លោក Zelensky ថា អ៊ុយក្រែន នឹងមិនចុះចាញ់សង្គ្រាមលុកលុយរបស់ រុស្ស៊ី ឡើយ

ប្រធានាធិបតីអ៊ុយក្រែនលោក Volodymyr Zelensky បាននិយាយថា ប្រទេសរបស់លោកកំពុងបន្តប្រយុទ្ធការពារប្រឆាំងនឹងការលុកលុយរបស់រុស្ស៊ីលើទីតាំងជាច្រើនរួមទាំងទីក្រុង Mariupol ដែលជាទីក្រុងកំពង់ផែសំខាន់មួយភាគខាងកើតដែលរុស្ស៊ីទើបតែបានរឹបអូសផងដែរ ។

នៅក្នុងសារវីដេអូមួយកាលពីថ្ងៃសុក្រ លោក Zelensky បាននិយាយថា កងកម្លាំងអ៊ុយក្រែននឹងមិនចុះចាញ់សង្គ្រាមឡើយ ហើយបន្តរារាំងការវាយប្រហារដោយពួកលុកលុយរុស្ស៊ីនៅភាគខាងកើត និងភាគខាងត្បូងរបស់ប្រទេស ។

លោកបាននិយាយថា ទីក្រុង Izyum តំបន់ Donbas ទីក្រុង Mariupol និងទីក្រុងដទៃ គឺជាកន្លែងដែលសម្រេចជោគវាសនានៃសង្រ្គាមនាពេលនេះ និងអនាគតនៃរដ្ឋរបស់យើង” ។

ទន្ទឹមនោះលោកក៏​បាន​សម្តែង​ការ​ដឹងគុណ​ចំពោះ​ប្រទេស​នានា​ដែល​ផ្តល់​ការ​គាំទ្រ​ផ្នែក​យោធា​ដល់​អ៊ុយក្រែន ដែល​លោក​បាន​ហៅ​ថាជា “ដៃគូដ៏ល្អ” ។

ជាចុងក្រោយលោក Zelensky បាននិយាយថា ប្រទេស​របស់​លោក​ដឹង​យ៉ាង​ច្បាស់​ថា​ជាមួយ​នឹង​អាវុធ​ទាំង​នេះ វា​នឹង​អាច​ជួយ​ជីវិត​មនុស្ស​រាប់​ពាន់​នាក់​បាន ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ លោក Zelensky ប្រាប់មូលហេតុធ្លាក់ទីក្រុង Mariupol ទៅក្នុងកណ្ដាប់ដៃ រុស្ស៊ី