ជីវិតកម្សាន្ដ

សុខ ពិសី និយាយច្បាស់ៗ ពេលគេសួរនាំរឿងជ្រើសរើសគូស្រករ

បានផុស

៣ years មុន

នៅ

ថ្ងៃព្រហស្បតិ៍ ២១ មេសា ២០២២

ដោយ

កំពូលតារាចម្រៀងសំនៀងផ្អែមកញ្ញា សុខ ពិសី បច្ចុប្បន្នត្រូវបានគេចាត់ទុកថានាងជាតារាស្រីដែលរក្សាបានការគាំទ្រ និងមានប្រជាប្រិយភាពចេះថមថយ។ មិនតែប៉ុណ្ណោះ ពិសី ក៏ត្រូវបានគេនិយាយថានាងជារាជិនីសម្រស់ផងដែរ ខណៈចូលដល់ដើមឆ្នាំ ២០២២ នេះ ភ្លាមនាងកាន់តែត្រូវប៉ាន់លើទីផ្សារចម្រៀង និងការផ្សព្វផ្សាយស្ពតធំៗជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុផលនេះហើយទើបបានជាអ្នកគាំទ្រចាត់ទុកថា វាជាជោគជ័យដ៏ធំរបស់កញ្ញា សុខ ពិសី បន្ថែមទៀតទាំងលើអាជីពសិល្បៈ និងមុខជំនួញរបស់នាងនាពេលបច្ចុប្បន្ន។ ម្យ៉ាងទៀត ពិសី ក៏នៅតែរក្សាបានសន្ទុះនៃការគាំទ្រនិងមានទីផ្សារចម្រៀងខ្លាំង មិនចាញ់មិត្តភក្តិរួមជំនាន់ឡើយ។ចំណែករូបសម្រស់ សុខ ពិសី គឺនៅរក្សាបានភាពស្រស់ស្អាត និងមានរាងតូចច្រឡឹងគួរឲ្យស្រលាញ់ទៀតផង។

ដោយឡែកពាក់ព័ន្ធទៅនឹងរឿងរ៉ាវជីវិតស្នេហារបស់ សុខ ពិសី ឯណ្ណោះវិញកន្លងមកមានទស្សនិកជន និងអ្នកគាំទ្រមួយចំនួនធំតែងតែចង់ដឹងគ្រប់គ្នាថា តើដល់ពេលណាទើបនាងសម្រេចចិត្តដឹកដៃបុរសក្នុងក្តីស្រមៃចូលរោងការដូចតារាប្រុស-ស្រីឯទៀត?។ ខណៈកន្លងមក ពិសី តែងបដិសេធន៍និងមិនដែលបង្ហើបពីរឿងនេះឡើយ។

ដើម្បីជាការស្រាយមន្ទិលនិងចម្ងល់ ឬសំនួរជាច្រើនរបស់អ្នកគាំទ្រតារាចម្រៀងមុខស្រទន់កញ្ញាសុខ ពិ សី បានថ្លែងប្រាប់តាមរយៈបណ្តាញសង្គមដោយខ្លីថា កុំភ័យរឿងគូរស្រករដល់ពេលណាយកពេលហ្នឹងទៅ បើអត់ទេក៏អត់ទៅ។ ត្រូវខ្វល់រឿងខំរកលុយឲ្យបានច្រើនៗទុកពេលចាស់ទៅដើរលេងឲ្យណាណីតែម្តង។

សូមបញ្ជាក់ដែរថា រឿងដែលគេឲ្យកត់សម្គាល់ គឺ កញ្ញា សុខ ពិសី អំឡុងពេលនេះកាន់តែត្រូវប៉ាន់ផងដែរនៅក្នុងអាជីពព្រោះថ្មីៗកន្លងទៅនាងទើបបានចេញមុខក្លាយជាតំណាងឲ្យផលិតផលធំមួយយ៉ាងភ្ញាក់ផ្អើល។ ក្រៅពីក្ដាប់បានស្ពតធំៗនោះកញ្ញា សុខ ពិសី ក៏ជាអ្នកថតម៉ូដសម្អាងការដ៏មមាញឹកផងដែរ ទើបធ្វើឲ្យនាងហាក់មិនសូវខ្វាយខ្វល់នឹងរឿងរ៉ាវសាងអនាគត់ឬជ្រើសរើសយកគូស្រករនោះ៕

អត្ថបទ៖ ចាន់រ៉ា