ព័ត៌មានជាតិ

លួចម៉ូតូកង់បីឥណ្ឌាបាន៤ថ្ងៃត្រូវសមត្ថកិច្ចឃាត់ខ្លួន

បានផុស

៤ years មុន

នៅ

ថ្ងៃពុធ ១៦ ធ្នូ ២០២០

ដោយ

ជនសង្ស័យ១នាក់បានធ្វើសកម្មភាពលួចម៉ូតូកង់បីឥណ្ឌា ហើយគេចខ្លួនបាន៤ថ្ងៃ ទីបំផុតត្រូវនឝរបាលព្រហ្មទណ្ឌខណ្ឌសែនសុខ សហការជាមួយប៉ុស្តិ៍នគរបាលភ្នំពេញថ្មី តាមស្រាវជ្រាវឃាត់ខ្លួន។

នគរបាលព្រហ្មទណ្ឌខណ្ឌសែនសុខ ប្រាប់អោយដឹងថា កាលពីថ្ងៃទី១៥ ខែធ្នូ ឆ្នាំ២០២០ វេលាម៉ោង១២និង០០នាទី កម្លាំងប៉ុស្តិ៍នគរបាលភ្នំពេញថ្មី បានឃាត់ខ្លួនជនសង្ស័យ០១នាក់ឈ្មោះ លីរ៉ូ ហ្សាលី ករណីលួចម៉ូតូកង់បីឥណ្ឌា នៅចំណុចមុខបន្ទប់ជួល ផ្លូវ៥៩៨ ភូមិទំនប់ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនសង្ស័យឈ្មោះ លីរ៉ូ ហ្សាលី ភេទប្រុស អាយុ៣៩ឆ្នាំ ជនជាតិខ្មែរ មុខរបរគ្មាន ស្នាក់នៅផ្ទះលេខ៤៤៧ ផ្លូវបេតុង ភូមិស្វាប៉ាក សង្កាត់ស្វាយប៉ាក ខណ្ឌឬស្សីកែវ (មានសារធាតុញៀន) បានធ្វើសកម្មភាពលួចម៉ូតូកង់បីឥណ្ឌារបស់ជនរងគ្រោះឈ្មោះ ផុន អាត ភេទប្រុស អាយុ៣៨ឆ្នាំ ជនជាតិខ្មែរ មុខរបររត់ម៉ូតូកង់បីឥណ្ឌា ស្នាក់នៅបន្ទប់ជួល ផ្លូវ៥៩៨ ភូមិទំនប់ សង្កាត់ភ្នំពេញថ្មី ខណ្ឌសែនសុខ ប្រព្រឹត្តឡើងកាលពី ថ្ងៃទី១១ ខែធ្នូ ឆ្នាំ២០២០ មកម្លេះ។

បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕

អត្ថបទ ៖ រ៉ាវុទ្ធ

Related Topics:ករណីលួច