Connect with us

កីឡា

គ្រូព្រះខ័នរាជស្វាយរៀង៖ ជុំវិញការដាក់កីឡាករ U22 ឲ្យលេងលីគ ដើម្បីគោលដៅស៊ីហ្គេម

បានផុស

នៅ

ពានរង្វាន់ខេមបូឌានព្រីមៀរលីគ រដូវកាល២០២២ បានធ្វើកំណែទម្រង់ថ្មី ជាមួយនឹងលក្ខខណ្ឌតម្រូវឲ្យក្លិបទាំងអស់ក្នុងការប្រកួតនីមួយៗដាក់បញ្ចូលកីឡាករអាយុក្រោម ២២ឆ្នាំ (អាយុត្រូវនឹងស៊ីហ្គេម២០២៣) ២នាក់បង្ហាញខ្លួននៅជម្រើស ១១នាក់ដំបូង ហើយលេងក្នុងរយៈពេល ៩០នាទី ដើម្បីឲ្យកីឡាករយុវជនទាំងនោះមានឱកាសលេងបានច្រើន ធ្វើយ៉ាងណាអាចមានសមត្ថភាពគ្រប់គ្រាន់លេងស៊ីហ្គេម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មានការយល់ឃើញផ្សេងៗគ្នាក្នុងករណីនេះគ្រាដែល គ្រូបង្វឹកនៃក្លិបព្រះខ័នរាជស្វាយរៀង លោក Conor Nestor បានសង្កត់ធ្ងន់ថា ការដាក់ឲ្យកីឡាករអាយុក្រោម ២២ឆ្នាំចូលលេងក្នុងលីគដោយតម្រូវទៅតាមលក្ខខណ្ឌ គឺជារឿងដែលគ្រោះថ្នាក់។

លោក Conor Nestor បានប្រាប់កម្ពុជាថ្មី ដុចូនេះថា៖ «សម្រាប់ខ្ញុំ ប្រសិនបើកីឡាករលេងដោយសារតែពួកគេត្រូវលេងតាមលក្ខខណ្ឌ និងមិនមែនដោយសារតែពួកគេគួរទទួលបានវាតាមរយៈទម្រង់លេងល្អរបស់គេ នោះគឺជារឿងដ៏គ្រោះថ្នាក់ដល់ការអភិវឌ្ឍន៍របស់ពួកគេ»។ 

«ជាការពិតណាស់ កីឡាករវ័យក្មេងដែលមិនសូវបានលេង គឺប៉ះពាល់ដល់ការអភិវឌ្ឍ នេះជាការពិត។ ប៉ុន្តែពេលខ្លះការវិវឌ្ឍន៍កើតចេញពីការប្រឹងប្រែងដោយផ្ទាល់ដើម្បីបំពេញតួនាទីបានល្អជាងមិត្តរួមក្រុម។ ប្រសិនបើអ្នកមិនមានការប្រឹងប្រែង អ្នកប្រថុយនឹងបង្កើតទម្លាប់អាក្រក់ក្នុងវិជ្ជាជីវៈរបស់កីឡាករវ័យក្មេងរបស់យើង»។ គ្រូបង្វឹកសញ្ជាតិអៀរឡង់បានបន្ថែម។

ដោយឡែកនិយាយពីក្រុមរបស់លោកវិញ លោកបានឲ្យដឹងថា ក្លិបព្រះខ័នរាជស្វាយរៀង បានដាក់កីឡាករអាយុក្រោម ២២ឆ្នាំឲ្យចូលលេងតាំងពីរដូវកាលកាលមុនមកម៉្លេះ ខណៈឥលូវនេះពួកគេអាចជំនួសគ្នាបាន។

«កាលពីឆ្នាំមុន យើងជាក្លិបតែមួយគត់ដែលដាក់កីឡាករអាយុក្រោម ២២ឆ្នាំ ៥នាក់ ក្នុង ១០ប្រកួត ឬច្រើនជាងនេះ។ ដូច្នេះហើយ វាបានផ្តល់ឲ្យយើងនូវទំនុកចិត្តក្នុងការផ្លាស់ប្ដូរកីឡាករវ័យក្មេងរបស់យើងនៅឆ្នាំនេះ»។ សម្ដីរបស់លោក Conor Nestor។

