ជីវិតកម្សាន្ដ

អេដវីន ក្ដាប់បានឱកាសឡើងវិញ ក្រោយផ្ទុះរឿងអាស្រូវជាប់ពន្ធនាគារបាត់មុខមួយរយៈធំ

បានផុស

៣ years មុន

នៅ

ថ្ងៃព្រហស្បតិ៍ ២១ មេសា ២០២២

ដោយ

តារាសម្តែងរូបសង្ហាសាច់ដុំធំៗលោក យិត មាសឧស្សា ហៅ អេដវីន កន្លងមកបានផ្ទុះនូវរឿងអាស្រូវដ៏អាម៉ាស់បន្ទាប់ប្រើហិង្សាលើអតីតគូស្នេហ៍ឲ្យរងរបួសពេញខ្លួនរហូតឈានដល់សមត្ថកិច្ចឃាត់ខ្លួនបញ្ជូនទៅតុលាកានិងជាប់ពន្ធនាគារជាច្រើនខែ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយពេលបាត់មុខមួយសន្ទុះធំ និងត្រូវបានដោះលែងឲ្យមានសេរីភាពតារាសម្តែងលោក អេដវីន បច្ចុប្បន្នត្រូវបានប្រភពបង្ហើបថាតារាប្រុសរូបនេះ បានចាប់ផ្តើមមានឱកាសជាថ្មីឡើងវិញតាមរយ:ការបង្ហាញវត្តមានថតសម្តែង និងចូលរួមកម្មវិធីសិល្ប:មួយចំនួនផងដែរ។ ជាក់ស្តែងកាលពីថ្មីៗកន្លងទៅអេដវីន បានបង្ហាញខ្លួនជាលើកដំបូងនៅក្នុងកម្មវិធីធំមួយនាផ្សារទំនើបអូឡាំព្យា។

ស្របពេលដែលមានឱកាសបង្ហាញវត្តមានក្នុងកម្មវិធីធំនេះមិនទាន់បានប៉ុន្មានផង ស្រាប់តែមានដំណឹងថា អេនវីន ក្ដាប់បានឱកាសការងារថ្មីគឺ ជាតួអង្គដ៏សំខាន់ក្នុងខ្សែភាពយន្ដខ្នាតធំមួយដែលដឹកនាំសម្ដែងដោយអ្នកស្រី ពាន់ ភួងបុប្ផា។ លោក អេដ វីន អះអាងដែរថា ខ្សែភាពយន្ដខ្នាតធំដែលមានលោកជាតួឯកប្រុស គឺត្រៀមនឹងចាក់ក្នុងពេលឆាប់ៗខាងមុខនេះដែលមានកញ្ញា មាន សូនីតា ដើរតួជាតួឯកស្រីផងដែរ។

ជាមួយគ្នានេះដែរ អេដវីន ក៏បាននិយាយដែរថាអរគុណដល់ពុកម៉ែបងប្អូន ដែលតែងតែរង់ចាំវត្តមានរបស់ខ្លួនក្នុងការវិលត្រឡប់ចូលសិល្បៈសារជាថ្មីពេលនេះ លោកបានត្រឡប់មកវិញហើយ។ យ៉ាងណានមិញគេរង់ចាំមើលថា អេដវីន អាចស្តារបានប្រជាប្រិយភាពនិងការគាំទ្របានមកវិញឬយ៉ាងណា?៕