ព័ត៌មានជាតិ

សិស្សថ្នាក់ទី ៩ ប្រលងរួច ក៏មិនគិតពិន្ទុគឺឲ្យជាប់ទាំងអស់

បានផុស

៤ years មុន

នៅ

ថ្ងៃអង្គារ ១៥ ធ្នូ ២០២០

ដោយ

ប្រកាសឲ្យសិស្សបាក់ឌុបត្រូវប្រលងឆ្នាំនេះជាប់ដោយស្វ័យប្រវត្តិ សម្តេចតេជោហ៊ុន សែន នៅចុងបញ្ចប់សន្ទរកថានៅព្រឹកនេះ ក៏លើកឡើងពីករណីសិស្សថ្នាក់ទី ៩ (ឌីប្លូម) ដែលទើបប្រលងរួច ក៏គួរពិចារណាឲ្យជាប់ទាំងអស់គ្នាដែរ។

សម្តេចមើលឃើញស្ថានភាពបច្ចុប្បន្ន មិនអាចវាយតម្លៃគុណភាពសិក្សារបស់សិស្សជាប់ធ្លាក់តាមរយៈការប្រលង ដោយសារជំងឺកូវីដនៅបន្តអូសបន្លាយ ដែលពិតជាបានធ្វើឲ្យប៉ះពាល់ដល់ដំណើរការរៀនសូត្រ។

សម្តេចលើកឡើងថា គុណភាពជារឿងមួយ ហើយនៅពេលនេះមិនអាចទៅរួចក្នុងការផ្តល់ពិន្ទុសិស្សដោយការប្រលង។

គួរបញ្ជាក់ថា ការប្រឡងឌីប្លូមនៅឆ្នាំនេះបានប្រព្រឹត្តិទៅនៅថ្ងៃទី៣០ខែវិច្ឆិកានិងថ្ងៃទី១ធ្នូឆ្នាំ២០២០ដោយមានបេក្ខជនសរុបចំនួន១៥៨ ៧១៧នាក់ស្រី៨៥១៣១នាក់និងមានមណ្ឌលប្រឡងចំនួន១៧២៩ចែកជា៧១៤១បន្ទប់។

ដើម្បីការពារការឆ្លងរីករាលដាលចូលទៅសហគមន៍ទ្រង់ទ្រាយធំនោះ សាលានីមួយៗជាអ្នកប្រកាសលទ្ធផលប្រឡងតាមរយៈប្រព័ន្ធតេឡេក្រាមជំនួសឲ្យសិស្សទៅមើលផ្ទាល់នៅតាមសាលារៀន៕