រុស្ស៊ី គំរាមជាថ្មីថា ខ្លួននឹងប្រើអាវុធនុយក្លេអ៊ែរ ក្រោមហេតុផលមួយ (មានវីដេអូ)

អ្នកនាំពាក្យវិមានក្រឹមឡាំង លោក Dmitry Peskov បាននិយាយថា ប្រទេសរុស្ស៊ីនឹងប្រើប្រាស់អាវុធនុយក្លេអ៊ែរ ប្រសិនបើប្រទេសនេះ និងប្រជាជនរបស់ខ្លួនប្រឈមមុខនឹងការគំរាមកំហែង។

នៅពេលសួរដោយ CNN ថាតើ លោកប្រធានាធិបតី Putin នឹងពិចារណាប្រើប្រាស់អាវុធនុយក្លេអ៊ែរដែរឬទេ លោក Peskov បានឆ្លើយតបថា “យើងមានគោលការណ៍សន្តិសុខក្នុងស្រុក ហើយវាជាគោលការណ៍សាធារណៈ អ្នកអាចអានហេតុផលទាំងអស់ ក្នុងលក្ខខណ្ឌដែលអាវុធនុយក្លេអ៊ែរអាចត្រូវបានប្រើ”។

“ដូច្នេះ ប្រសិនបើវាជាការគំរាមកំហែងដល់ប្រទេសនិងប្រជាជនរបស់យើង នោះឃ្លាំងអាវុធនុយក្លេអ៊ែរអាចត្រូវបានប្រើប្រាស់ ស្របតាមគោលការណ៍របស់យើង”។

គួររម្លឹកឡើងវិញថា កាលពីថ្ងៃទី ២៨ ខែកុម្ភៈពោលគឺត្រឹមតែប៉ុន្មានថ្ងៃប៉ុណ្ណោះបន្ទាប់ពីរុស្ស៊ីវាយលុកអ៊ុយក្រែន, ប្រធានាធិបតីរុស្ស៊ី លោក Vladimir Putin បាននិយាយថា លោកបញ្ជាឲ្យកងកម្លាំងនុយក្លេអ៊ែររបស់រុស្ស៊ី ស្ថិតក្នុងលក្ខណៈប្រុងជើងការខ្ពស់៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ លោក Zelensky លាតត្រដាងគោលដៅរបស់ រុស្ស៊ី ក្នុងសង្គ្រាមនៅ អ៊ុយក្រែន