ស្រ្តីវ័យក្មេង អ៊ុយក្រែន ម្នាក់ប្រើមីស៊ីលបាញ់ទម្លាក់យន្តហោះ និងឧទ្ធម្ភាគចក្រ រុស្ស៊ី

ស្ត្រីវ័យក្មេងជនជាតិអ៊ុយក្រែនម្នាក់បានបាញ់ទម្លាក់យន្តហោះ និងឧទ្ធម្ភាគចក្ររុស្ស៊ី ២ គ្រឿងដោយប្រើគ្រាប់រ៉ុកកែតបាញ់ពីលើស្មា ។

ស្ត្រី​វ័យ ២២ ​ឆ្នាំ​រូប​នេះបានប្រើមីស៊ីលប្រឆាំងយន្តហោះ Igla បាញ់ទម្លាក់យន្តហោះរុស្ស៊ី បន្ទាប់ពីនាងទើបតែត្រូវបានបង្រៀនពីរបៀបប្រើឧបករណ៍នេះកាលពី ២ សប្តាហ៍មុនប៉ុណ្ណោះ ។

ក្រោយមានសមត្ថភាពប្រើមីស៊ីលបាញ់ពីដីទៅអាកាស Igla នេះហើយ បច្ចុប្បន្ននាងត្រូវបានចាត់ទុកថាជាអ្នកស្ទាត់ជំនាញមួយរូប ។

ទន្ទឹមនោះ អត្តសញ្ញាណរបស់នាងកំពុងត្រូវបានរក្សាទុកជាសម្ងាត់ ចំពេលមានការភ័យខ្លាចថាភ្នាក់ងាររុស្ស៊ីនឹងព្យាយាមធ្វើឃាតនាង ។

គួរបញ្ជាក់ថា Igla គឺជាគ្រាប់រ៉ុកកែត ឬមីស៊ីលផលិតដោយរុស្ស៊ី និងមានទម្រង់ផ្សេងៗគ្នាតាំងពីទសវត្សរ៍ឆ្នាំ ១៩៨០ ។ កាំជ្រួចមីស៊ីល​នេះ​អាច​ហោះ​ក្នុង​ល្បឿនលឿនជាង​សំឡេង ២ ដង និងហោះ​ដល់​កម្ពស់ ៣.៣៥ គីឡូម៉ែត្រ ៕

ប្រែសម្រួលដោយ ៖ ជីវ័ន្ត

ប្រភព ៖ Daily Star

ចុចអាន ៖ វិមានក្រឹមឡាំង ថា បើអ្នកណាហ៊ានវ៉ៃប្រទេសសម្ព័ន្ធមិត្តខ្លួនមួយនេះ ដូចវាយប្រហារលើ រុស្ស៊ី