នយោបាយ
លោក នេត ភក្រ្តា៖ តុលាការខ្មែរក្រហម រំពឹងប្រកាសសាលដីកាស្ថាពរបញ្ចប់ការតវ៉ា លើជនជាប់ចោទ ខៀវ សំផន នៅចុងឆ្នាំ២០២២
សំណុំរឿង ០០២/០២ ដែលនៅសល់តែជនជាប់ចោទលោក ខៀវ សំផន រំពឹងថានឹងប្រកាសសាលដីកាស្ថាពរបញ្ចប់ការតវ៉ា នៅចុងឆ្នាំ ២០២២ នេះ។
លោក នេត្រ ភក្ត្រា ប្រធានផ្នែកកិច្ចការសាធារណៈ និងជាអ្នកនាំពាក្យសាលាក្ដីខ្មែរក្រហមបានឲ្យដឹងថា លោក ខៀវ សំផន អតីតប្រមុខរដ្ឋនៃរបបកម្ពុជាប្រជាធិបតេយ្យបានប្ដឹងជំទាស់នឹងការរកឃើញពិរុទ្ធភាពក្នុងសំណុំរឿង ០០២/០២។
បើតាមមន្រ្តីអ្នកនាំពាក្យរូបនេះ អតីតមេដឹកនាំជាន់ខ្ពស់នៃរបបខ្មែរក្រហម នួន ជា និងខៀវ សំផន ត្រូវបានរកឃើញថាមានពិរុទ្ធភាពក្នុងបទចោទឧក្រិដ្ឋកម្មប្រឆាំងនឹងមនុស្សជាតិពាក់ព័ន្ធនឹងការជម្លៀសប្រជាជនដោយបង្ខំក្នុងសំណុំរឿង ០០២/០១ និងរកឃើញមានពិរុទ្ធភាពក្នុងសំណុំរឿង ០០២/០២ ក្នុងបទចោទឧក្រិដ្ឋកម្មប្រឆាំងនឹងមនុស្សជាតិ (សហករណ៍ ការដ្ឋានការងារ ការធ្វើទុក្ខបុកម្នេញលើពុទ្ធសាសនិក ការរៀបអាពាហ៍ពិពាហ៍ដោយបង្ខំជាដើម) ឧក្រិដ្ឋកម្មសង្គ្រាម (មន្ទីរសន្តិសុខ ការបោសសម្អាតផ្ទៃក្នុង ការធ្វើទុកបុកម្នេញលើអតីតមន្ត្រីរដ្ឋការនៃរបបសាធារណរដ្ឋ ជម្លោះប្រដាប់អាវុធជាដើម) និងឧក្រិដ្ឋកម្មប្រល័យពូជសាសន៍ប្រឆាំងជនជាតិចាម និងជនជាតិវៀតណាម។
ដោយឡែកសំណុំរឿង ០០២/០២ នៅសល់តែជនជាប់ចោទ ខៀវ សំផន ម្នាក់គត់ មានអាយុ៩០ ឆ្នាំ រំពឹងថានឹងប្រកាសសាលដីកាស្ថាពរបញ្ចប់ការតវ៉ា នៅអំឡុងចុងឆ្នាំ ដែលអតីតប្រមុខរដ្ឋនៃរបបកម្ពុជាប្រជាធិបតេយ្យរូបនេះបានប្តឹងជំទាស់នឹងការរកឃើញពិរុទ្ធភាពក្នុងសំណុំរឿង ០០២/០២។
សំណុំរឿង០០២/០២ បានចាប់ផ្ដើមតាំងពីឆ្នាំ២០១៤មកម្ល៉េះ ដោយផ្ដោតលើអំពើប្រល័យពូជសាសន៍ ឧក្រិដ្ឋកម្មប្រឆាំងនឹងមនុស្សជាតិ និងឧក្រិដ្ឋកម្មសង្គ្រាម ប្រព្រឹត្តឡើងនៅតាមទីកន្លែងនានានៅក្នុងប្រទេសកម្ពុជា ក្រោមការគ្រប់គ្រងប្រទេសដោយរបបកម្ពុជាប្រជាធិបតេយ្យ ពីថ្ងៃទី១៧មេសា ឆ្នាំ១៩៧៥ ដល់ថ្ងៃទី០៦ មករា ឆ្នាំ១៩៧៩។ ក្រោយដំណើរការកាត់សេចក្ដីអស់រយៈពេល៤ឆ្នាំ ពោលគឺនៅថ្ងៃទី១៦វិច្ឆិកាឆ្នាំ២០១៨ សាលាដំបូងនៃសាលាក្ដីខ្មែរក្រហម បានសម្រេចផ្ដន្ទាទោសជនជាប់ចោទលោក ខៀវ សំផន និងលោក នួន ជា ដាក់ពន្ធនាគារអស់មួយជីវិត។
