មិនយូរមិនឆាប់ ទីក្រុងមួយទៀតរបស់ អ៊ុយក្រែន នឹងធ្លាក់ក្នុងកណ្ដាប់ដៃ រុស្ស៊ី

អ្នកជំនាញអាមេរិកបាននិយាយថា កងកម្លាំងរុស្ស៊ីអាចនឹងត្រូវបានកំណត់ក្នុងពេលឆាប់ៗនេះដើម្បីគ្រប់គ្រងទីក្រុងកំពង់ផែ Mariupol ភាគខាងកើតអ៊ុយក្រែន ។

វាកើតឡើង ចំពេលដែលវិបត្តិមនុស្សធម៌កាន់តែស៊ីជម្រៅនៅក្នុងទីក្រុងដែលត្រូវបានឡោមព័ទ្ធ ខណៈកងកម្លាំងរុស្ស៊ីកំពុងផ្តោតលើកិច្ចខិតខំប្រឹងប្រែងរបស់ពួកគេនៅភាគខាងកើតអ៊ុយក្រែន ។

ទន្ទឹមនោះ ក្រុមអ្នកជំនាញនៃស្ថាប័នមួយរបស់សហរដ្ឋអាមេរិកនិយាយថា ការគាំទ្ររបស់ក្រុមប្រដាប់អាវុធគាំទ្ររុស្ស៊ីនៅក្នុងតំបន់នេះទំនងជាធ្វើឲ្យទីក្រុង Mariupol នឹងធ្លាក់ក្នុងកណ្ដាប់ដៃរបស់ពួកគេនៅក្នុងប៉ុន្មានសប្តាហ៍ខាងមុខនេះ ។

ទីក្រុងនេះបានក្លាយជាគោលដៅនៃការបាញ់ផ្លោងដ៏ខ្លាំងក្លាបំផុតនៃសង្រ្គាមរហូតមកដល់ពេលនេះ ហើយអ្នកស្រុកប្រឈមមុខនឹងស្ថានភាពដ៏ឃោរឃៅកាន់តែខ្លាំងឡើង ។

ប៉ុន្តែ​កងកម្លាំង​រុស្ស៊ី​តាម​សេចក្តីរាយការណ៍ក៏កំពុង​ប្រឈមមុខ​នឹង​ការលំបាក​នៅលើ​មូលដ្ឋានមួយចំនួន​នៅ​ទូទាំង​ប្រទេសផងដែរ ជាពិសេស​នៅក្នុង និង​ជុំវិញ​រដ្ឋធានីកៀវតែម្ដង ។

គួរបញ្ជាក់ថា យ៉ាងហោចណាស់ជនស៊ីវិល ១,១០៤ នាក់ត្រូវបានសម្លាប់នៅក្នុងប្រទេសអ៊ុយក្រែន និង ១,៧៥៤ នាក់បានរងរបួស ចាប់តាំងពីសង្គ្រាមបានផ្ទុះឡើង ខណៈប្រជាជនអ៊ុយក្រែនជាង ៣.៨ លាននាក់បានភៀសខ្លួនទៅកាន់ប្រទេសជិតខាង ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ រុស្ស៊ី ប្រកាសជោគជ័យបញ្ចប់សង្គ្រាមដំណាក់កាលទី ១ នៅ អ៊ុយក្រែន