ព័ត៌មានជាតិ

បុណ្យចូលឆ្នាំថ្មី ៣ថ្ងៃ មានភ្ញៀវទេសចរទៅលេងកម្សាន្តនៅខេត្តកែបជាង១២ម៉ឺននាក់

បានផុស

៣ years មុន

នៅ

ថ្ងៃអាទិត្យ ១៧ មេសា ២០២២

ដោយ

រដ្ឋបាលខេត្តកែប បានបង្ហាញថា រយៈពេល៣ថ្ងៃនៃពិធីបុណ្យចូលឆ្នាំថ្មីប្រពៃណីជាតិចាប់ថ្ងៃទី១៤-១៥ និង១៦ ខែមេសា ឆ្នាំ២០២២ ខេត្តកែប បានទទួលភ្ញៀវទេសចរជាតិ និងបរទេស សរុបចំនួន១២៣,៧១៤ ក្នុងនោះ ភ្ញៀវទេសចរជាតិ មានចំនួន១២២,៦៩៨នាក់ និងភ្ញៀវទេសចរបរទេស មានចំនួន១,០១៦នាក់។ សម្រាប់មធ្យោបាយធ្វើដំណើរវិញ គឺមានរថយន្តសរុបចំនួន១១,៨៣១គ្រឿង ក្នុងនោះ រថយន្តតូចចំនួន៧,៥៥៥គ្រឿង រថយន្តមធ្យមចំនួន៤,១៤៣គ្រឿង និងរថយន្តធំចំនួន១៣៣គ្រឿង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាលខេត្តកែប បានបញ្ជាក់ថា នៅថ្ងៃទី១៤ ខែមេសា ឆ្នាំ២០២២ មានអ្នកទេសចរមកទស្សនា នៅខេត្តកែប ចំនួន២៥,៥០៣នាក់ ក្នុងនោះមានភ្ញៀវអន្តរជាតិចំនួន២១៤នាក់។ ចំណែក ថ្ងៃទី១៥ ខែមេសា ឆ្នាំ២០២២ ត្រូវជាថ្ងៃទី២ នៃពិធីបុណ្យចូលឆ្នាំថ្មីប្រពៃណីជាតិខ្មែរ ខេត្តកែប បានទទួលភ្ញៀវទេសចរជាតិ និងបរទេស ទៅសម្រាកលំហែកម្សាន្ត នៅតាមបណ្ដារមនីយដ្ឋាននានាទូទាំងខេត្ត មានចំនួន៤៤,៥២៩នាក់ ក្នុងនោះ ភ្ញៀវទេសចរជាតិចំនួន៤៤,១៨១នាក់ និងភ្ញៀវទេសចរបរទេសចំនួន៣៤៨នាក់។ សម្រាប់មធ្យោបាយធ្វើដំណើរដោយរថយន្ត មានសរុបចំនួន៤,៤១៥គ្រឿង ក្នុងនោះ រថយន្តតូចចំនួន២,៨៦៥គ្រឿង រថយន្តមធ្យមចំនួន១,៥០៥គ្រឿង និងរថយន្តធំចំនួន៤៥គ្រឿង។

សម្រាប់ថ្ងៃសៅរ៍ ទី១៦ ខែមេសា ឆ្នាំ២០២២ ត្រូវជាថ្ងៃទី៣ នៃពិធីបុណ្យចូលឆ្នាំថ្មីប្រពៃណីជាតិខ្មែរ ខេត្តកែប បានទទួលភ្ញៀវទេសចរជាតិ និងបរទេសទៅសម្រាកលំហែកម្សាន្ត នៅតាមបណ្ដារមនីយដ្ឋាននានាទូទាំងខេត្ត មានចំនួន៥៣,៦៨២នាក់ ក្នុងនោះ ភ្ញៀវទេសចរជាតិចំនួន៥៣,២២៨នាក់ ភ្ញៀវទេសចរបរទេសចំនួន៤៥៤នាក់។ សម្រាប់មធ្យោបាយធ្វើដំណើរវិញ គឺមានរថយន្តសរុបចំនួន៤,៩១២គ្រឿង ក្នុងនោះ រថយន្តតូចចំនួន៣,១០៥គ្រឿង រថយន្តមធ្យមចំនួន១,៧៥៥គ្រឿង និងរថយន្តធុនធំមានចំនួន៥២គ្រឿង៕

ដោយ ៖ សេង ណារិទ្ធ