ព័ត៌មានអន្ដរជាតិ
មេ UN ឲ្យ រុស្ស៊ី និង អ៊ុយក្រែន ផ្អាកប្រយុទ្ធគ្នា ៤ ថ្ងៃសិន
ប្រមុខអង្គការសហប្រជាជាតិ (UN) បានអំពាវនាវឲ្យមានការផ្អាកប្រយុទ្ធគ្នាក្នុងប្រទេសអ៊ុយក្រែនរយៈពេល ៤ ថ្ងៃដែលចាប់ផ្តើមពីថ្ងៃព្រហស្បតិ៍ទៅ ស្របពេលនឹងថ្ងៃបុណ្យ Orthodox Easter ។
អគ្គលេខាធិការអង្គការសហប្រជាជាតិលោក Antonio Guterres បាននិយាយបែបនេះនៅមុខរូបចម្លាក់ “Knotted Gun” ដែលជានិមិត្តរូបតំណាងឲ្យការគ្មានអំពើហិង្សានៅឯទីស្នាក់ការអង្គការសហប្រជាជាតិក្នុងទីក្រុងញូវយ៉កកាលពីថ្ងៃអង្គារ ។
លោកបាននិយាយថា ការផ្អាកក្នុងការប្រយុទ្ធគ្នានឹងអនុញ្ញាតឲ្យមានការឆ្លងកាត់ដោយសុវត្ថិភាពរបស់ជនស៊ីវិលចេញពីតំបន់ជម្លោះ និងអនុញ្ញាតឲ្យស្ថាប័នពិភពលោកផ្តល់ជំនួយមនុស្សធម៌សង្គ្រោះជីវិតដល់ប្រជាជននៅទីក្រុង Mariupol និងតំបន់ដែលរងគ្រោះខ្លាំងជាងគេផ្សេងទៀត ។
ទន្ទឹមនោះលោក Guterres បានអំពាវនាវឲ្យទាំងជនជាតិរុស្សី និងអ៊ុយក្រែន បិទមុខកាណុងកាំភ្លើង និងបង្កើតផ្លូវទៅកាន់ទីសុវត្ថិភាពជាបន្ទាន់សម្រាប់មនុស្សជាច្រើនដែលមានហានិភ័យ ។
ជាចុងក្រោយលោក Guterres បានជំរុញភាគីទាំងពីរឲ្យជួយសង្គ្រោះជីវិតជនស៊ីវិល បញ្ឈប់ការបង្ហូរឈាម និងការបំផ្លិចបំផ្លាញទាំងឡាយ ហើយរក្សាជំនឿជាមួយនឹងអត្ថន័យ និងសារនៃបុណ្យ Easter ៕
ប្រែសម្រួលដោយ ៖ ជីវ័ន្ត
ប្រភព ៖ NHK
-
ចរាចរណ៍៣ ថ្ងៃ ago
បុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៦ ថ្ងៃ ago
ទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៣ ថ្ងៃ ago
ពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៧ ថ្ងៃ ago
ភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ ago
លោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ១ សប្តាហ៍ ago
ឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៧ ថ្ងៃ ago
អ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
-
ចរាចរណ៍៤ ថ្ងៃ ago
សង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់