តើខាងណា ជាអ្នកវាយប្រហាររោងចក្រប្រេងរុស្ស៊ីឲ្យប្រាកដ?

រដ្ឋមន្ត្រីការបរទេសអ៊ុយក្រែន លោក Dmytro Kuleba បាននិយាយថា លោកមិនអាចបញ្ជាក់ ឬបដិសេធទេថា អ៊ុយក្រែនបានវាយប្រហាររោងចក្រប្រេងមួយនៅក្នុងប្រទេសរុស្ស៊ី។

ឥឡូវនេះ មន្ត្រីសន្តិសុខកំពូលរបស់អ៊ុយក្រែនបានចេញមុខជាបន្ត ដោយបដិសេធថា កងកម្លាំងអ៊ុយក្រែន មិននៅពីក្រោយការវាយប្រហារនោះទេ។

ចំណែក លេខាធិការក្រុមប្រឹក្សាសន្តិសុខអ៊ុយក្រែនលោក Oleksiy Danilov បានប្រាប់ទូរទស្សន៍ជាតិថា “ពួកគេនិយាយថា យើងបានធ្វើរឿងនេះ ប៉ុន្តែយោងទៅតាមព័ត៌មានរបស់យើង នេះមិនមែនជាការពិតទេ”។

ស្របពេលជាមួយគ្នានោះដែរ អ្នកនាំពាក្យក្រសួងការពារជាតិរុស្ស៊ី លោក Igor Konashenkov បានប្រាប់បណ្តាញព័ត៌មានរដ្ឋ Rossiya 24 ថា រោងចក្រនេះគឺផ្គត់ផ្គង់តែប្រេងឥន្ធនៈសម្រាប់ការដឹកជញ្ជូនស៊ីវិលប៉ុណ្ណោះ មិនមែនសម្រាប់យោធាទេ។

លោក​និយាយ​ថា​ “កន្លែង​ស្តុក​ប្រេង​មិន​មាន​ពាក់ព័ន្ធ​នឹង​កងកម្លាំង​ប្រដាប់អាវុធ​រុស្ស៊ី​ឡើយ”។

គួរបញ្ជាក់ថា កាលពីថ្ងៃទី០១ខែមេសា ឧទ្ធម្ភាគចក្រ​អ៊ុយក្រែនធុន Mi-24 ចំនួនពីរគ្រឿង ​បាន​វាយប្រហារ​រោងចក្រ​ប្រេង​មួយកន្លែង​នៅ​ក្នុងទីក្រុង Belgorod របស់​ប្រទេស ​រុស្ស៊ី៕

ប្រែសម្រួល៖ Vann Vann

ប្រភព៖ BBC

ចុចអាន៖ ឧទ្ធម្ភាគចក្រអ៊ុយក្រែន បើកការវាយប្រហារក្នុងប្រទេស រុស្ស៊ី កម្ទេចរោងចក្រប្រេង ឆេះសន្ធោសន្ធៅ