ព័ត៌មានអន្ដរជាតិ

អែលសាល់វ៉ាឌ័រ ដាក់ប្រទេសក្នុងគ្រាអាសន្ន ព្រោះមនុស្សឃាតកើនឡើងដោយក្រុមជនពាល

បានផុស

៣ years មុន

នៅ

ថ្ងៃចន្ទ ២៨ មីនា ២០២២

ដោយ

រដ្ឋសភារបស់ប្រទេស អែលសាល់វ៉ាឌ័រ បានអនុម័តច្បាប់ដាក់រដ្ឋក្នុងគ្រាអាសន្នកាលពីព្រឹកថ្ងៃអាទិត្យ ដើម្បីដោះស្រាយអត្រាមនុស្សឃាតដែលកើនឡើងដោយក្រុមទំនើង Barrio 18 និង MS-13 បន្ទាប់ពីកម្លាំងប៉ូលិសបានរាយការណ៍ថា មានការសម្លាប់មនុស្ស៦២នាក់កាលពីថ្ងៃសៅរ៍។

សិទ្ធិរដ្ឋធម្មនុញ្ញរាប់ទាំងសេរីភាពសមាគម និងសិទ្ធិទទួលបានការការពារក្នុងតុលាការដែលគាំទ្រដោយរដ្ឋនឹងត្រូវបានផ្អាករយៈពេល៣០ថ្ងៃដើម្បីដាក់គោលដៅលើក្រុមឧក្រិដ្ឋជនឲ្យកាន់តែប្រសើរឡើង។ នេះបើយោងតាមក្រឹត្យ។ កម្លាំងសន្តិសុខក៏នឹងត្រូវបានអនុញ្ញាតឲ្យស្ទាក់ចាប់ការហៅទូរសព្ទ និងឃុំខ្លួនជនសង្ស័យជាបឋមរយៈពេលវែងដែលស្ថិតក្រោមក្រឹត្យគ្រាអាសន្នថ្មីនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Ernesto Castro ប្រធានសភាបាននិយាយតាមបណ្តាញសង្គម បន្ទាប់ពីសេចក្តីប្រកាសរបស់រដ្ឋាភិបាលថា ៖«យើងបានធ្វើវាត្រឹមត្រូវសម្រាប់ប្រជាជនអែលសាល់វ៉ាឌ័រ។ យើងបានអនុម័តច្បាប់គ្រាអាសន្នដើម្បីអនុញ្ញាតឲ្យរដ្ឋាភិបាលការពារជីវិតប្រជាជន អែលសាល់វ៉ាឌ័រ និងដើម្បីដោះស្រាយបទឧក្រិដ្ឋជាបន្តបន្ទាប់»។

ប្រទេស អែលសាល់វ៉ាឌ័រ មានប្រវត្តិសាស្ត្រជាយូរមកហើយនៃក្រុមឧក្រិដ្ឋកម្មដែលកើតមានឡើងដើម្បីប្រយុទ្ធប្រឆាំងនឹងកងកម្លាំងសន្តិសុខ និងក្នុងចំណោមឧក្រិដ្ឋជនផ្ទាល់ដើម្បីគ្រប់គ្រងដែនដី និងផ្លូវរត់គ្រឿងញៀនឆ្លងកាត់អាមេរិកកណ្តាល។ ប្រទេសតូចនៅអាមេរិកកណ្តាលមួយនេះឈានមុខគេក្នុងពិភពលោកអំពីឃាតកម្មពាក់ព័ន្ធនឹងទំហំនៃប្រជាជនជាច្រើនឆ្នាំមកហើយពោលគឺចាប់តាំងពីឆ្នាំ២០១០មក។

លោកប្រធានាធិបតី Nayib Bukele បានកាន់តួនាទីកាលពីខែមិថុនា ឆ្នាំ២០១៩ដោយមានការគាំទ្រយ៉ាងខ្លាំង បន្ទាប់ពីបានសន្យាក្រោកឈរដើម្បីបង្ក្រាបក្រុមទំនើងដែលបានអុកឡុក អែលសាល់វ៉ាឌ័រ រាប់ឆ្នាំមកហើយ។

កាលពីឆ្នាំ២០២០ លោកអនុញ្ញាតឲ្យប្រើប្រាស់កម្លាំងសាហាវដល់ប៉ូលិស និងទាហានដើម្បីបង្ក្រាបក្រុមទំនើងដែលលោកបាននិយាយថា កំពុងកេងចំណេញពីជំងឺរាតត្បាតកូវីដ-១៩ បន្ទាប់ពីហិង្សាមួយចុងសប្តាហ៍សម្លាប់មនុស្សទូទាំងប្រទេសហោចណាស់៥០នាក៕

ប្រែសម្រួល៖ វីរបុត្រ
ប្រភព៖ CNN

Related Topics: