ចរាចរណ៍

រថយន្តដឹកស្រូវ ២ គ្រឿង បុកគ្នាស្លាប់ម្នាក់

បានផុស

៣ years មុន

នៅ

ថ្ងៃចន្ទ ២១ មីនា ២០២២

ដោយ

អធិការក្រុងព្រៃវែងបានឲ្យដឹងថា កាលពីថ្ងៃទី ២០ ខែមីនា ឆ្នាំ ២០២២ វេលាម៉ោង១៨និង៥០នាទី មានករណីគ្រោះថ្នាក់ចរាចរណ៍កើតឡើងរវាងរថយន្ត នឹង រថយន្តបើកបញ្ច្រាស់ទិសគ្នា នៅចំណុចលើផ្លូវជាតិលេខ១១ ទំនប់ក្រវាត់ក្រុងថ្មីខាងត្បូងគល់ស្ពានតាហៃចម្ងាយ ៥០ ម៉ែត្រ ភូមិលេខ៨ សង្កាត់កំពង់លា ក្រុងព្រៃវែង ខេត្តព្រៃវែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកបើកបររថយន្តម៉ាកហ៊ីយ៉ានដាយ ក្បាលរថយន្តពណ៌ស ទ្រុងពណ៌ស ពាក់ស្លាកលេខព្រៃវែង 3A 2033 បើកបរដោយ ឈ្មោះ ជន ដារ៉ា ភេទប្រុស អាយុ ៤២ ឆ្នាំ ភូមិបារាយណ៍លិច សង្កាត់បារាយណ៍ ក្រុងព្រៃវែង បើកពីទិសខាងត្បូងទៅទិសខាងជើង (ខូចខាតក្បាលរថយន្តទាំងស្រុង) និងអ្នកបើកបររថយន្តម៉ាកហ៊ីយ៉ានដាយ ក្បាលរថយន្តពណ៌ស ទ្រុងពណ៌ខៀវ ពាក់ស្លាកលេខត្បូងឃ្មុំ 3A 1926 បើកបរដោយឈ្មោះ ម៉ុង ហុង ភេទប្រុស អាយុ ២៧ ឆ្នាំ ភូមិពន្លៃ ឃុំព្រៃកណ្តៀង ស្រុកពាមរក៍ ខេត្តព្រៃវែង បើកពីទិសខាងជើងទៅទិសខាងត្បូង(ខូចខាតក្បាលរថយន្តទាំងស្រុង) បណ្តាលឲ្យអ្នករួមដំណើរស្លាប់មា្នក់ឈ្មោះ ផៃ តូម៉ា ភេទប្រុស អាយុ ២៦ ឆ្នាំ រស់នៅភូមិពន្លៃ ឃុំព្រៃកណ្តៀង ស្រុកពាមរក៍ ខេត្តព្រៃវែង។

សមត្ថកិច្ច បានប្រគល់សាកសពទៅឲ្យក្រុមគ្រួសារយកទៅធ្វើបុណ្យតាមប្រពៃណីជាតិ កម្លាំងប៉ុស្តិ៍កំពង់លាវបានសហការជាមួយជំនាញចរាចរណ៍ និងសណ្តាប់ធ្នាប់ក្រុងកំពុងកសាងសំណុំរឿង និងយកវត្ថុតាងរថយន្តទាំពីរទៅរក្សាទុកនៅប៉ុស្តិនគរបាលរដ្ឋបាលតាកោ ដើម្បីរង់ចាំដោះស្រាយនៅពេលក្រោយ៕