ព័ត៌មានជាតិ

ថ្ងៃចូលឆ្នាំទីពីរ នៅរមណីយដ្ឋានវត្តភ្នំ មានភ្ញៀវទេសចរយ៉ាងច្រើនកុះករ មកដើរលេងកម្សាន្ត

បានផុស

៣ years មុន

នៅ

ថ្ងៃសៅរ៍ ១៦ មេសា ២០២២

ដោយ

ភ្នំពេញ៖ ថ្ងៃទី១៥ ខែមេសា ឆ្នាំ២០២២ ដែលជាថ្ងៃចូលឆ្នាំទីពីរ នៅរមណីយដ្ឋានប្រវត្តិសាស្ត្រវត្តភ្នំ នៅតែរក្សាបានភ្ញៀវទេសចរយ៉ាងច្រើនកុះករ មកលេងសប្បាយ ដោយមានលេងល្បែងប្រជាប្រិយ រាំលេងកម្សាន្តសប្បាយរីករាយយ៉ាងក្រៃលែង។ ស្នាមញញឹម របស់ បងប្អូន ប្រជាពលរដ្ឋ ប្រកបដោយ ភាពសប្បាយ រីករាយ ជាមួយ សង្ក្រាន្ត វត្តភ្នំ នៅថ្ងៃចូលឆ្នាំ ថ្ងៃទី ២ ត្រូវនឹងថ្ងៃទី ១៥ ខែមេសា ឆ្នាំ ២០២២ នៅបរិវេណ វត្តភ្នំ ដែលរៀបចំ ព្រឹត្តិការណ៍ សង្ក្រាន្ត វត្តភ្នំ គឺ មានអ្នកទៅលេងច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រជាពលរដ្ឋប្រកបដោយ ស្នាមញញឹម បាន ចូលរួមលេង ល្បែង ប្រជាប្រិយ ជួបជុំ និងរាំលេង សប្បាយ នៅរមណីយដ្ឋានប្រវត្តិសាស្ត្រ វត្តភ្នំ ក្នុងកម្មវិធីសង្ក្រាន្តវត្តភ្នំ ។ ភ្ញៀវទេសចរជាតិ អន្តរជាតិ បាននាំគ្នាមកកម្សាន្ដនៅទីនេះ តាំងពីព្រឹក រហូតដល់ល្ងាច លេងកម្សាន្តដោយក្ដីរីករាយផងដែរ។

អ្នកនាំពាក្យ រដ្ឋបាល រាជធានីភ្នំពេញ លោក ម៉េត មាស ភក្តី បានឱ្យដឹងថា សម្រាប់ថ្ងៃទី ២ នៃពិធីបុណ្យចូលឆ្នាំថ្មីប្រពៃណីជាតិខ្មែរ ប្រជាពលរដ្ឋ ភ្ញៀវទេសចរណ៍ ចំនួន ៦៥០០០ លើសថ្ងៃទី ១ជាង ២ ម៉ឺននាក់ បានធ្វើដំណើរកម្សាន្តនៅរាជធានីភ្នំពេញ នាថ្ងៃទី ១ នៃបុណ្យចូលឆ្នាំថ្មី ប្រពៃណីជាតិ។

នៅរមណីយដ្ឋានវត្តភ្នំ ដែលមានដើមឈើ ម្លប់ត្រឈឹងត្រឈៃ ទឹកមុខរបស់ពួកគាត់ បានបង្ហាញពីក្ដីសប្បាយរីករាយ ដែលបាននាំក្រុមគ្រួសារ ឬមនុស្សជាទីស្រលាញ់ដើរលេងកម្សាន្ដ ក្នុងឱកាសបុណ្យចូលឆ្នាំ ក្រោយខកខានប្រមាណ ២ ឆ្នាំ ដោយសារតែជំងឺកូវីដ១៩៕

អត្ថបទ៖ ស្រីរ័ត្ន

Related Topics:បុណ្យចូលឆ្នាំខ្មែរ