សន្តិសុខសង្គម
រថយន្តធុនធំថៃចូលដឹកកសិផលធ្វើឲ្យខូចផ្លូវ អាជ្ញាធរសម្រេចបង្រួមផ្លូវ បណ្ដាលឲ្យកសិករជិត៣០០នាក់បិទផ្លូវតវ៉ា
បាត់ដំបង ៖ ប្រជាពលរដ្ឋប្រមាណ៣០០នាក់ កើតទុក្ខមិនសុខចិត្តនឹងអាជ្ញាធរបានបិទផ្លូវ១ខ្សែពីទំហំធំមកនៅទំហំតូច ធ្វើឲ្យកសិករចេញចូលគ្រឿងចក្រកសិកម្មមិនបាន ក៏នាំគ្នាយកត្រាក់ទ័រទៅបិទផ្លូវតវ៉ាឲ្យអាជ្ញាធរជួយសម្រួលបើកផ្លូវធំទូលាយដូចមុនឡើងវិញ ខណៈការបិទបែបនេះមានច្រើនកន្លែង។
ករណីខាងលើនេះ បានកើតឡើងកាលពីព្រឹកថ្ងៃទី៣០ ខែមីនា ឆ្នាំ២០២២ ស្ថិតក្នុងភូមិអូរឃ្មុំឃុំរស្មីសង្ហារស្រុករតនមណ្ឌលខេត្តបាត់ដំបងជាប់នឹងព្រំប្រទល់ខេត្តប៉ៃលិនក្នុងភូមិកូនដំរីឃុំស្ទឹងត្រង់ស្រុកសាលាក្រៅ។
ប្រជាពលរដ្ឋជាកសិករចំនួន០៤រូប ក្នុងចំណោមប្រជាពលរដ្ឋខាងលើដែលមកតវ៉ារួមឈ្មោះញ៉ាញ់ .គឹមសោន ភេទប្រុស អាយុ៣៥ឆ្នាំ,ឈ្មោះនង វទ្ធីភេទប្រុស,ឈ្មោះ”ចយ”ភេទប្រុសនិងឈ្មោះប៉ុន ស្រស់ភេទស្រីអាយុ២៩ឆ្នាំទាំង០៤នាក់រស់នៅក្នុងភូមិ ឃុំកើតហេតុខាងលើបានរៀបរាប់ដូចៗគ្នាថា ក្រោយពីអាជ្ញាធរនិងមន្ត្រីជំនាញបានយកលូចាក់សាបនិងតម្រៀបបិទបង្រួមផ្លូវសងខាងពី៤ទៅ៥កន្លែងបែបនេះដោយទុកទទឹងផ្លូវតែប្រវែង២.៦ម៉ែត្រទៅ២.៧ម៉ែត្រក្នុងគោលបំណងមិនឱ្យរថយន្តធុនធំដឹកកសិផលបើកបរចេញចូលបាននៅលើដងផ្លូវខាងលើនេះបានធ្វើឱ្យប៉ះពាល់ធ្ងន់ធ្ងរដល់ជីវភាពរបស់ពួកគាត់ទើបពួកគាត់ចេញតវ៉ាបែបនេះ។
ពួកគាត់បន្តថា ក្រោយពីប្រជាកសិករប្រមូលកសិផលមិនដឹងលក់ទៅខាងណាទេព្រោះឈ្មួញថៃមិនបានចូលមកប្រមូលទិញដូចសព្វដងនោះទេព្រោះតែរថយន្តដឹងដំឡូងចេញចូលមិនរួចជាហេតុធ្វើឱ្យតម្លៃទីផ្សារដំឡូងមីរបស់ពួកគាត់មានការធ្លាក់ចុះយ៉ាងគំហុក។
ពួកគាត់បានលើកឡើងទាំងមិនសប្បាយចិត្តថា ក្រោយពីអាជ្ញាធរធ្វើបែបនេះតម្លៃទីផ្សារធ្លាក់ចុះខ្លាំងនៅសល់១គីឡូក្រាមត្រឹមតែ១បាត(ប្រាក់ថៃ)ជាង១០០រៀលប៉ុណ្ណោះ ខណៈកាលពីមិនទាន់បិទផ្លូវដំឡូងមី១គីឡូក្រាមលក់បានតម្លៃ២.១ទៅ២.២បាត(ប្រាក់ថៃ)ជាង២០០រៀល។
ពួកគាត់ថាការធ្លាក់តម្លៃយ៉ាងធ្ងន់ធ្ងរបែបនេះ ចាប់តាំងពីស្តង់របស់ឈ្មួញមួយចំនួនត្រូវថៅកែបង្ខំចិត្តបិទលែងទទួលទិញ ព្រោះខាងថៃមិនអាចបើកបររថយន្តចូលទៅដឹកកសិផលដំឡូងមីដូចមុនបានឡើយនៅតាមស្តង់ដោយគេអនុញ្ញាតឱ្យតែរថយន្តតូចៗចូលដឹងតែប៉ុណ្ណោះ។
