អ៊ុយក្រែន បង្ហាញតួលេខទាហានរុស្ស៊ីស្លាប់ជិត ២ម៉ឺននាក់ និងការខាតបង់ធំធេងផ្សេងទៀត

ចំនួនកងទ័ពរុស្ស៊ីដែលស្លាប់ក្នុងសមរភូមិ បានកើនឡើងដល់ ១៨ ៣០០នាក់ហើយ គិតត្រឹមថ្ងៃចន្ទទី០៣ខែមីនា។ នេះបើយោងតាមការប៉ាន់ស្មានរបស់ទីក្រុង កៀវ ខណៈ កងទ័ពអ៊ុយក្រែន វាយដណ្តើមបានទីក្រុងជាច្រើនទៀតនៅភាគខាងជើងមកវិញ។

ទោះបីជាយ៉ាងណាក៏ដោយ រុស្សីបានទទួលស្គាល់ថា ទាហានរបស់ខ្លួនស្លាប់ត្រឹមតែ ១៣៥១ នាក់ប៉ុណ្ណោះ ចាប់តាំងពីលោក ពូទីន បើកការវាយលុកនៅថ្ងៃទី២៤ខែកុម្ភៈមក។

យោងតាមរបាយការណ៍របស់អ៊ុយក្រែនគិតត្រឹមថ្ងៃទី៣ខែមេសា កងកម្លាំងរុស្ស៊ីបានបាត់បង់ទាហាន និងមន្ត្រីជាង ១៨ ០០០នាក់ រួមទាំងមេទ័ពចំនួន៧នាក់, រថក្រោះ៦៤៤គ្រឿង, រថពាសដែក ១៨៣០គ្រឿង, ប្រព័ន្ធកាំភ្លើងធំ៣២៥គ្រឿង, ប្រព័ន្ធ MLR ១០៥គ្រឿង, ប្រព័ន្ធការពារដែនអាកាស៥៤គ្រឿង, យន្តហោះចម្បាំង១៤៣គ្រឿង, ឧទ្ធម្ភាគចក្រ១៣៤គ្រឿង។

លើសពីនេះ រុស្ស៊ីក៏បាត់បង់ផងដែរនូវរថយន្តចំនួន ១២៤៩គ្រឿង, នាវាចម្បាំង៧គ្រឿង, រថយន្តដឹកប្រេង៧៦គ្រឿង, យាន UAV កម្រិតប្រតិបត្តិការ និងយុទ្ធសាស្ត្រ៨៩គ្រឿង, ឧបករណ៍ពិសេស២៤គ្រឿង និងប្រព័ន្ធ SRBM ចល័តចំនួន៤គ្រឿង៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ ចិន អំពាវនាវឲ្យមានការចរចាដើម្បី បញ្ចប់សង្គ្រាម រុស្ស៊ី-អ៊ុយក្រែន