គួរបញ្ជាក់ថា ដោយសារតែព្រឹត្តិការណ៍កីឡាអាស៊ីអាគ្នេយ៍ លើកទី៣២ នៅកម្ពុជា កាន់តែកៀកចូលមកដល់ សហព័ន្ធកីឡាបាល់ទាត់កម្ពុជា ក៏ដូចជាក្រុមហ៊ុនខេមបូឌានព្រីមៀរលីគ បានកំណត់លក្ខខណ្ឌតម្រូវឲ្យក្លិបទាំងអស់ដាក់បញ្ចូលកីឡាករអាយុក្រោម ២២ឆ្នាំ (អាយុត្រូវនឹងការប្រកួតស៊ីហ្គេម ឆ្នាំ២០២៣) ២នាក់បង្ហាញខ្លួននៅជម្រើស ១១នាក់ដំបូងក្នុងការប្រកួតនីមួយៗ ហើយត្រូវលេងក្នុងរយៈពេលពេញ ៩០នាទី និងអាចផ្លាស់ប្ដូរកីឡាករបាន តែនៅតែជាកីឡាករអាយុក្រោម ២២ឆ្នាំដដែល៕

អត្ថបទ៖ មន្នីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១២ នាទីutes មុន

អ៊ីរ៉ង់ រុស្ស៊ី ចិន នឹងធ្វើសមយុទ្ធយោធារួមគ្នាចាប់​ពីថ្ងៃអង្គារ​ក្នុងដែន​សមុទ្រ​អ៊ីរ៉ង់​

ជីវិតកម្សាន្ដ១៦ នាទីutes មុន

បវរកញ្ញា Thae Su Nyein​ រងការរិះគន់ យកតំណែងគេទាំងមិនមែនជាម្ចាស់មកុដ

ព័ត៌មានជាតិ២០ នាទីutes មុន

ពាណិជ្ជកម្មអន្តរជាតិរបស់កម្ពុជាសម្រេចបានជាង ៩,៤៤ពាន់លានដុល្លារ នៅក្នុង២ខែដំបូង​

ព័ត៌មានជាតិ២២ នាទីutes មុន

មន្ត្រីជាន់ខ្ពស់អប់រំ ៖ កម្ពុជា ចាំបាច់ត្រូវវិនិយោគលើការគាំពារ និងអប់រំកុមារតូច ដើម្បីកសាងមូលធនមនុស្សប្រកបដោយគុណភាព

ព័ត៌មានជាតិ៤១ នាទីutes មុន

សម្តេច ម៉ែន សំអន ៖ ម្លប់ នៃសន្តិភាព បានជំរុញឲ្យមានការអភិវឌ្ឍទាំងពុទ្ធចក្រ និងអាណាចក្រ

ព័ត៌មានជាតិ១៨ ម៉ោង មុន

កុំឱ្យកកស្ទះចរាចរណ៍ពលរដ្ឋ នាយករដ្ឋមន្ត្រីឱ្យពិនិត្យឡើងវិញការបិទផ្លូវ ពេលក្បួនឆ្លងកាត់

ព័ត៌មានអន្ដរជាតិ២ ម៉ោង មុន

ត្រាំ៖ ហ្សេលេនស្គី យកលុយពីបៃដិន ស្រួលដូចយកស្ករគ្រាប់ពីកូនក្មេង​

គ្រឿងញៀន
សន្តិសុខសង្គម៣ ម៉ោង មុន

មន្ទីរគ្រឿងញៀន បំភ្លឺការផ្សព្វផ្សាយលើបណ្ដាញសង្គមពាក់ព័ន្ធការចាប់មនុស្សញាត់ចូលឡាន

ព័ត៌មានអន្ដរជាតិ១ ម៉ោង មុន

លោក ត្រាំ ប្រកាស​ថា អាមេរិក​ជិត​បើក​ការ​ផ្ដល់​ព័ត៌មាន​ចារកម្ម​ឲ្យ​អ៊ុយក្រែន​វិញ​ហើយ

ព័ត៌មានជាតិ២០ ម៉ោង មុន

កម្លាំងវិស្វកម្ម កំពុងពន្លឿនការស្ថាបនាផ្លូវក្រវាត់ព្រំដែនក្នុងភូមិសាស្រ្តស្រុកអណ្តូងមាស

Sokha Hotels

ព័ត៌មានពេញនិយម