ស្ត្រីឈ្មោះសៀ សុភ័ក្ត្រអាយុ២៥ឆ្នាំជាតំណាងឱ្យម្ចាស់ស្តង់ដំឡូងមីរបស់ថៅកែថៃបានឱ្យដឹងដែរថា ក្រោយផ្លូវត្រូវបានបិទបង្រួមថៅកែថៃក៏បានផ្អាកទិញកសិផលពោតក្រហមនិងដំឡូងមីហើយនៅកន្លែងស្តង់មួយចំនួនទៀតដែលស្ថិតនៅក្បែរៗផ្លូវ១ខ្សែខាងលើក៏ត្រូវបង្ខំចិត្តបិទទ្វារឈប់ទទួលទិញផងដែរ។ ស្ត្រីរូបនេះបានបន្តថាបើសិនជាអាជ្ញាធរពាក់ព័ន្ធមិនឆាប់ដោះស្រាយបញ្ហានេះទេប្រជាពលរដ្ឋរស់នៅតាមបណ្តោយផ្លូវខាងលើនឹងជួបការលំបាកចំពោះជីវភាពគ្រួសារជាក់ជាមិនខាន។
ក្រុមប្រជាពលរដ្ឋបានបន្តទៀតថា ការបិទបែបនេះមិនត្រឹមតែរថយន្តថៃចេញចូលដឹកកសិផលមិនរួចប៉ុណ្ណោះទេសូម្បីតែត្រាក់ទ័រភ្ជួររាស់ដីនិងដាំពោតដំឡូងមីរបស់ពួកគាត់ដែលភ្ជាប់ឧបករណ៍ពូនរងពីក្រោយក៏ចេញចូលមិនរួចដែរធ្វើឱ្យពួកគាត់ប្រឈមនិងសេដ្ឋកិច្ចគ្រួសារទើបពួកគាត់ចេញតវ៉ាស្នើសុំឱ្យអាជ្ញាធរសម្របសម្រួលឡើងវិញដើម្បីឲ្យគ្រឿងចក្រកសិកម្មដូចជាត្រាក់ទ័រនិងគោយន្តច្នៃអាចបើកបរប្រកបរបរកសិកម្មបានឡើងវិញនិងឲ្យទីផ្សារដំឡូងមីរបស់ពួកគាត់បានតម្លៃដូចមុនផងដែរ។
ពាក់ព័ន្ធករណីខាងលើលោកកុល ស៊ីនួនជំទប់ទី១ឃុំរស្មីសង្ហារបានឱ្យដឹងថា ការបិទផ្លូវនេះគឺខាងក្រសួងអភិវឌ្ឍន៍ជនបទ និងក្រសួងសាធារណការនិងដឹកជញ្ជូនមិនមែនខាងឃុំស្រុកឬខេត្តបាត់ដំបងនោះឡើយ។ លោកថា ការបិទផ្លូវនេះក្នុងគោលបំណងមិនឱ្យរថយន្តធុនធ្ងន់ខុសបច្ចេកទេសបើកបរចូលបានឡើយព្រោះនាំឱ្យខូចផ្លូវអាចត្រឹមតែរថយន្តស្តង់ដារដូចជារថយន្តដឹកកសិផលរបស់ថៃសណ្តោងរ៉ឺម៉កក៏អាចបើកបរចូលបានដែរហើយខាងលោកកំពុងតែស្នើសុំទៅខាងក្រសួងឱ្យជួយបង្ខិតចេញក្រៅបន្តិចទៀតដើម្បីឱ្យប្រជាពលរដ្ឋអាចបើកបររថយន្តឬត្រាក់ទ័រទៅភ្ជួរដីចម្ការរបស់ខ្លួនមិនប៉ះគែមសងខាង។
ប្រហាក់ប្រហែលនិងលោកមេឃុំបានលើកឡើងលោកគុយ .វណ្ណណូអភិបាលស្រុករតនមណ្ឌលបានឱ្យដឹងដែរថា ការសម្រេចបិទបែបនេះបន្ទាប់ពីក្រសួងអភិវឌ្ឍន៍ជនបទនិងក្រសួងសាធារណការនិងដឹកជញ្ជូនសង្កេតឃើញថា មានរថយន្តធុនធំរបស់ថៃបានដឹកកសិផលលើសទម្ងន់ធ្វើឱ្យខូចខាតផ្លូវខាងលើទើបខាងមន្ត្រីជំនាញចុះទៅបិទបង្រួមផ្លូវឱ្យតូចទុកត្រឹមរថយន្តទម្ងន់ត្រឹម១០តោនទើបអាចបើកបរចូលតាមផ្លូវខាងលើនេះបានតែប៉ុណ្ណោះដោយគោលការណ៍នេះមិនមែនសម្រេចពីខាងស្រុករបស់លោកឡើយ។
