លេខដែលចូលចិត្ត នឹងឆ្លុះបញ្ចាំងពីបុគ្គលិកលក្ខណៈ ថាយើងជាមនុស្សបែបណា?

មានមនុស្សជាច្រើន ប្រាកដជាមានលេខដែលខ្លួនចូលចិត្ត នៅក្នុងចិត្តរួចទៅហើយ។ ជាពិសេសលេខទាំងនោះ អាច​នាំ​សំណាង​​​ ឬធ្វើឲ្យអ្នកដែលនិយមចូលចិត្ត​​មាន​អារម្មណ៍​ល្អ។ ទន្ទឹម​នោះ​ លេខ​ដែល​យើង​​ចូលចិត្ត​ ក៏​អាច​ឆ្លុះ​បញ្ចាំង​ពី​បុគ្គលិក​លក្ខណៈ​របស់អ្នកផងដែរ។

លេខ 0 អ្នកជាមនុស្សច្នៃប្រឌិត ឆ្លាតវៃ មាន​ទេពកោសល្យ​ពូកែពីកំណើត និងមិន​ចូលចិត្ត​ធ្វើ​អ្វីៗដដែលៗ ឬក្រោយគេឡើយ។

លេខ ១ មានភាពច្នៃប្រឌិតខ្លាំង តែងតែជឿ​លើ​ខ្លួន​ឯង មានមហិច្ឆតាខ្ពស់ និងមានទំនួលខុសត្រូវខ្ពស់ណាស់ចំពោះរឿងដែលខ្លួនបានធ្វើ។

លេខ ២ ជាបុគ្គលមានចិត្តល្អ សុភាពរាបសារ តែឆាប់រសើបបើបានប៉ះរឿងណាធ្វើឲ្យថ្នាំងចិត្ត ហើយគេក៏យកចិត្តទុកដាក់ចំពោះមនុស្សជុំវិញ មិនថាក្នុងរឿងតូចតាច និងមានភាពសប្បុរសជានិច្ច។

លេខ ៣ យកចិត្តទុកដាក់ចំពោះអារម្មណ៍របស់មនុស្សជុំវិញខ្លួន។ ពូកែជជែក មាន​ទំនាក់ទំនង​មនុស្សល្អ ចូលចិត្តមើលថែអ្នកដទៃជាខ្លាំង។

លេខ ៤ មានទំនុកចិត្តលើខ្លួនឯងខ្ពស់ ស្រលាញ់សេរីភាព និយាយតិច និងចូលចិត្តធ្វើច្រើនជាងនិយាយ។ មានគំនិតផ្លូវការច្រើន។

លេខ ៥ ចូលចិត្តភាពរីករាយ ហើយបើរឿងដែលត្រូវ​សម្រេចចិត្តគឺធ្វើយ៉ាងម៉ឺងម៉ាត់ គេនោះក៏ជាបុគ្គលធ្វើអ្វីមួយលឿន ប៉ុន្តែមានការប្រុងប្រយ័ត្នដូចគ្នា។

លេខ ៦ មានគំនិតប្លែកពីគេ ចូលចិត្តគិតបែបវិជ្ជមាន មានភាពច្នៃប្រឌិតពីកំណើត និងស្រលាញ់ក្មេងៗ។

លេខ៧ ជាមនុស្សសុភាពរាបសារ មិនចូលចិត្តអួតអាងខុសបែប និងតែងតែកំណត់ផ្លូវសម្រាប់អនាគតសម្រាប់ខ្លួនឯងខុសពីគេ។

លេខ ៨ ជាមនុស្សមានភាពអត់ធ្មត់ ក្លាហាននិងហ៊ានលះបង់ និងជាមនុស្សត្រង់ខ្លាំងចំពោះមនោសញ្ចេតនា ហើយបុគ្គលនោះ តែងតែមានហេតុផលក្នុងការសម្រេចចិត្តនៅរឿងអ្វីមួយផងដែរ។

លេខ ៩ បុគ្គលនេះមានទម្លាប់អនុវត្តតាមច្បាប់យ៉ាងតឹងរ៉ឹងចំពោះខ្លួនឯងណាស់ បើថាធ្វើអ្វីមួយ គឺធ្វើឲ្យបាន ហើយក៏ស្រឡាញ់យុត្តិធម៌ និងមានភាពស្មោះត្រង់ខ្លាំងណាស់ដែរ៕

គ្រូ ណុប

ចុចអាន៖ប្រផ្នូល ៣ ចាស់ៗជឿថា នាំលាភចូលក្នុងផ្ទះ និងមានគេចង់បណ្ដាក់ទុនរកស៊ីជាមួយ

ចុចអាន៖៣ យ៉ាងហាមមានក្នុងផ្ទះ អាចទាញលាភសំណាងចេញ និងនាំភាពក្ដៅក្រហាយដល់គ្រួសារ