លោក ប្រាយុទ្ធ បញ្ជាឱ្យសមត្ថកិច្ចតាមដានបន្ទាន់ ចំពោះក្រុមជនឆបោកប្រជាពលរដ្ឋតាមទូរស័ព្ទ

ប្រភពព័ត៌មានបានឱ្យដឹងថា លោកនាយករដ្ឋមន្ត្រី ប្រាយុទ្ធ ចាន់អូចា បានចេញបទបញ្ជាឱ្យសមត្ថកិច្ចពន្លឿនការដោះស្រាយបញ្ហាក្រុមជនខិលខូចឆបោកប្រជាពលរដ្ឋតាមទូរស័ព្ទ (Call Center) និងបានថ្លែងកោតសរសើរដល់ វិស័យរដ្ឋ-ឯកជន សិល្បករ សិល្បការិនី តារាចម្រៀង ដែលថ្មីៗនេះមានការចូលរួមផ្សព្វផ្សាយដើម្បីទប់ស្កាត់ការចាញ់បោកជនខិលខូចទាំងនេះ តាមរយៈបទចម្រៀងជាដើម។

ព្រឹកថ្ងៃទី២២ ខែមីនា ឆ្នាំ២០២២ នៅវិមានរដ្ឋាភិបាលលោក ប្រាយុទ្ធ ចាន់អូចា នាយករដ្ឋមន្ត្រីបានទទូចនិងស្នើឱ្យស្ថាប័នពាក់ព័ន្ធជំរុញការផ្សព្វផ្សាយដើម្បីបង្កើតការយល់ដឹងដល់ប្រជាជនក្នុងការការពារការគំរាមកំហែងពីក្រុមជនឆបោកតាមទូរស័ព្ទ (Call Center) ឆបោកប្រជាជន ដោយធ្វើយ៉ាងណាឱ្យប្រជាជនបានយល់ដឹងពីសកម្មភា របស់ជនខិលខូច ដើម្បីកុំឱ្យប្រជាជនរងគ្រោះចាញ់បោកខូចខាតដល់ទ្រព្យសម្បត្តិ។ ថ្មីៗនេះឃើញថា មានការផ្សព្វផ្សាយតាមរយៈបទចម្រៀងងាយស្គាល់ ចាប់អារម្មណ៏ រំលឹក ដាស់តឿន ដើម្បីធ្វើយ៉ាងកុំឱ្យប្រជាពលរដ្ឋរងគ្រោះចាញ់បោកក្រុមឧក្រិដ្ឋជនទាំងនោះ។

លោក ប្រាយុទ្ធ ចាន់អូចា បានបន្តថា យោងតាមរបាយការណ៍រាយការណ៍ពីក្រុមជនខិលខូចឆបោកតាមទូរស័ព្ទកំពុងកើនឡើងជាលំដាប់ បង្កការខូចខាតដល់ប្រជាពលរដ្ឋយ៉ាងធំធេង ដោយមានការត្អូញត្អែរពីបណ្តាញជាច្រើនពាក់ព័ន្ធនឹងបញ្ហាទាំងនេះ ដូច្នេះលោកស្នើឱ្យគ្រប់ស្ថាប័នពាក់ព័ន្ធទាំងអស់សហការគ្នា ដើម្បីពន្លឿនការដោះស្រាយនិងជួយប្រជាពលរដ្ឋជាបន្ទាន់ ដើម្បីទប់ស្កាត់ការខូចខាតដែលកើតឡើងចំពោះពលរដ្ឋ ជាពិសេសការបាត់បង់ទ្រព្យសម្បត្តិពីការបោកប្រាស់តាមទូរស័ព្ទនេះ៕

ប្រែសម្រួល៖ សំអាន

ប្រភព៖ naewna

ចុចអាន៖ អ្នកកាសែត អ៊ុយក្រែន បាត់ខ្លួននៅតំបន់ប្រយុទ្ធ ១០ ថ្ងៃមកហើយ នៅមិនទាន់មានដំណឹង