បើទោះបីបែបណាប្រជាពលរដ្ឋបានបញ្ជាក់ថា ករណីខាងលើនេះបើមន្ត្រីជំនាញមិនព្រមសម្របសម្រួលឡើងវិញទេពួកគាត់នឹងបន្តការតវ៉ាបិទផ្លូវបន្តទៀតរហូតដល់មានដំណោះស្រាយសមស្របណាមួយដែលពួកគាត់ទទួលយកបានហើយមិនឲ្យប៉ះពាល់ដល់សេដ្ឋកិច្ចគ្រួសាររបស់ពួកគាត់នាថ្ងៃខាងមុខបន្តទៀត៕
ដោយ ៖ សៅ សារិទ្ធ
អង់គ្លេស ថែមប្រាក់កម្ចីឲ្យអ៊ុយក្រែន ជិត៣ពាន់លានដុល្លារ សម្រាប់ផលិតកម្មអាវុធ
លោក ហេង សួរ ប្រគល់កុំព្យូទ័រជាអំណោយសម្តេចបវរធិបតី ១៣៩គ្រឿង ជូនមន្ទីរ អង្គភាព គ្រឹះស្ថានអប់រំ
សម្ដេចតេជោ ស្ដាយដែលអ្នកសារព័ត៌មានចាត់ទុកថាថៃជោគជ័យលើការបង្ក្រាបបទល្មើសឆបោកតាមអនឡាញ តែថាកម្ពុជាបរាជ័យ
បណ្ឌិត សូ ណារ៉ូ ៖ ពលរដ្ឋកុំធ្វើតាមទណ្ឌិត សម រង្ស៊ី ព្រោះជាការញុះញង់ផ្តួលរំលំរដ្ឋាភិបាល និងជាបទល្មើសព្រហ្មទណ្ឌកម្រិតធ្ងន់
បុណ្យកោងកាងសន្តិភាពឆ្នាំនេះ÷ កូនកោងកាង៥ពាន់ដើម ត្រូវបានដាំនៅក្នុងសហគមន៍កោះកាពិ ខេត្តកោះកុង
Trump ដាក់លក្ខខណ្ឌបើ Zelensky ចង់មកចរចាម្តងទៀត
Trump និង Zelensky ឈ្លោះគ្នានៅសេតវិមាន ផ្អើលពិភពលោក
ជម្លោះ Trump-Zelensky ធ្វើឲ្យអឺរ៉ុបធ្លាក់ចូលវិបត្តិជ្រៅ, តើណាតូនិងអ៊ុយក្រែន ទៅជាយ៉ាងណា?
រុស្ស៊ីពង្រឹងការទូតយ៉ាងខ្លាំង ក្រោយអាមេរិកផ្សះផ្សាវិញ ប៉ុន្តែដូណាល់ ត្រាំបំបែកសម្ព័ន្ធមិត្ត
មេដឹកនាំបណ្តាប្រទេសនៅអឺរ៉ុបបង្ហាញជំហរពិតក្នុងជម្លោះត្រាំនិងហ្សេលេនស្គី
-
សេចក្ដីជូនដំណឹង១ សប្តាហ៍ agoរៃហ្គេត ហ្គ្រេមម័រ ស្គូល ភ្នំពេញ ដើមកំណើត៣៥០ឆ្នាំ ពីចក្រភពអង់គ្លេស
-
ព័ត៌មានអន្ដរជាតិ៤ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ៧ ថ្ងៃ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៤ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៥ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៦ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម២ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៥ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