ក្តៅគគុក! យន្តហោះទម្លាក់គ្រាប់បែកនុយក្លេអ៊ែរអាមេរិក ហោះឆ្វែលកៀកព្រំដែនរុស្ស៊ី 

យន្តហោះទម្លាក់គ្រាប់បែកនុយក្លេអ៊ែររបស់អាមេរិកមួយគ្រឿង ត្រូវបានគេប្រទះឃើញហោះឆ្វែលនៅជិតព្រំដែនរុស្ស៊ី ក្នុងសារព្រមានច្បាស់ៗទៅកាន់លោក វ្ល៉ាឌីមៀរ ពូទីន។

ការ​ព្រមាន​នេះ​ធ្វើ​ឡើង​ បន្ទាប់​ពី​​រុស្សីបាន​បញ្ជូន​យន្តហោះ​ចម្បាំងបំពាក់​អាវុធ​នុយក្លេអ៊ែ​ទៅ​ប្រទេស​ស៊ុយអែត ប៉ុន្តែ​ត្រូវ​បាន​ស្ទាក់​ដោយ​យន្តហោះ​ចម្បាំងស៊ុយអែត។

យោងតាមទិន្នន័យរបស់ Flightradar, យន្តហោះធុន B-52H Stratofortress របស់អាមេរិក បានហោះចេញពីអាកាសយានដ្ឋាន Cotswold កាលពីថ្ងៃសុក្រទី០១ខែមេសា។

ដោយឡែក ប្រព័ន្ធផ្សព្វផ្សាយស៊ុយអែតបានរាយការណ៍នៅថ្ងៃមុននោះថា យន្តហោះចម្បាំង៤គ្រឿងរបស់លោក វ្ល៉ាឌីមៀរ ពូទីន បានហោះលើសមុទ្រ បាល់ទិក ឆ្ពោះទៅកាន់កោះ Gotland ។

ទូរទស្សន៍ TV4, Expressen និង Aftonbladet សុទ្ធតែបានរាយការណ៍ថា ទាំងនោះគឺជាយន្តហោះទម្លាក់គ្រាប់បែកធុន Sukhoi Su-24 ចំនួនពីរគ្រឿង និងយន្តហោះចម្បាំង Sukhoi Su-27 ចំនួនពីរគ្រឿង៕

ប្រែសម្រួល៖ Vann Vann

ប្រភព៖ Sun

ចុចអាន៖ អ៊ុយក្រែន ចេញមុខបដិសេធ មិនបានវាយប្រហាររោងចក្រប្រេងរុស្ស៊ី ទេ