អាមេរិក​ ថា រុស្សីបាត់បង់ ២៥ ភាគរយនៃកម្លាំងប្រយុទ្ធរបស់ខ្លួន

មន្ត្រីការពារជាតិអាមេរិកជាន់ខ្ពស់ម្នាក់បាននិយាយថា សហរដ្ឋអាមេរិកប៉ាន់ស្មានថា យោធារុស្ស៊ីបានបាត់បង់ប្រហែល ២៥ ភាគរយនៃកម្លាំងប្រយុទ្ធ ដែលខ្លួនបានបញ្ជូនទៅក្នុងប្រទេសអ៊ុយក្រែន នៅពេលសង្គ្រាមផ្ទុះឡើង។

មន្ត្រីមន្ទីរបញ្ចកោណបាននិយាយថា “រុស្ស៊ីកំពុងពង្រឹងអង្គភាពប្រយុទ្ធជើងគោកឡើងវិញ សម្រាប់ដាក់ពង្រាយចូលអ៊ុយក្រែន។ នោះអាចជាមូលហេតុដែល ការវាយលុកជាថ្មីរបស់រុស្ស៊ីនៅក្នុងតំបន់ Donbas នៃប្រទេសអ៊ុយក្រែន គឺចាប់ផ្តើមឡើងនៅក្នុងវិធីមានកំណត់”។

មន្ត្រីដដែលបន្តថា រុស្ស៊ីកំពុងចាត់វិធានការដើម្បីបង្កើនសមត្ថភាពរបស់ពួកគេ ក្នុងការរក្សាប្រតិបត្តិការប្រយុទ្ធនៅ Donbas និងដើម្បីរៀបចំសម្រាប់អ្វីដែលគេជឿថា នឹងជាការវាយលុកធំជាងនេះនាពេលអនាគត៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ ប៉ូឡូញ៖ អ៊ុយក្រែន កំពុងប្រយុទ្ធដើម្បីសុវត្ថិភាពអឺរ៉ុប ទាំងមូល