ព័ត៌មានជាតិ
នៅតំបន់ PUB Street មានព្រឹត្តិការណ៍ធំពីរត្រៀមទទួលភ្ញៀវទេសចររាប់ម៉ឺននាក់មកលេងចូលឆ្នាំ
ព្រឹត្តិការណ៍ធំពីរនឹងរៀបចំឡើងនៅតំបន់ផាប់ស្រ្តីត (Pub Street) ដើម្បីត្រៀមទទួលទេសចររាប់ម៉ឺននាក់មកដើរកម្សាន្តនាឱកាសចូលឆ្នាំថ្មី។
លោក លី សំរិទ្ធ អភិបាលរងខេត្ត និងជាអ្នកនាំពាក្យរដ្ឋបាលខេត្តសៀមរាបបានឲ្យកម្ពុជាថ្មីដឹងនៅរសៀលនេះថា នាឱកាសបុណ្យចូលឆ្នាំថ្មីខាងមុខឆាប់ៗនេះ នឹងមានរៀបចំព្រឹត្តិការណ៍សង្ក្រាន្តនៅក្រុងសៀមរាប ហើយនៅផាប់ស្ត្រីត (Pub Street) ក៏មានការប្រគំតន្រ្តីដោយមានការសហការជាមួយក្រុមហ៊ុនឯកជន សម្រាប់ទទួលភ្ញៀវទេសចរមកកម្សាន្ត។
បើតាមព័ត៌មានដែលលោកទទួលបាន គិតត្រឹមថ្ងៃនេះបន្ទប់ស្នាក់នៅតាមផ្ទះសំណាក់និងសណ្ឋាគារជាង ៧០ ភាគរយត្រូវបានភ្ញៀវកក់ពេញអស់។
បន្ទាប់ពីបិទទ្វារមួយរយៈធំ អាជីវកម្មបានចាប់ផ្ដើមមានសកម្មភាពឡើងវិញនៅតំបន់ផាប់ស្រ្តីត (Pub street) ដែលជាទីដ៏ពេញនិយមនៅក្នុងសៀមរាប។ បើតាមអាជ្ញាធរខេត្ត ក្នុងចំណោមហាងនិងភោជនីយដ្ឋានជាង ២០០ កន្លែង មានប្រហែល ៣០ ទៅ ៤០ ភាគរយ បានបើកដំណើរការឡើងវិញ ខណៈលំហូរភ្ញៀវទេសចរក៏ចាប់ផ្តើមវិលត្រឡប់មកវិញបណ្តើរៗ។
ខេត្តសៀមរាបជាគោលដៅទេសចរណ៍ដែលមានសុវត្ថិភាព និងទាក់ទាញសម្រាប់ដំណើរកម្សាន្តនាឱកាសបុណ្យចូលឆ្នាំថ្មីខាងមុខ។ នេះបើតាមរដ្ឋមន្ត្រីក្រសួងទេសចរណ៍ ដែលបានលើកឡើងក្នុងពេលថ្មីៗនេះ។
លោក ង៉ូវ សេងកាក់ ប្រធានមន្ទីរទេសចរណ៍ខេត្តសៀមរាបបានឲ្យដឹងថា សម្រាប់ឱកាសបុណ្យចូលឆ្នាំថ្មី អាជ្ញាធរបានរៀបចំព្រឹត្តិការណ៍សង្ក្រាន្តសៀមរាបនៅក្រុងសៀមរាប ផាប់ស្ត្រីត (Pub Street) អុំទូកលេងនៅតាមដងស្ទឹងសៀមរាប ល្បែងល្បាំប្រជាប្រិយ ការតាំងពិព័រណ៍ ពិធីកម្សាន្តតាមបែបសាសនានៅប្រាសាទចៅសាយទេវតាជាដើម។
