់តៃវ៉ាន់ ទៅឲ្យ អ៊ុយក្រែន និងការដាក់ទណ្ឌកម្មលើប្រទេសរុស្ស៊ីថាជា “ការទាញយកប្រយោជន៍ពីភាពលំបាករបស់អ្នកដ៏ទៃ” បន្ទាប់ពីដែនដីគ្រប់គ្រងដោយខ្លួនឯងមួយនេះប្រកាសថា ខ្លួននឹងផ្ញើមូលនិធិដែលបរិច្ចាគដោយសាធារណជនបន្ថែមទៀត ទៅឲ្យជនភៀសខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សង្រ្គាមនៅអ៊ុយក្រែន បានធ្វើឲ្យកោះតៃវ៉ាន់ទទួលបានការចាប់អារម្មណ៍ ដោយមនុស្សជាច្រើនបានមើលឃើញភាពស្រដៀងគ្នារវាងការវាយលុករបស់រុស្ស៊ី និងការគំរាមកំហែងផ្នែកយោធាដែលបង្កឡើងដោយប្រទេសចិន ដែលចាត់ទុកកោះតៃវ៉ាន់ជាទឹកដីរបស់ខ្លួន។

នៅពេលសួរអំពីជំនួយ និងការដាក់ទណ្ឌកម្មរបស់តៃវ៉ាន់នៅក្នុងសន្និសីទសារព័ត៌មាននៅទីក្រុងប៉េកាំង លោកស្រី Zhu Fenglian អ្នកនាំពាក្យការិយាល័យកិច្ចការតៃវ៉ាន់របស់ប្រទេសចិនបាននិយាយថា “អាជ្ញាធរនៃគណបក្សចម្រើនប្រជាធិបតេយ្យ ដែលកំពុងកាន់អំណាចរបស់កោះតៃវ៉ាន់ កំពុងប្រើប្រាស់បញ្ហាអ៊ុយក្រែនដើម្បីបញ្ជាក់ថា ការតស៊ូរបស់ពួកគេមានភាពត្រឹមត្រូវ”៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ អ្នកកាសែត Fox ២នាក់ ត្រូវសម្លាប់នៅ អ៊ុយក្រែន