ព័ត៌មានជាតិ
សន្និសីទសារព័ត៌មានសម្ពោធ CAMBODIA PREMIUM DRAFT BEER ស្រាបៀរដ្រាហ្វច្រកដបដំបូងបង្អស់នៅកម្ពុជា
នៅថ្ងៃទី ០៦ ខែមេសា ឆ្នាំ ២០២២ ខ្មែរ ប៊ែវើរីជីស បានរៀបចំសន្និសីទសារព័ត៌មាននៅឯសណ្ឋាគារ ហៃយ៉ាត់ រីជិនស៊ី ភ្នំពេញ ដើម្បីប្រកាសអំពីការដាក់លក់ផលិតផលថ្មី ដែលជាស្រាបៀរដ្រាហ្វច្រកចូលដបដំបូងបង្អស់នៅកម្ពុជាឈ្មោះថា «ស្រាបៀរ កម្ពុជា ព្រីមៀម ដ្រាហ្វ CAMBODIA PREMIUM DRAFT BEER» ។
កម្មវិធីនេះ ត្រូវបានអញ្ជើញចូលរួមពីសំណាក់ លោកជំទាវ អ្នកឧកញ៉ា ភាព ហៀក ស្ថាបនិកក្រុមហ៊ុន ជីប ម៉ុង អ្នកឧកញ៉ា លាង ឃុន សហស្ថាបនិកនិងប្រធានក្រុមប្រឹក្សាភិបាលក្រុមហ៊ុន ជីប ម៉ុង ព្រមទាំងសមាជិកក្រុមប្រឹក្សាភិបាលក្រុមហ៊ុន ជីប ម៉ុងផ្សេងទៀត ថ្នាក់ដឹកនាំក្រុមហ៊ុន ខ្មែរ ប៊ែវើរីជីស អ្នកសារព័ត៌មាន និងភ្ញៀវកិត្តិយសជាច្រើននាក់ផងដែរ។
លោកឧកញ៉ា លាង ពៅ (ភីធើរ) អគ្គនាយកក្រុមហ៊ុន ខ្មែរ ប៊ែវើរីជីស បានមានប្រសាសន៍ថា៖ «ថ្នាក់ដឹកនាំ ខ្មែរ ប៊ែវើរីជីស តែងនាំនូវអ្វីប្លែក និងថ្មីលើសពីការរំពឹងទុករបស់អតិថិជន ដោយសម្រេចផលិតស្រាបៀរ កម្ពុជា ព្រីមៀម ដ្រាហ្វ។ អតិថិជនអាចពិសាស្រាបៀរ ដ្រាហ្វនៅផ្ទះ និងគ្រប់ទីកន្លែងយ៉ាងងាយ ខុសពីសម័យមុនដែលតម្រូវឲ្យអតិថិជនទៅបារ៍ ផាប់ ឬភោជនីយដ្ឋានផ្ទាល់ទើបអាចទទួលទានស្រាបៀរដ្រាហ្វបាន»។
ស្រាបៀរ កម្ពុជា ព្រីមៀម ដ្រាហ្វ ត្រូវបានផលិតឡើងដោយប្រើប្រាស់បច្ចេកវិទ្យា Flash Pasteurization និងផ្កាហប់ពិសេស (Special Hops) មានរសជាតិស្រស់បំផុតឬ Super Fresh និងមានអាយុកាលរហូតដល់ទៅ ១៨០ ថ្ងៃ ច្រកក្នុងដបពណ៌បៃតង ដែលមានឡាប៊ែលពិសេសអាចបញ្ចេញពន្លឺនៅពេលប៉ះជាមួយភ្លើង UV ក្នុងកន្លែងងងឹតឬ Glow in the dark។ ដបរចនាយ៉ាងប្រណិតនេះ ក៏មានសញ្ញាផ្កាយនៅកដប ដែលនឹងប្រែពណ៌ពីប្រាក់ទៅជាខៀវនៅពេលស្រាបៀរត្រជាក់ដល់កម្រិត ក៏ដូចជាមានកម្របងាយស្រួលបើក និងមានសំឡេងពីរោះ។ លក្ខណៈពិសេសទាំងនេះគឺមាន ស្រាបៀរ កម្ពុជាតែប៉ុណ្ណោះ។
លោកឧកញ៉ា លាង ពៅ បានអះអាងថា៖ «ខ្ញុំបាទហ៊ាននិយាយថា ខ្មែរ ប៊ែវើរីជីស គឺជាក្រុមហ៊ុនទីមួយនៅប្រទេសកម្ពុជា ហើយក៏ប្រហែលជានៅអាស៊ីអាគ្នេយ៍ផងដែរ ដែលផលិតស្រាបៀរ ព្រីមៀម ដ្រាហ្វ ច្រកក្នុងដប។ វាគឺមិនមែនជាស្រាបៀរ ដ្រាហ្វធម្មតានោះទេ វាគឺជាព្រីមៀម ដ្រាហ្វ បៀរ ច្រកចូលក្នុងដបពណ៌បៃតងយ៉ាងល្អប្រណិត» ។