ដោយសារតែលោក នួន ជា អតីតបងធំទីពីរនៃរបបខ្មែរក្រហមបានស្លាប់ អំឡុងពេលជាប់ឃុំខ្លួនក្នុងខែសីហា ឆ្នាំ២០១៩ បទចោទនិងដំណើរការនីតិវិធីប្រឆាំងរូបលោកក្នុងសំណុំរឿង ០០២/០២ ត្រូវផុតរលត់ និងនៅសល់លោកខៀវ សំផន មិនសុខចិត្តចំពោះការសម្រេចនេះ ហើយបានប្រើសិទ្ធិប្ដឹងសាទុក្ខទៅកាន់តុលាការកំពូល។
នៅក្នុងបណ្ដឹងសាទុក្ខរបស់ខ្លួន ជនជាប់ចោទ ខៀវ សំផន បានដាក់សំណើចំនួន ៣ ចំណុចទៅកាន់តុលាការ៖ ទី១ ជាចម្បង ធ្វើមោឃភាពសាលក្រមរបស់អង្គជំនុំជម្រះសាលាដំបូងដែលបានប្រកាសនៅថ្ងៃទី ១៦ ខែវិច្ឆិកាឆ្នាំ២០១៨ ដោយសំអាងហេតុពីការរំលោភលើវិធានផ្ទៃក្នុង។ ទី២ ជាបន្ទាប់បន្សំ ធ្វើមោឃភាពសាលក្រមពីការគ្មានពិរុទ្ធភាពចំពោះបទចោទនីមួយៗ។ និងទី៣ ជាបន្ទាប់បន្សំបំផុត កែប្រែការផ្ដន្ទាទោស និងប្រកាសដាក់ទោសឲ្យជាប់ពន្ធនាគារក្នុងរយៈពេលកំណត់មួយ។
លោក ខៀវ សំផន ដែលជាអតីតមេខ្មែរក្រហមថ្នាក់ខ្ពស់តែម្នាក់គត់ដែលនៅរស់រាន ធ្លាប់ត្រូវបានកាត់ទោសជាប់ពន្ធនាគារមួយជីវិតរួចមកហើយ ក្នុងសំណុំរឿង០០២/០១ ទាក់ទិននឹងការជម្លៀសបណ្ដេញចេញដោយបង្ខំពីទីក្រុងភ្នំពេញ និងតំបន់ផ្សេងទៀត និងការសម្លាប់ ទាហានរបបសាធារណរដ្ឋខ្មែរ ក្រោយខ្មែរក្រហមចូលកាន់អំណាចនៅខែមេសា ឆ្នាំ១៩៧៥។
គួរបញ្ជាក់ថា ដោយសារតែការខ្វែងគំនិតគ្នានៅដំណាក់កាលអង្គបុរេជំនុំជម្រះ រវាងភាគីជាតិ និងភាគីអន្តរជាតិលើសំណុំរឿង០០៣ ប្រឆាំងនឹងមេទាហានជើងទឹកខ្មែរក្រហម មាស មុត និងសំណុំរឿង ០០៤ ប្រឆាំងនឹងអតីតលេខាតំបន់១៣របស់ខ្មែរក្រហម យឹម ទិត្យ ដំណើរការចុងក្រោយនៃសំណុំរឿង លោក ខៀវ សំផន នេះ អាចឈានទៅរកទីបញ្ចប់របស់សាលាក្ដីកូនកាត់នេះ ដែលបានចំណាយពេល ១៥ ឆ្នាំ និងចាយប្រាក់អស់៣៣០លានដុល្លារអាមេរិក៕
អត្ថបទ៖ វាសនា
លោក ប៉ែន បូណា ហៅទណ្ឌិតសម រង្ស៊ី ថា ជាអ្នកនយោបាយអង្ករកំប៉ុងវិលក្បុងដោយសាររត់តោងកន្ទុយក្បិនគេ
