ចរាចរណ៍

រថយន្តសាំយ៉ុង បុកនឹងម៉ូតូ ស្លាប់ ៥ របួស ២ នាក់ នៅស្រុកពួក

បានផុស

៣ years មុន

នៅ

ថ្ងៃចន្ទ ១១ មេសា ២០២២

ដោយ

រថយន្តសាំយ៉ុងបានបោះពួយក្នុងល្បឿនលឿនទៅបុក នឹងម៉ូតូបណ្ដាលឲ្យមនុស្ស ៥ នាក់ ស្លាប់ និងរបួស ២ នាក់នៅនឹងកន្លែង។ ហេតុការណ៍នេះ បានកើតឡើងនៅវេលាម៉ោង ១៦ និង ០០ នាទីថ្ងៃទី១០ ខែមេសា ឆ្នាំ ២០២២ នៅតាមបណ្តោយផ្លូវជាតិលេខ ៦ ក្នុងភូមិ ប៉ាក់ប៉ាន់ ឃុំសសរស្តម្ភ ស្រុកពួក ខេត្តសៀមរាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពបានឲ្យដឹងថា ភាគីខាងរថយន្ត និងភាគីខាងម៉ូតូម្ខាងចេញពីថតព្រីវីឌីង និងម្ខាងទៀតទៅចូលដណ្ដឹងកូនគេហើយបែរជាអកុសលបានជួបគ្រោះថ្នាក់ចរាចរណ៍យ៉ាងអាណោចអាធ័ម សូមចូលរួមសោកស្តាយដល់គ្រួសាររងគ្រោះផង។

លោកវរសេនីយ៍ឯកទេព ពុំសែន អធិការនគរបាលស្រុកពួក បានឲ្យដឹងថា ករណីគ្រោះថ្នាក់ចរាចរណ៍បានបង្កឡើងដោយ រថយន្តម៉ាកសាំយ៉ុង ពណ៌ស ពាក់ស្លាកលេខ បាត់ដំបង 2A.9816 បុកនិង ម៉ូតូម៉ាកស៊ូមមើ ពណ៌ខ្មៅ ពាក់ស្លាកលេខ សៀមរាប 1X.3689 ។ ករណីនេះបណ្តាលឲ្យស្លាប់មនុស្សប្រុសស្រីចំនួន៥នាក់និង របួសស្រាលចំនួន ២ នាក់។ លោកបន្ថែមថា ភាគីខាងម៉ូតូស្លាប់៣នាក់ ឯភាគីខាងរថយន្តស្លាប់ចំនួន ២ និងរបួស ២ នាក់។ លោកបញ្ជាក់ថា មូលហេតុមកពីម៉ូតូបើកបរក្នុងល្បឿនលឿននិងវ៉ាជែងខ្វះការប្រុងប្រយ័ត្ន ហើយអ្នកបើកបររថយន្តគេចខ្លួនក្រោយពេលកើតហេតុ។ លោកបន្ថែមថា ក្រោយពេលកើតហេតុកម្លាំងជំនាញបានសហការគ្នាចុះវាស់វែងកន្លែងកើតហេតុ កសាងសំណុំរឿង។ សាកសពជនរងគ្រោះត្រូវបានប្រគល់ជូនក្រុមគ្រួសារដើម្បីធ្វើបុណ្យតាមប្រពៃណី៕