ទន្ទឹមនឹងនេះ លោកបណ្ឌិត Zvonimir Nemet នាយករោងចក្រនៃក្រុមហ៊ុន ខ្មែរ ប៊ែវើរីជីស ដែលជាអ្នកជំនាញ និងមានបទពិសោធន៍ផលិតស្រាបៀរយូរឆ្នាំមកពីប្រទេសអាឡឺម៉ង់បានឲ្យដឹងដែរថា៖ «ការផលិតស្រាបៀរ ដ្រាហ្វ ច្រកចូលក្នុងដប មិនមែនជារឿងងាយស្រួលនោះទេ ពោលគឺមានការលំបាកច្រើន និងត្រូវការធនធានច្រើនដូចជាការវិនិយោគខ្ពល់លើបច្ចេកវិទ្យា Flash Pasteurization និងការបំពាក់បន្ទប់ពិសេស (hygiene room) ដើម្បីធានាគុណភាព និងរសជាតិស្រស់របស់ស្រាបៀរ»។ លោកបណ្ឌិត Zvonimir Nemet បន្តថា ដើម្បីអាចច្រកស្រាបៀរដ្រាហ្វចូលទៅក្នុងដបពណ៌បៃតងបានគឺទាមទារការសិក្សា និងស្រាជ្រាវយ៉ាងហ្មត់ចត់បំផុត ព្រោះថាដបពណ៌បៃតងងាយស្រូបពន្លឺព្រះអាទិត្យ ដែលអាចធ្វើឲ្យប្រែប្រួលដល់រសជាតិនៃស្រាបៀរ។ ហេតុដូច្នេះ ទើបក្រុមហ៊ុនត្រូវនិយោគលើបច្ចេកវិទ្យា Flash Pasteurization និងជ្រើសរើសផ្កាហប់ពិសេស(Special Hops) ដែលមានតម្លៃខ្ពស់នាំចូលពីអឺរ៉ុបក្នុងការផលិតស្រាបៀរ កម្ពុជា ព្រីមៀម ដ្រាហ្វ ដែលមានរសជាតិស្រស់បំផុត និងក្លិនឈ្ងុយឈ្ងប់។
ដើម្បីធ្វើឲ្យផលិតផលថ្មីនេះទទួលបានជោគជ័យ អ្នកស្រី គង់ កុសល នាយិកាផ្នែកទីផ្សារក្រុមហ៊ុនខ្មែរ ប៊ែវើរីជីសបានបន្ថែមឲ្យដឹងពីផែនការផ្សព្វផ្សាយយ៉ាងដូច្នេះថា៖ «ស្រាបៀរ កម្ពុជា ព្រីមៀម ដ្រាហ្វ ជាផលិតផលថ្មីបំផុតសម្រាប់ទីផ្សារកម្ពុជា ដូច្នេះអតិថិជននឹងស្គាល់ពីលក្ខណៈពិសេស និងអត្ថប្រយោជន៍របស់ស្រាបៀរថ្មីនេះកាន់តែច្បាស់តាមរយៈទូរទស្សន៍ វិទ្យុ និងប្រព័ន្ធឌីជីថលនានា។ ក្រៅពីនេះ ក្រុមហ៊ុនក៏នឹងបង្កើតការកម្មវិធីកម្សាន្តប្លែកៗជូនអតិថិជន និងផ្តល់ជូនប្រូម៉ូសិនជាច្រើនផងដែរ។»
ក្នុងនោះដែរ លោកបណ្ឌិត អ៊ឹម សុធារិទ្ធ នាយកផ្នែកលក់ក្រុមហ៊ុនខ្មែរ ប៊ែវើរីជីស ក៏បានសម្តែងភាពជឿជាក់ខ្លាំងទៅលើផលិតផលថ្មីដែរថា៖ «ក្នុងរយៈពេលប៉ុន្មានថ្ងៃនៃការចែកចាយស្រាបៀរ កម្ពុជា ព្រីមៀម ដ្រាហ្វ ទៅលើទីផ្សារ ស្រាបៀរ ព្រីមៀម ដ្រាហ្វ ទទួលបានការបញ្ជាទិញជាច្រើន ព្រមទាំងការកោតសរសើរពីអតិថិជនអំពីរសជាតិដ៏ស្រស់ឆ្ងាញ់ប្លែកពីស្រាបៀរធម្មតា។ ដូច្នេះ ផលិតផលថ្មីរបស់យើងនឹងផ្តល់ទំនុកចិត្តមួយបន្ថែមទៀតដល់ អតិថិជន ដៃគូពាណិជ្ជកម្ម ព្រមទាំងចូលរួមបង្កើតការងារ និងជំរុញកំណើនសេដ្ឋកិច្ចផងដែរ»។