លោក ប៉ែន បូណា៖«សម រង្ស៊ី ជាអ្នកនយោបាយអង្ករកំប៉ុងវិលក្បុងដោយសាររត់តោងកន្ទុយក្បិនគេ»
អាជ្ញាធរខណ្ឌមានជ័យដាក់គ្រឿងចក្រ ចុះប្រមូលសំរាមនៅប្រឡាយស្ទឹងមានជ័យ
អ្នកវិភាគ និងឃ្លាំមើល ៖ ភាពស្ងៀមស្ងាត់ជុំវិញបញ្ហាព្រំដែន មិនមែនជាការបណ្ដោយឱ្យថៃរំលោភបំពានតាមអំពើចិត្តទេ
រដ្ឋមន្ត្រីយុត្តិធម៌ ចង់ឃើញចៅក្រម ព្រះរាជអាជ្ញាធ្វើការងារដោយមិនវៀចវេរ ជាជាងឃើញអ្នកទាំងនោះអស់តំណែង
មេដឹកនាំអាស៊ី ៤រូប ដែល ICC ចេញដីកាចាប់ខ្លួន ជុំវិញបទឧក្រិដ្ឋកម្មប្រឆាំងមនុស្សជាតិ
អ្នកនាំពាក្យ៖ លោក សម រង្ស៊ី គ្មានចេះធ្វើអ្វីជាប្រយោជន៍ជាតិទេ ចេះតែមួលបង្កាច់ បំភ្លៃ និងកេញចំណេញពីព្រឹត្តិការណ៍ប៉ុណ្ណោះ
រុស្ស៊ី បោះពាក្យថា លក្ខខណ្ឌបទឈប់បាញ់គឺខ្លួនជាអ្នកកំណត់ មិនមែនសម្រេចដោយអាមេរិកទេ
នាដការី ឈឹម ចាន់ស្រីណុច ជួបទុក្ខធំបាត់បង់ម្តាយ ខណៈកំពុងបន្តបេសកកម្មសម្ដែងជូនជាតិនៅបារាំង
ឆេះមន្ទីរពេទ្យនៅបាងកក បង្កការផ្អើលឆោឡោនិងជម្លៀសអ្នកជំងឺ យ៉ាងតក់ក្រហល់
-
ព័ត៌មានអន្ដរជាតិ៩ ម៉ោង agoមេដឹកនាំអាស៊ី ៤រូប ដែល ICC ចេញដីកាចាប់ខ្លួន ជុំវិញបទឧក្រិដ្ឋកម្មប្រឆាំងមនុស្សជាតិ
-
សន្តិសុខសង្គម៤ ថ្ងៃ agoអគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
-
ព័ត៌មានអន្ដរជាតិ៦ ថ្ងៃ agoយន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
-
ព័ត៌មានអន្ដរជាតិ១ សប្តាហ៍ agoឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
ព័ត៌មានអន្ដរជាតិ៧ ថ្ងៃ agoអាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ
-
ព័ត៌មានអន្ដរជាតិ២ ថ្ងៃ agoកប៉ាល់២គ្រឿងបុកគ្នា ធ្លាយប្រេងយន្តហោះនិងសារធាតុគីមី ចូលសមុទ្រខាងជើង បង្កហានិភ័យធ្ងន់ធ្ងរ
-
សន្តិសុខសង្គម៥ ថ្ងៃ agoខឹងប្ដីមិនដោះស្រាយបំណុលជាង ១ ម៉ឺនដុល្លារ ចាក់សោកូនសិស្សប្រដាល់ ជាង ១០ នាក់ ក្នុងក្លិបមិនឲ្យចេញក្រៅ
-
ព័ត៌មានអន្ដរជាតិ១ ថ្ងៃ agoអ៊ុយក្រែន បញ្ជូនដ្រូន បើកការវាយប្រហារខ្នាតធំបំផុតមិនធ្លាប់មាន លើក្រុងមូស្គូ