សន្តិសុខសង្គម

បាក់ច្រាំងទន្លេ នៅសង្កាត់ព្រែកតាសេក ផ្ទះពលរដ្ឋពីរបីខ្នងរងផលប៉ះពាល់

បានផុស

៣ years មុន

នៅ

ថ្ងៃអង្គារ ១២ មេសា ២០២២

ដោយ

អ្នកភូមិព្រែកតាគង់ សង្កាត់ព្រែកតាសេក បច្ចុប្បន្នកំពុងជួបបញ្ហាបាក់ច្រាំងទន្លេ និងប៉ះពាល់លំនៅឋានប្រជាពលរដ្ឋពីរបីផ្ទះផងដែរ។

ពលរដ្ឋរៀបរាប់ឱ្យដឹងថា លំនៅឋានប្រជាពលរដ្ឋពីរទៅបីគ្រួសាររួចហើយ បានកំពុងរងផលប៉ះពាល់ដោយសារបាក់ច្រាំងទន្លេ ដែលពីមុនមក មិនដែលជួបប្រទះសោះឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបាក់ច្រាំងទន្លេសាប នៅចំណុចភូមិព្រែកតាគង់ សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ គឺបាក់តាំងពីរសៀលថ្ងៃទី២៧ ខែមីនា ឆ្នាំ២០២២ មកម៉្លេះ ដែលធ្វើឱ្យបងប្អូនប្រជាពលរដ្ឋរស់នៅតំបន់នោះ មានការព្រួយបារម្មណ៍យ៉ាងខ្លាំង ដោយសារការបាក់ទន្លេនេះកំពុងររងផលប៉ះពាល់ទៅដល់ផ្លូវបេតុងបណ្តើរៗហើយ អាចនឹងប្រឈមខូចខាតបាក់ផ្លូវ ប្រសិនបើមិនមានការស្ថាបនារួសរាន់។

ប្រជាពលរដ្ឋរៀបរាប់ឱ្យដឹងទៀតថា ដំណឹងនេះពួកគាត់បានរាយការណ៍ជូនភូមិ និងលោកចៅសង្កាត់រួចហើយ ប៉ុន្តែមិនដឹងថា មានការជួសជុល ស្ថាបនាច្រាំងទន្លេនៅថ្ងៃណានោះដែរ។

ទោះបីមានសេចក្តីរាយការណ៍ជូនអាជ្ញាធររួចហើយក្តី តែក្តីបារម្មណ៍របស់ពួកគាត់នៅតែមានជាប់ជានិច្ច ដោយចេះតែខ្លាចបាក់ដាច់ដល់ផ្លូវបេតុង គ្មានផ្លូវធ្វើដំណើរទៅមក។

អ្នកភូមិព្រែកតាគង់ស្នើទៅដល់អាជ្ញាធរ រួសរាន់ជួយជួសជុល ស្ថាបនាឱ្យបានលឿន ចៀសវាងបាក់ច្រាំងទន្លេសាបកាន់តែធ្ងន់ធ្ងរទៅៗ នាំឱ្យប៉ះពាល់កាន់តែខ្លាំង ខណៈដែលពួកគាត់កើត និងរស់នៅតំបន់នេះរាប់សិបឆ្នាំមកហើយ មិនដែលជួយប្រទះសោះ តើកើតឡើងដោយសារមូលហេតុអ្វីឱ្យពិតប្រាកដ៕