នយោបាយ
លោក សៀម ភ្លុក សម្រេចចូលរួមនយោបាយជាមួយគណបក្សភ្លើងទៀន
លោក សៀម ភ្លុក ដែលគេស្គាល់ថា ជាអតីតស្ថាបនិក នៃគណបក្សបេះដូងជាតិហើយដែលត្រូវក្រសួងមហាផ្ទៃបដិសេធចុះបញ្ជីនៅក្រសួងមហាផ្ទៃនោះ បាន សម្រេចចូលរួមជីវភាពនយោបាយជាមួយគណបក្សភ្លើងទៀនហើយ នេះបើយោងតាមលិខិត ដែលកម្ពុជាថ្មីទើបទទួលបាននៅល្ងាចថ្ងៃទី២៤ ខែមីនា ឆ្នាំ ២០២២ នេះ។
លោក សៀម ភ្លុក បានបញ្ជាក់នៅលើលិខិតរបស់ខ្លួនថា ក្នុងនាមតំណាងស្ថាបនិកគណបក្សបេះដូងជាតិ សូមប្រកាសគាំទ្រជំហរ និងសកម្មភាពនយោបាយគណបក្សភ្លើងទៀន ដោយសង្កេតឃើញថា ជំហរ និងសកម្មភាពនយោបាយគណបក្សភ្លើងទៀន ស្របទៅនឹងជំហរគណបក្សរបស់ខ្លួន។
លោក សៀម ភ្លុក បញ្ជាក់ថា គណបក្សបេះដូងជាតិ ត្រូវបានក្រសួងមហាផ្ទៃបដិសេធការសុំចុះបញ្ជី និងត្រូវបានលុបឈ្មោះចេញពីបញ្ជីគណបក្សនយោបាយ ហេតុដូច្នេះ លោកបានអំពាវនាវដល់សមាជិកស្ថាបនិក សកម្មជន និងអ្នកធ្លាប់ចូលរួមគាំទ្រអតីតគណបក្សបេះដូងជាតិទាំងអស់ចូលរួមសកម្មភាពនយោបាយជាមួយគណបក្សភ្លើងទៀន ដើម្បីសម្រេចគោលដៅ និងផលប្រយោជន៍រួមសម្រាប់ជាតិ ស្របតាមឆន្ទៈរបស់ខ្លួន។
គួរបញ្ជាក់ថា ក្រសួងមហាផ្ទៃបានបដិសេធចំពោះសំណើស្នើសុំចុះបញ្ជីរបស់គណបក្សបេះដូងជាតិ ក្នុងបញ្ជីគណបក្ស នយោបាយនៅក្រសួងមហាផ្ទៃ។ ការបដិសេធនេះ បានធ្វើឡើងបន្ទាប់ពីក្រសួងមហាផ្ទៃបានរកឃើញថា ការផ្តិតស្នាមមេដៃរបស់សមាជិកដើម្បីគាំទក្នុងការសុំចុះបញ្ជីមានចេតនាទុច្ចរិត ដោយមានការផ្តិតស្នាមមេដៃជំនួស ការក្លែងបន្លំអត្តសញ្ញាណបុគ្គល និងការផ្ដិតធ្វើឲ្យខូចគុណភាពដើម្បីបង្កើនបរិមាណចំនួនសមាជិក។
លិខិតរបស់សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដែលផ្ញើជូនលោក សៀម ភ្លុក តំណាងស្ថាបនិកគណបក្សបេះដូងជាតិ ចុះថ្ងៃទី១៦ ខែវិច្ឆិកា ឆ្នាំ២០២១ បញ្ជាក់យ៉ាងនេះថា ផ្អែកតាមបទប្បញ្ញត្តិ នៃច្បាប់ ស្តីពីគណបក្សនយោបាយ ក្រសួងមហាផ្ទៃសម្រេចបដិសេធការសុំចុះបញ្ជីរបស់ “គណបក្សបេះដូងជាតិ” ដោយសារការផ្តិតស្នាមមេដៃរបស់សមាជិកគណបក្សបបេះដូងជាតិ ដើម្បីគាំទ្រក្នុងការសុំចុះបញ្ជីមានចេតនាទុច្ចរិត ដោយមានការផ្តិតស្នាមមេដៃជំនួសការក្លែងបន្លំអត្តសញ្ញាណបុគ្គល និងការផ្ដិតធ្វើឲ្យខូចគុណភាពដើម្បីបង្កើនបរិមាណចំនួនសមាជិក ព្រម ទាំងខ្លឹមសារប្រការមួយចំនួន នៃលក្ខន្តិកៈ គណបក្សផ្ទុយនឹងបទប្បញ្ញត្តិ នៃច្បាប់ស្តីពីគណបក្សនយោបាយផងដែរ។
