ព័ត៌មានអន្ដរជាតិ
ដោយសារហេតុផល២យ៉ាងនេះហើយ ទើប ឥណ្ឌា នៅស្ងៀមជុំវិញសង្គ្រាម រុស្ស៊ី-អ៊ុយក្រែន (មានវីដេអូ)
មួយខែមកហើយចាប់តាំងពីរុស្ស៊ីវាយលុកអ៊ុយក្រែន ប្រទេសឥណ្ឌានៅតែព្យាយាមរក្សាតុល្យភាពទំនាក់ទំនងរបស់ខ្លួនជាមួយទីក្រុង មូស្គូ និងលោកខាងលិច។
សេចក្តីថ្លែងការណ៍ដំបូងរបស់ទីក្រុង ដែលី នៅក្នុងក្រុមប្រឹក្សាសន្តិសុខអង្គការសហប្រជាជាតិ (UNSC) មិនបានបញ្ចេញឈ្មោះប្រទេសណាមួយដោយផ្ទាល់ទេ ប៉ុន្តែនិយាយថា ខ្លួនមានការសោកស្តាយ ដែលការអំពាវនាវពីសហគមន៍អន្តរជាតិដើម្បីផ្តល់ឱកាសការទូត និងកិច្ចសន្ទនាមិនត្រូវបានយកចិត្តទុកដាក់។
ទោះជាយ៉ាងនេះក្តី ឥណ្ឌាមិនបានរិះគន់រុស្ស៊ីឡើយ។ ហើយមុនពេល UNSC បោះឆ្នោតលើពង្រាងសេចក្តីសម្រេចរបស់អង្គការសហប្រជាជាតិ ដើម្បីថ្កោលទោសការវាយលុកនោះ ក្រុងដេលីបានប្រឈមមុខនឹងការអំពាវនាវពីប្រទេសរុស្ស៊ី សហរដ្ឋអាមេរិក និងអ៊ុយក្រែន ឲ្យធ្វើរឿងត្រឹមត្រូវ។
អ៊ុយក្រែន និងរុស្ស៊ី ថែមទាំងបានចេញការអំពាវនាវជាសាធារណៈឲ្យទីក្រុងដែលី ប្រកាន់ជំហរច្បាស់លាស់ផងដែរ។ ឥណ្ឌាបានសម្រេចចិត្តបោះឆ្នោតអនុបវាទ ប៉ុន្តែខ្លួនបានស្នើឲ្យទីក្រុងមូស្គូគោរពច្បាប់អន្តរជាតិ។
យុទ្ធសាស្ត្ររបស់ឥណ្ឌាបានចោទជាសំណួរ ជាពិសេសនៅលោកខាងលិច អំពីថាតើប្រទេសលទ្ធិប្រជាធិបតេយ្យធំបំផុតរបស់ពិភពលោកមួយនេះ អាចមានជំហរច្បាស់លាស់ជាងនេះឬក៏អត់។
ទោះបីជាយ៉ាងណាក៏ដោយ ខាងក្រោមនេះគឺជាហេតុផល២យ៉ាង ដែលសារព័ត៌មាន BBC អះអាងថា ឥណ្ឌា សុខចិត្តនៅស្ងៀមជុំវិញបញ្ហាសង្គ្រាម រុស្ស៊ី-អ៊ុយក្រែន៖
រើសយកខាងណាក៏មិនមែនជាជម្រើសល្អ
មានហេតុផលជាច្រើនសម្រាប់ឥណ្ឌា ក្នុងការស្វែងរកតុល្យភាពការទូតលើបញ្ហាអ៊ុយក្រែន។ សារៈសំខាន់បំផុតគឺទំនាក់ទំនងការទូត និងការពារជាតិរបស់ឥណ្ឌា ជាមួយទីក្រុងមូស្គូ។
រុស្ស៊ីនៅតែជាប្រទេសផ្គត់ផ្គង់អាវុធធំជាងគេរបស់ឥណ្ឌា បើទោះបីជាចំណែករបស់ខ្លួនបានធ្លាក់ចុះពី៧០%មកនៅត្រឹម៤៩% ដោយសារតែការសម្រេចចិត្តរបស់ឥណ្ឌា ក្នុងការពង្រីកផលប័ត្ររបស់ខ្លួន និងជំរុញការផលិតផ្នែកការពារក្នុងស្រុកក៏ដោយ។
ជាមួយគ្នានេះដែរ រុស្ស៊ីកំពុងផ្គត់ផ្គង់ឧបករណ៍នានា ដូចជាប្រព័ន្ធការពារមីស៊ីល S-400 ដែលផ្តល់ឲ្យឥណ្ឌានូវការទប់ស្កាត់ជាយុទ្ធសាស្ត្រយ៉ាងសំខាន់ប្រឆាំងចិន និងប៉ាគីស្ថាន ហើយនោះជាហេតុផលដែលខ្លួនបន្តការបញ្ជាទិញ ថ្វីបើមានការគំរាមកំហែងដាក់ទណ្ឌកម្មរបស់សហរដ្ឋអាមេរិកក៏ដោយ។
ផ្នែកការពារជាតិមានសារៈសំខាន់
ជាងនេះទៅទៀត វាពិបាកសម្រាប់ក្រុងដែលី ក្នុងការមើលរំលងប្រវត្តិសាស្ត្ររយៈពេលជាច្រើនទសវត្សរ៍នៃកិច្ចសហប្រតិបត្តិការការទូតជាមួយរុស្ស៊ី លើបញ្ហាមួយចំនួន។ ទីក្រុងមូស្គូបានវេតូសេចក្តីសម្រេចរបស់ UNSC ជុំវិញជម្លោះ កាស្មៀរ នាពេលកន្លងមក ដើម្បីជួយឥណ្ឌាឲ្យដោះស្រាយបញ្ហាទ្វេភាគី។
