រុស្ស៊ី បាញ់មីស៊ីលនាំផ្លូវកម្ទេចឃ្លាំងប្រេងដែលផ្គត់ផ្គង់ដល់យោធា អ៊ុយក្រែន

អ្នកនាំពាក្យក្រសួងការពារជាតិរុស្ស៊ីលោក Igor Konashenkov បាននិយាយនៅថ្ងៃព្រហស្បតិ៍នេះថា កងកម្លាំងប្រដាប់អាវុធរុស្ស៊ីបានបាញ់កាំជ្រួចមីស៊ីលនាំផ្លូវកម្រិតខ្ពស់ បំផ្លាញឃ្លាំងស្តុកប្រេងដ៏ធំដែលផ្គត់ផ្គង់ដល់យោធាអ៊ុយក្រែននៅក្នុងទីក្រុងចំនួន ៤ ។

លោក Konashenkov បានប្រាប់អ្នកយកព័ត៌មានថា “កាលពីល្ងាចថ្ងៃទី ៣០ ខែមីនា មីស៊ីលនាំផ្លូវបាញ់តាមអាកាសបានបំផ្លាញឃ្លាំងផ្ទុកប្រេងឥន្ធនៈធំ ៗនៅក្នុងការតាំងទីលំនៅរបស់ទីក្រុង Dnepr ទីក្រុង Lysychansk ទីក្រុង Chuguev និងទីក្រុង Novomoskovsk” ។

មន្ត្រីដដែលបាននិយាយថា បន្ថែមពីលើនេះយោធារុស្ស៊ីក៏បានបាញ់ទម្លាក់យន្តហោះដ្រូនចំនួន ១៨ គ្រឿង រួមទាំងយន្តហោះ Bayraktar TB2 មួយគ្រឿងផងដែរ នៅលើដែនអាកាសក្បែរតំបន់នៃការតាំងទីលំនៅចំនួន ១៣ នៅទូទាំងប្រទេសអ៊ុយក្រែន ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ រុស្ស៊ី កំពុងចល័តទ័ពដូរផែនការវាយលុក អ៊ុយក្រែន