លោកប្រធានមន្ទីរទេសចរណ៍បានបន្តទៀតថា មិនត្រឹមតែនៅក្នុងខេត្តប៉ុណ្ណោះទេ នៅតាមបណ្ដាស្រុកផ្សេងទៀតក៏រៀបចំកម្មវិធីកម្សាន្តច្រើននៅតាមគោលដៅប្រមាណ ១៧ គោលដៅទៀត ដូចជានៅសហគមន៍អេកូទេសចរណ៍ចង្ក្រានរយនៅ ស្រុកវ៉ារិន នៅតំបន់ភ្នំគូលែនក៏មានសហគមន៍ថ្មីៗ២-៣ទៀតដែរ។ ជាមួយគ្នានោះ តំបន់ទន្លេសាបក៏ដូចជានៅសហគមន៍ចុងឃ្នាស ក៏មានការរៀបចំឱ្យមានសកម្មភាពទេសចរណ៍ទាក់ទាញឡើងវិញ បន្ទាប់ពីរាជរដ្ឋាភិបាលបានទទួលយកមកគ្រប់គ្រងវិញ។
បន្ទាប់ការបើកប្រទេសឡើងវិញ នៅថ្ងៃទី១៥ ខែវិច្ឆិកា ឆ្នាំ២០២១ កន្លងមកនោះ បានជំរុញឱ្យចលនាទេសចរផ្ទៃក្នុងចេះតែមានការរីកចម្រើនកើនឡើង ខណៈប្រជាជនកម្ពុជាក៏មានការចេញដើរកម្សាន្តច្រើនទៅគ្រប់ទីកន្លែងនៃគោលដៅទេសចរណ៍ក្នុងប្រទេស ដូចជាគោលដៅអេកូទេសចរណ៍ សៀមរាប-អង្គរ តំបន់ឆ្នេរជាដើម៕
អត្ថបទ៖ ប៊ុណ្ណារ៉ា
លោក ម៉ប់ សារិន៖ ផ្លូវថ្មើរជើងទទួលបានការគាំទ្រពីប្រជាពលរដ្ឋ បើទោះបីការបើកសាកល្បងមិនទាន់គ្រប់ជ្រុងជ្រោយ
គីមឈីជិត១១តោនត្រូវបានមន្ត្រីកូរ៉េរឹបអូសពីអ្នកដំណើរតាមយន្តហោះក្នុងឆ្នាំ២០២៤
ក្រសួងប្រៃសណីយ៍ ចង់បង្កើតសួនឌីជីថល គាំទ្រដល់ធុរកិច្ចថ្មី និងការកសាងសហគមន៍ឌីជីថល
មន្ទីរព័ត៌មាន ស្នើឱ្យរាយការណ៍បើជួបអ្នកកាសែតក្លែងក្លាយ ដែលគំរាមកំហែង និងជំរិតទារប្រាក់
ឥណ្ឌូណេស៊ីជំរុញពិពិធកម្មផលិតផល ដើម្បីទប់ទល់ផលប៉ះពាល់ពន្ធអាមេរិក
បុរសធ្លាប់ជាប់ពន្ធនាគារព្រោះកូនឆ្កែ បានក្លាយជាម្ចាស់ហាងនំប៉័ង ព្រោះទឹកចិត្តសណ្ដោសរបស់សម្ដេចតេជោ
ត្រាំ ផ្ដែផ្ដាំទីប្រឹក្សាថា បើអ៊ីរ៉ង់ធ្វើឃាតលោក ត្រូវកម្ទេចអ៊ីរ៉ង់ឲ្យម៉ត់ដូចផេះ
ទំនងឆ្លងចរន្ដ រថយន្ដ FORD RAPTOR មួយគ្រឿងត្រូវអណ្ដាតភ្លើងឆេះអស់មួយកំណាត់មុខ
តើអ៊ុយក្រែន មានធនធានរ៉ែកម្រអ្វីខ្លះនិងសំខាន់ប៉ុនណា ទើបលោក ត្រាំ ចង់បាន?
យន្តហោះ២គ្រឿងទៀត បុកគ្នានៅ អាមេរិក
-
សន្តិសុខសង្គម១ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ agoធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?