ព័ត៌មានអន្ដរជាតិ

ចិន ឲ្យសារព័ត៌មានបរទេសចូលទីតាំងធ្លាក់យន្តហោះដឹកអ្នកដំណើរ ១៣២ នាក់

បានផុស

៣ years មុន

នៅ

ថ្ងៃសៅរ៍ ២៦ មីនា ២០២២

ដោយ

អាជ្ញាធរចិនកាលពីថ្ងៃសុក្របានអនុញ្ញាតឲ្យប្រព័ន្ធផ្សព្វផ្សាយបរទេសចូលទៅកាន់ទីតាំងដែលយន្តហោះដឹកអ្នកដំណើរមួយគ្រឿងបានធ្លាក់ជាមួយមនុស្ស ១៣២ នាក់នៅលើយន្តហោះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមស្វែងរកនៅតែកំពុងសហការគ្នានៅតំបន់ភ្នំនៃខេត្តស្វយ័ត Guangxi Zhuang ខណៈរហូតមកដល់ពេលនេះគ្មានអ្នករស់រានមានជីវិតត្រូវបានរកឃើញនៅឡើយទេ ។

យន្តហោះ Boeing 737-800 របស់ក្រុមហ៊ុនអាកាសចរណ៍ China Eastern Airlines បានធ្លាក់ក្នុងអំឡុងពេលហោះហើរក្នុងស្រុកកាលពីថ្ងៃចន្ទ ហើយកម្ទេចកម្ទីរបស់យន្តហោះត្រូវបានកប់ក្នុងជម្រៅ ២០ ម៉ែត្រ ខណៈអ្នកខ្លះត្រូវបានគេរកឃើញនៅចម្ងាយ ១០ គីឡូម៉ែត្រ ។

ទន្ទឹមនោះកងទ័ព និងអ្នកពន្លត់អគ្គិភ័យត្រូវបានហៅមកពីទូទាំងប្រទេសដើម្បីជួយក្នុងប្រតិបត្តិការរុករកនេះ ហើយក៏បានរកឃើញបំណែកយន្តហោះ និងរបស់របរផ្ទាល់ខ្លួនរបស់អ្នកដំណើរ ។

ស្របពេលជាមួយគ្នានេះ អាជ្ញាធរក៏កំពុងព្យាយាមវិភាគឧបករណ៍ថតសំឡេងកាប៊ីនយន្តហោះដែលត្រូវបានរកឃើញពីទីតាំងនោះផងដែរ ហើយពួកគេក៏កំពុងស្វែងរកឧបករណ៍កត់ត្រាទិន្នន័យហោះហើរមួយទៀត និងចេញផ្សាយរបាយការណ៍គ្រោះថ្នាក់បឋមនៅចុងខែមេសា ៕