ព្រឹត្តិការណ៍សំខាន់ៗចំនួន ២ កើតឡើង ម្សិលមិញ

ព្រឹត្តិការណ៍សំខាន់ៗលើពិភពលោកចំនួន ២ បានកើតឡើងក្នុងពេលតែមួយកាលពីថ្ងៃអាទិត្យ ទី ២៤ ខែមេសា ឆ្នាំ ២០២២ ម្សិលមិញ ។

ទី ១ គឺសង្គ្រាមលុកលុយរបស់រុស្ស៊ីលើអ៊ុយក្រែនដែលលោកប្រធានាធិបតីរុស្ស៊ី វ្ល៉ាឌីមៀ ពូទីន ហៅថាជា “ប្រតិបត្តិការយោធាពិសេស” បានឈានដល់រយៈពេល ២ ខែហើយ ។

ការ​ប្រយុទ្ធ​គ្នា​យ៉ាង​ខ្លាំងក្លា​នៅ​តែ​បន្ត​ក្នុង​ប្រទេស​អ៊ុយក្រែន ​ចាប់​តាំង​ពី​ការ​លុកលុយ​របស់​រុស្ស៊ី​មក​លើ​ប្រទេស​នេះ​បាន​ចាប់​ផ្តើមកាលពីថ្ងៃទី ២៤ ខែកុម្ភៈ ហើយរហូតមកដល់ពេលនេះ ទាហាន​រុស្ស៊ី​កំពុងតែ​បង្កើន​ការ​វាយ​ប្រហារ​របស់​ខ្លួន​លើ​ភាគ​ខាង​កើត​ និង​តំបន់​ផ្សេង​ទៀតរបស់​អ៊ុយក្រែន ។

ចំណែកទី ២ គឺការបោះឆ្នោតប្រធានាធិបតីរបស់បារាំង ។ ទីបំផុតលោក Emmanuel Macron បានឈ្នះឆ្នោតកាន់តំណែងជាប្រធានាធិបតីបារាំងរយៈពេល ៥ ឆ្នាំទៀត បន្ទាប់ពីផ្តួលគូប្រជែងលោកស្រី Marine Le Pen ។

ក្នុងនោះលោក Macron បានឈ្នះឆ្នោតលើលោកស្រី Le Pen ដោយសំឡេង ៥៨.៥៥ ភាគរយទល់នឹងសំឡេង ៤១.៤៥ ភាគរយខ្ពស់ជាងការរំពឹងទុក ៕

អត្ថបទ ៖ ជីវ័ន្ត

ចុចអាន ៖ ស្ថានកុងស៊ុល រុស្ស៊ី ប្រចាំទីក្រុងញូវយ៉ក រងការគំរាមបំផ្ទុះគ្រាប់បែក