ក្នុងបរិបទនេះ ឥណ្ឌាហាក់ដូចជាកំពុងដើរតាមយុទ្ធសាស្ត្រដ៏ល្បីល្បាញរបស់ខ្លួន ក្នុងការមិនចូលបក្សសម្ព័ន្ធ និងការលើកកម្ពស់កិច្ចសន្ទនាដើម្បីដោះស្រាយបញ្ហា។
លោក Michael Kugelman នាយករងនៅ Wilson Center បាននិយាយថា ជំហររបស់ឥណ្ឌាគ្មានអ្វីគួរឲ្យភ្ញាក់ផ្អើលទេ ព្រោះវាស្របនឹងយុទ្ធសាស្ត្រអតីតកាលរបស់ខ្លួន។
ទីក្រុងដែលី ហាក់ដូចជាមិនសុខស្រួល ចំពោះអ្វីដែលកំពុងកើតឡើងក្នុងប្រទេសអ៊ុយក្រែនទេ ប៉ុន្តែខ្លួនទំនងជាមិនផ្លាស់ប្តូរជំហររបស់ខ្លួនឡើយ។
លោកនិយាយថា “ឥណ្ឌាមិនអាចមានលទ្ធភាពធ្វើដូច្នេះបានទេនៅពេលនេះ ដោយសារតែតម្រូវការការពារ និងភូមិសាស្ត្រនយោបាយ”៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ BBC
ចុចអាន៖ រុស្ស៊ីព្រមានថា ក្រុងមូស្គូនិងណាតូ នឹងទង្គិចគ្នាដោយផ្ទាល់ ប្រសិនបើកងរក្សាសន្តិភាព បញ្ជូនទៅអ៊ុយក្រែន
ស្ត្រីម្នាក់ ជួយលក់ឡេ បន្លំលួចលុយម្ដងបន្តិចៗ រហូតបានជាង១ម៉ឺនដុល្លារ ត្រូវម្ចាស់លុយប្ដឹងឱ្យសមត្ថកិច្ចឃាត់ខ្លួន
ក្រោយបោះឆ្នោតជ្រើសរើសប្រធានសមាគម ខ្មែរ-ចិន អាណត្តិទី៨ ពេញ១ថ្ងៃ ទីបំផុត ប្រធានសមាគមត្រូវបានជ្រើស
សង្គ្រាមរុស្ស៊ី-អ៊ុយក្រែន៖ សម្ដេចតេជោ ថាមេដឹកនាំនានាគួរលើកចិត្តឱ្យភាគីទាំងពីរចូលតុចរចា ជាជាងរារាំង និងរុញឱ្យប្រយុទ្ធគ្នាគ្មានទីបញ្ចប់
អ្នកនយោបាយកម្ពុជា ៖ ទណ្ឌិត សម រង្ស៊ី និងក្រុមប្រឆាំងជ្រុលនិយមថៃ ទាញយកចំណេញរៀងៗខ្លួនពីឃាតកម្មលើលោក លិម គឹមយ៉ា
ក្រុមភ្ញៀវទាំង៣រកបានជ័យជម្នះក្នុងការប្រកួតជើងទី១ វគ្គ១៦ក្រុម ពានសម្តេចតេជោ
រកឃើញសពតារាស្រីម្នាក់ ឆេះស្លាប់ម្នាក់ឯង នៅក្នុងហេតុការណ៍ភ្លើងឆេះទីក្រុង LA
អាជ្ញាធរខណ្ឌដង្កោ និងខណ្ឌមានជ័យ និមន្តព្រះសង្ឃ១៤អង្គ ប្រោសព្រំរំដោះគ្រោះលើមហាវិថី ៦០ម៉ែត្រ
រដ្ឋាភិបាលទម្លាក់ថវិកា៣០លានដុល្លារ ដើម្បីអន្តរាគមន៍ទិញស្រូវពីកសិករដែលកំពុងធ្លាក់ថ្លៃ
ស្នេហា១២ឆ្នាំត្រូវប្រេះឆា តារាកំប្លែងថៃ Kohtee ដូរឈ្មោះក្នុងបញ្ចីកំណើត ដើម្បីសាងជីវិតថ្មី
អ្នកនាំពាក្យ ថា កម្ពុជាកំពុងរៀបចំនីតិវិធីជាមួយរុស្ស៊ី ដើម្បីបញ្ជូនខ្លួនលោក ហេង សិទ្ធី មកកម្ពុជា
-
ចរាចរណ៍៣ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ព័ត៌មានជាតិ៦ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៥ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ជីវិតកម្សាន្ដ៤ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ១ សប្តាហ៍ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍៣ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានជាតិ១ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ៥ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