ព័ត៌មានជាតិ

អគ្គស្នងការដ្ឋាននគរបាលជាតិ ចូលរួមផ្សព្វ ផ្សាយច្បាប់ស្តីពី “ការប្រឆាំងហិរញ្ញប្បទាន ដល់ការរីកសាយភាយអាវុធមហាប្រល័យ” និងលិខិតបទដ្ឋានគតិយុត្តិពាក់ព័ន្ធ

បានផុស

៣ years មុន

នៅ

ថ្ងៃសៅរ៍ ២៦ មីនា ២០២២

ដោយ

ឧត្តមសេនីយ៍ទោ ផាន សុភ័ក្រ ប្រធានលេខាធិការដ្ឋាន នៃនាយកដ្ឋានកណ្តាលសន្តិសុខ និងជាអនុប្រធានក្រុមប្រតិបត្តិការផ្ទាល់ នៃក្រុមការងារ បសប.ហភ របស់អគ្គស្នងការដ្ឋាននគរបាលជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃសុក្រ ទី២៥ ខែមីនា ឆ្នាំ២០២២ បានចូលរួមធ្វើបទឧទ្ទេសក្នុងសិក្ខាសាលាផ្សព្វផ្សាយច្បាប់ស្តីពី “ការប្រឆាំងហិរញ្ញប្បទាន ដល់ការរីកសាយភាយអាវុធមហាប្រល័យ (PF) ” ព្រមទាំងលិខិតបទដ្ឋានគតិយុត្តិពាក់ព័ន្ធ ជូនដល់មន្ត្រីក្រុមការងារសម្អាតប្រាក់ និងហិរញ្ញប្បទានភេរវកម្ម និងអង្គភាពពាក់ព័ន្ធ នៃក្រសួងមហាផ្ទៃ ព្រមទាំងសមាគម និងអង្គការមិនមែនរដ្ឋាភិបាលក្នុងស្រុក តាមរយៈប្រព័ន្ធអនឡាញ (កម្មវិធី Zoom) ដែលមានសមាសភាពចូលរួមសរុប៣៧៧នាក់។

សិក្ខាសាលានេះ បានរៀបចំឡើងដោយក្រុមការងារទី២ នៃក្រុមអនុគណៈកម្មការចំពោះកិច្ចអនុវត្តផែនការសកម្មភាពការងាររបស់ក្រុមការងារត្រួតពិនិត្យរួម នៃក្រុមប្រទេសអាស៊ីប៉ាស៊ីហ្វិក អំពីសហប្រតិបត្តិការអន្តរជាតិ (អ.អ.ផ.) ក្នុងគោលបំណងបង្កើននូវការយល់ដឹងពីទិដ្ឋភាពច្បាប់ PF កាតព្វកិច្ច នៃការអនុវត្ត ការអនុវត្តដីកាសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ (UNSCR) ព្រម ទាំងការទទួលខុសត្រូវព្រហ្មទណ្ឌ និងទណ្ឌកម្មរដ្ឋបាលចំពោះការគេចវេសមិនអនុវត្តលិខិតបទដ្ឋានគតិយុត្ត និង UNSCR៕

ដោយ ៖ កោះកែវ