ដោយបញ្ហានេះ តុលាការបានចេញដីកាកោះហៅលោក សៀម ភ្លុក តំណាងស្ថាបនិកគណបក្សបេះដូងជាតិឲ្យចូលខ្លួនទៅកាន់អយ្យការអមសាលាដំបូងរាជធានីភ្នំពេញ កាលពីថ្ងៃទី២២ ខែមីនា ដើម្បីសាកសួរពីដំណើររឿងនេះ៕
ដោយ ៖ កោះកែវ
លោកបណ្ឌិត សូ ណារ៉ូ ៖ សូមពលរដ្ឋកុំ Share ការអំពាវនាវទណ្ឌិត សម រង្ស៊ី ព្រោះជាការញុះញង់ផ្តួលរំលំរាជរដ្ឋាភិបាល និងចាត់ទុកជាបទល្មើសព្រហ្មទណ្ឌកម្រិតធ្ងន់
បុណ្យកោងកាងសន្តិភាពឆ្នាំនេះ÷ កូនកោងកាង៥ពាន់ដើម ត្រូវបានដាំនៅក្នុងសហគមន៍កោះកាពិ ខេត្តកោះកុង
លោកស្រី ដោ សម្ផស្ស៖ សមាគមកាយឫទ្ធិនារី ត្រូវយកចំណេះដឹងទៅផ្សព្វផ្សាយ ក្នុងសហគមន៍ ដើម្បីទីក្រុងយើងមានបរិស្ថានល្អ
ផ្លូវថ្មើរជើងរាត្រីនេះ មានល្ខោនបាសាក់ ចាបុីដងវែងនៅសប្តាហ៍ក្រោយ នឹងមានកំប្លែងនាយក្រឹម
រដ្ឋមន្ត្រីបរិស្ថាន ប្រកាសបន្តធ្វើបុណ្យកោងកាងសន្តិភាពរៀងរាល់ឆ្នាំ ដើម្បីរក្សាព្រៃកោងកាង និងបរិស្ថានកម្ពុជា
Trump ដាក់លក្ខខណ្ឌបើ Zelensky ចង់មកចរចាម្តងទៀត
Trump និង Zelensky ឈ្លោះគ្នានៅសេតវិមាន ផ្អើលពិភពលោក
ជម្លោះ Trump-Zelensky ធ្វើឲ្យអឺរ៉ុបធ្លាក់ចូលវិបត្តិជ្រៅ, តើណាតូនិងអ៊ុយក្រែន ទៅជាយ៉ាងណា?
រុស្ស៊ីពង្រឹងការទូតយ៉ាងខ្លាំង ក្រោយអាមេរិកផ្សះផ្សាវិញ ប៉ុន្តែដូណាល់ ត្រាំបំបែកសម្ព័ន្ធមិត្ត
មេដឹកនាំបណ្តាប្រទេសនៅអឺរ៉ុបបង្ហាញជំហរពិតក្នុងជម្លោះត្រាំនិងហ្សេលេនស្គី
-
សេចក្ដីជូនដំណឹង១ សប្តាហ៍ agoរៃហ្គេត ហ្គ្រេមម័រ ស្គូល ភ្នំពេញ ដើមកំណើត៣៥០ឆ្នាំ ពីចក្រភពអង់គ្លេស
-
ព័ត៌មានអន្ដរជាតិ៤ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ៧ ថ្ងៃ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៣ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៥ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៦ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម១ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៤ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