លោក ពូទីន បាត់បង់មេទ័ពកំពូលម្នាក់ទៀត ក្នុងការប្រយុទ្ធជាមួយ​ អ៊ុយក្រែន

ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានបាត់បង់មេទ័ពទីប្រាំបួនរបស់គាត់ នៅក្នុងសមរភូមិ ចាប់តាំងពីផ្ទុះសង្គ្រាមនៅអ៊ុយក្រែនក្នុងខែកុម្ភៈមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីប្រកាសក្នុងស្រុក, ពិធីបុណ្យសពលោកវរសេនីយ៍ឯក Alexander Bespalov ត្រូវបានឡើងកាលពីថ្ងៃសុក្រទី០៨ខែមេសា នៅក្នុងទីក្រុង Ozersk របស់ប្រទេសរុស្ស៊ី។ គាត់ត្រូវបានសម្លាប់ក្នុងអំឡុងពេលប្រតិបត្តិការយោធាពិសេសនៅអ៊ុយក្រែន។

សេចក្តីថ្លែងការណ៍បាននិយាយថា លោក Bespalov គឺជាមេបញ្ជាការនៃកងវរសេនាធំរថក្រោះឆ្មាំទី៥៩ ហើយក្លាយជាមន្ត្រីយោធាជាន់ខ្ពស់ចុងក្រោយបំផុតរបស់រុស្ស៊ី ដែលត្រូវបានសម្លាប់នៅក្នុងសង្គ្រាមជាមួយអ៊ុយក្រែន។

ការវាយប្រហារតាមគោលដៅប្រឆាំងនឹងអង្គភាពរថក្រោះរុស្ស៊ី បានអនុញ្ញាតឲ្យកងកម្លាំងអ៊ុយក្រែន រក្សាសមត្ថភាពដ៏រឹងមាំរបស់ពួកគេ ខណៈការប៉ាន់ស្មានចុងក្រោយពីមន្ត្រីការពារជាតិទីក្រុង កៀវ បង្ហាញថា វិមានក្រឹមឡាំង បានបាត់បង់រថយន្តយោធាជាង ៤០០០ គ្រឿង។

បន្ថែមពីលើនេះ ក្រសួងការពារជាតិអ៊ុយក្រែនប៉ាន់ស្មានថា ទាហានរុស្ស៊ីជាង ១៩០០០នាក់ បានស្លាប់។ ទន្ទឹមនឹងនេះ ទាហានរបស់ទីក្រុងមូស្គូរាប់ពាន់នាក់ បានដកថយពីតំបន់ កៀវ ដើម្បីប្រមូលផ្តុំជាថ្មី ផ្តោតលើភាគខាងកើតប្រទេសអ៊ុយក្រែនវិញ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ អ៊ុយក្រែន ព្រមានឲ្យជនស៊ីវិល ភៀសខ្លួនចេញពីតំបន់ភាគខាងជើង ជាបន្ទាន់