ជីវិតកម្សាន្ដ

លី អ៉ីវ៉ាធីណា បាត់បង់មនុស្សជាទីស្រលាញ់ ក្រោយពិធីបុណ្យចូលឆ្នាំខ្មែរ ១ ថ្ងៃ

បានផុស

៣ years មុន

នៅ

ថ្ងៃចន្ទ ១៨ មេសា ២០២២

ដោយ

កាលពីពេលថ្មីៗកន្លងទៅនេះ គេឃើញតារាចម្រៀង លី អ៉ីវ៉ាធីណា បានបង្ហាញភាពស្និទ្ធស្នាលជាមួយមនុស្សម្នាក់ នឹងថែមទាំងអះអាងថា បុគ្គលរូបនោះ គឺជាអង្គរក្សបេះដូងទៀតផង។ ប៉ុន្តែរឿងដ៏គួរឲ្យសោកស្តាយនោះ ស្រាប់តែកាលពីម្សិលមិញនាងបានប្រកាសដំណឹងដ៏រន្ធត់ថា មនុស្សម្នាក់នេះបានស្លាប់បាត់បង់ជីវិតទៅហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងកាលពីល្ងាចថ្ងៃទី ១៧ ខែមេសា ឆ្នាំ ២០២២ តារាស្រីកញ្ញា លី អ៉ីវ៉ាធីណា គឺបានបង្ហោះសារដ៏ក្រៀមក្រំ និងសោកសៅនៅលើបណ្តាញសង្គមហ្វេសប៊ុកដោយលើកឡើងថា បុគ្គលម្នាក់នេះទទួលមរណភាពហើយ។ កញ្ញា លី អ៉ីវ៉ាធីណា បង្ហោះភ្ជាប់ជាមួយរូបថតជាច្រើនសន្លឹករៀបរាប់ទាំងទឹកភ្នែកថា ចេមិនចង់ជឿសោះថា ប្អូនចេត្រូវស្លាប់យប់មិញ ចេគេងមិនលក់ទេធ្មេចភ្នែកឃើញតែមុខអូនយើងទើបជួបគ្នាថ្មីៗសោះ ឥឡូវអូនទៅចោលចេចឹង។

តារាចម្រៀងកូនកាត់ចិន លី អ៉ីវ៉ាធីណា បានលើកឡើងទៀតថា សូមអូនទៅអោយបានសុខកុំឲ្យអាយុខ្លីដូចជាតិនេះ។ ចេជូនដំណើរអូនជាលើកចុងក្រោយ ជាតិក្រោយយើងធ្វើបងប្អូនជាមួយគ្នាទៀតណាអូន។ លែងមានអង្គរក្សការពារចេទៀតហើយ ប្អូនសម្លាញ់របស់ចេចេ។

តាមរយៈដំណឹងមរណទុក្ខដ៏ក្រៀមក្រំនេះដែរ គឺគេឃើញមានអ្នកគាំទ្រជាច្រើនបានចូលរួមរំលែក ទុក្ខហើយក្នុងនោះក៏មានអ្នកខ្លះលើកជាសំណួរថា តើរូបគេកើតអ្វី? ជាការឆ្លើយតបត្រូវបាន តារាចម្រៀង លី អ៉ីវ៉ាធីណា បញ្ជាក់ច្បាស់ៗថា អរគុណបងប្អូនទាំងអស់គ្នាប្អូនគាត់គ្រោះថ្នាក់ ចរាចរណ៍យប់មិញ។

គួររម្លឹកដែរថា កាលពីពេលថ្មីៗកន្លងទៅនេះ លី អ៉ីវ៉ាធីណា បានបង្ហាញមុខមនុស្សសំខាន់ខាងលើនេះហើយបញ្ជាក់ថា«ផុសមួយអង្គរក្សបេះដូងមួយមើល»។ តាមរយៈសំណេរយ៉ាងខ្លីនេះ បានធ្វើឲ្យ អ្នកគាំទ្រគិតថាតារាស្រីរូបនេះ មានសង្សារជា Tomboy ឬស្រីស្រលាញ់ស្រីដូចគ្នា។ ប៉ុន្តែការពិតពេលនេះ បានទម្លាយហើយ គឺថាបុគ្គលម្នាក់នោះមិនមែនជាគូស្នេហ៍ដូចការគិតនោះឡើយ៕

អត្ថបទ៖ ចាន់រ៉ា