គួរបញ្ជាក់ថា ក្រុមហ៊ុន ខ្មែរ ប៊ែវើរីជីស ជាក្រុមហ៊ុនឈានមុខគេក្នុងស្រុកលើផលិតកម្មស្រាបៀរ និងភេសជ្ជៈដែលតែងតែបង្កើតជម្រើសច្រើន និងនាំយកផលិតផលថ្មីប្លែកជូនដល់អតិថិជនជានិច្ច។ គិតមកដល់ពេលនេះ ក្រុមហ៊ុនមានផលិតផលល្បីៗជាច្រើនដូចជា ស្រាបៀរ កម្ពុជា ភេសជ្ជៈប៉ូវកម្លាំង វើក ទឹកក្រូចអាយស៍ និងទឹកបរិសុទ្ធ កម្ពុជា ដែលសុទ្ធតែជាផលិតផលល្បី និងទទួលបានការគាំទ្រជាខ្លាំងនៅលើទីផ្សារ៕
ព្រោះទេពកោសល្យច្រៀង! លីម តិចម៉េង ត្រូវអ្នកគាំទ្រជំរុញបន្ថែមរសជាតិសិល្បៈមួយទៀត ជាមួយចម្រៀងរ៉េប Hip Hop
ជំនួបជាមួយសម្ដេចធិបតី, ប្រធានរដ្ឋសភាហ្វីលីពីន សរសើរពីការរីកចម្រើនយ៉ាងឆាប់រហ័សរបស់កម្ពុជា
ទីផ្សារពស់ចាន់ល្មម នៅតែអាចលក់បានថ្លៃ និងមានតម្រូវការខ្ពស់
លោក ត្រាំ ប្រាប់ថាបានជជែកជាមួយលោក ស៊ី ក្រោយពេលចូលកាន់តំណែង
តើបេក្ខជនរូបណានឹងក្លាយជាម្ចាស់ជ័យលាភីកម្មវិធី Frenzy Freestyle ដំបូងនៅកម្ពុជាថ្ងៃអាទិត្យនេះ?
អាមេរិកទៀតហើយ! យន្តហោះមួយគ្រឿង បើកទៅបុកយន្តហោះមួយគ្រឿងទៀត
ត្រាំ គំរាមហាម៉ាសឲ្យដោះលែងចំណាប់ខ្មាំងទាំងអស់ត្រឹមថ្ងៃសៅរ៍ បើមិនដូច្នោះលុបបទឈប់បាញ់ រួចវាយកម្ទេចក្រុមនេះតែម្ដង
មនុស្ស៥៥នាក់ស្លាប់ក្នុងហេតុការណ៍រថយន្តក្រុងធ្លាក់ចូលជ្រោះនៅហ្គាតេម៉ាឡា
ត្រាំ ទារឲ្យអ៊ុយក្រែន សងប្រាក់ ៥០០លានដុល្លារ មកវិញ
សម្ដេចតេជោ បន់ស្រន់ឱ្យស្ថានការណ៍នៅកូរ៉េប្រក្រតីឡើងវិញ និងថា«មិត្តកម្ពុជាមិនចង់ឃើញមិត្តកូរ៉េមានវិបត្តិ»
-
សន្តិសុខសង្គម១ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៤ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៣ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម៦ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ចរាចរណ៍១ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
-
ជីវិតកម្សាន្ដ១ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ព័ត៌មានជាតិ៦ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ជីវិតកម្សាន្ដ១ ថ្ងៃ agoG-Devith ប្តេជ្ញារកយុត្តិធម៌ឱ្យគ្រួសារ ក្រោយម្ចាស់ផេក «អាក្លូ» ផ្លែផ្កាគ្រួសារខ្លួនជារឿយៗ ពិសេសទាញកូនប្រុសទៅពាក់ព័ន្ធ