KPT+

ហេតុផល ៤ យ៉ាង មិនគួរចតរថយន្ត នៅក្រោមដើមឈើ

បានផុស

៣ years មុន

នៅ

ថ្ងៃអង្គារ ២២ មីនា ២០២២

ដោយ

ការចតរថយន្តដើម្បីចៀសវាងពន្លឺព្រះអាទិត្យ ជារឿងដែលមនុស្សភាគច្រើនចូលចិត្តធ្វើ។ ព្រោះរថយន្តនឹងមិនត្រូវកម្ដៅថ្ងៃដែលធ្វើឲ្យពណ៌ស្រអាប់ ហើយក៏នឹងមិនមានកម្ដៅ ក្នុងរថយន្តដែរ ។

ប៉ុន្តែបើចតខុសទីតាំង នៅកន្លែងទូលាយ ដែលមានដើមឈើធំៗ អាចថាម្លប់ តែបើគ្រោះថ្នាក់ ឬផលវិបាកដែលកើតមាន ដូចខាងក្រោម ៖

១ សត្វស្លាបនឹងជុះអាចម៍ដាក់ឡាន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលដែលវាបញ្ចេញកាកសំណល់ចុះមកក្រោម នោះរថយន្តរបស់យើងនឹងត្រូវបានវាជុះអាចម៍ដាក់ទាំងស្រុង។ ម៉្យាងទៀត ដោយសារដំណក់ទឹករបស់បក្សីមានជាតិអាស៊ីដ អាចធ្វើឲ្យខូចផ្ទៃលាបពណ៌រថយន្តរបស់យើងថែមទៀតផង។

២ ជ័រពីដើមឈើ អាចបំផ្លាញថ្នាំលាបរថយន្ត ឬសំបកកង់

ដោយសារដើមឈើខ្លះមានជ័រកៅស៊ូស្រក់ចុះ ហើយសំបកកង់ទាំងនេះ នឹងពិបាកសម្អាតចេញពីឡានណាស់។

៣ ផ្លែពីដើមឈើ អាចបុកប៉ះឡាន

ព្រោះដើមខ្លះបានចេញផ្កាហើយបង្កើតផល បណ្ដាលឲ្យផ្លែឈើធ្លាក់ចុះ ជាលទ្ធផលរបស់រឹង នឹងធ្វើឲ្យរថយន្តខូចខាតឬបែកកញ្ចក់ឡានក៏មាន។ ប៉ុន្តែបើផ្លែមិនទុំ នៅពេលធ្លាក់ចូលក្នុងឡានឬមុខកញ្ចក់ អាចធ្វើឲ្យឡានគគ្រិច។ ផ្លែឈើខ្លះមានអាស៊ីត វាអាចប៉ះពាល់ដល់ថ្នាំលាបរថយន្តថែមទៀត។

៤ ស្លឹក និងមែក

បើស្លឹកធ្លាក់តែលើឡាន ប្រហែលមិនអីទេ វាគ្រាន់តែជាការបង្កផលរំខានដល់យើងបន្តិចប៉ុណ្ណោះ។ ប៉ុន្តែប្រសិនបើវាចូលទៅក្នុងបន្ទប់ម៉ាស៊ីន ឬប្រព័ន្ធម៉ាស៊ីនត្រជាក់ អាចមានឱកាសដែលប្រព័ន្ធទាំងនោះ ដំណើរការខុសប្រក្រតី។ ចំពោះមែកឈើកម្រិតគ្រោះថ្នាក់អាស្រ័យលើទំហំ និងទម្ងន់របស់វា។ ព្រោះវាមានទាំងមែកតូច មែកកណ្តាល មែកធំ បើបុកមែកតូច គ្រោះថ្នាក់លើរថយន្តអាចមានតិចតួច។ ប៉ុន្តែបើបុកមែកឈើកណ្ដាល និងធំ នោះរថយន្តអាចនឹងមានស្នាមប្រេះបែកបាក់ ខូចខាតកាន់តែធ្ងន់ធ្ងរ៕

ប្រែសម្រួល៖ សាង ស្រីល័ក្ខ

ចុចអាន៖កាកសំណល់ ៤ ប្រភេទ កុំបោះចោល វាអាចជាជីជួយបំប៉នផលដំណាំ កាន់តែលូតលាស់

ចុចអាន៖មកដឹងពីប្រភេទសត្វល្មោភដេក និងមិនចូលចិត្តដេកទាល់តែសោះ

Related Topics:ចំណេះដឹង