កុដិវត្តគគី ១ខ្នងត្រូវអគ្គិភ័យ ឆេះលេបត្របាក់អស់ទាំងស្រុងដោយសារទុស្សេខ្សែភ្លើង

សមត្ថកិច្ចបានឲ្យដឹងថា កុដិវត្តគគី មួយខ្នងធ្វើអំពីឈើប្រកស៊ីប្រូ ត្រូវបានអគ្គិភ័យឆាប់ឆេះអស់ទាំងស្រុង ដោយសារទុស្សេខ្សែភ្លើង។ហេតុការណ៍នេះបានកើតឡើងនៅវេលាម៉ោង២១និង១៥នាទីថ្ងៃទី១៤ខែធ្នូ២០២០ ក្នុងភូមិស្រិតខាងកើត ឃុំកន្ទ្រាំង ស្រុកប្រាសាទបាគង។

លោកវរសេនីយ៍ឯក លឹម ​សម្បត្តិ អធិការនគរបាលស្រុកប្រាសាទបាគងបានឲ្យដឹងថា មានករណីអគ្គិភ័យឆាប់ឆេះបរិវេណវត្តគគី អស់កុដិចំនួន១ខ្នង ទំហំ៦មx៩មកំពស់៥មធ្វើអំពីឈើប្រកស៊ីប្រូ។ លោកបន្តថា ក្នុងហេតុការណ៍នេះពុំមានបណ្តាលឲ្យនរណាម្នាក់គ្រោះថ្នាក់ដល់ជីវិតនោះឡើយ។

លោកបន្ថែមថាម្យ៉ាង កុដិមានសភាពចាស់ទ្រុឌទ្រោមពុំមានព្រះសង្ឃបឬមនុស្សស្នាក់នៅឡើយ។លោកបញ្ជាក់ថា ក្នុងហេតុការឆេះនេះមានការអន្តរាគមន៍ពីរថយន្តពន្លត់អគ្គិភ័យរបស់អធិការដ្ឋាននគរបាលស្រុកប្រាសាទបាគង អស់ទឹកចំនួន១ឡាន និងមានការជួយពន្លត់ពីសំនាក់បងប្អូនពលរដ្ឋ ប្រជាការពារ ព្រះសង្ឃ។ការខូចខាត៖ឆេះគ្រែ ចំនួន១,ឆេះខ្សែភ្លើងបណ្តាញក្នុងវត្តអស់១ចំនួន។ឆេះស្បង់ជីពរ,កន្ទេល,ខ្នើយ,ចាន,ឆ្នាំងនិងសម្ភារ:ផ្សេងៗ ដែលទុកប្រើប្រាស់ក្នុងវត្តមួយចំនួនទៀត។លោកបញ្ជាក់ថា​ ករណីនេះបណ្តាលមកពីទូស្សេខ្សែភ្លើង ហើយបានរលត់ទៅវិញនៅម៉ោង​២១​និង៣០នាទីថ្ងៃដដែល៕

កុសល