ព័ត៌មានជាតិ
និស្សិត និងមន្ត្រីកម្ពុជា ៤ នាក់ បានបញ្ចប់ថ្នាក់បរិញ្ញាបត្រជាន់ខ្ពស់ ពីសាធារណរដ្ឋកូរ៉េ
ទីភ្នាក់ងារសហប្រតិបត្តិការអន្តរជាតិកូរ៉េ(កយកា)ប្រចាំប្រទេសកម្ពុជា នៅថ្ងៃទី ២៩ ខែមេសា ឆ្នាំ២០២២ បានប្រគល់សញ្ញាបត្រជូនដល់មន្ត្រីអាហារូបករណ៍កយកាចំនួន ៤ នាក់ ដែលបានបញ្ចប់ថ្នាក់បរិញ្ញាបត្រជាន់ខ្ពស់(អនុបណ្ឌិត)ដោយជោគជ័យនៅសាកលវិទ្យាល័យហាល់លីម (Hallym) និង វិទ្យាស្ថានវិទ្យាសាស្ត្រ និងបច្ចេកវិទ្យាកម្រិតខ្ពស់របស់ប្រទេសកូរ៉េ(KAIST) តាមរយៈកម្មវិធីអាហារូបករណ៍ របស់ទីភ្នាក់ងារកយកា។
មន្ត្រីអាហារូបករណ៍កយកាក្នុងចំណោម ៤ នាក់ ក្នុង ២ នាក់នោះ គឺ កញ្ញា ជា ណាវិន មកពីសាកលវិទ្យាល័យភូមិន្ទកសិកម្ម នៃក្រសួងកសិកម្ម រុក្ខាប្រមាញ់ និងនេសាទ (MAFF)កម្ពុជា និងលោក កែវ ហាក់ មកពីក្រសួងអភិវឌ្ឍន៍ជនបទ(MRD)កម្ពុជា បានបញ្ចប់ការសិក្សាដោយជោគជ័យ និង បានឆ្លងកាត់ការវាយតម្លៃនិក្ខេបបទសម្រាប់ “ថ្នាក់បរិញ្ញាបត្រជាន់ខ្ពស់គោលនយោបាយសាធារណៈ(ជំនាញគោលនយោបាយការប្រែប្រួលអាកាសធាតុ)” នៅសាលាបញ្ចប់ការសិក្សា សាកលវិទ្យាល័យហាល់លីម (Hallym)ក្នុងទីក្រុង Chuncheon ខេត្ត GangWon-Do នៃសាធារណរដ្ឋកូរ៉េ។
ចំណែកមន្ត្រីអាហារូបករណ៍កយកាពីរនាក់ទៀត រួមមាន លោក នៃ ស៊ីវណ្ណសាក់ ប្រធានផ្នែក នៃនាយកដ្ឋានលទ្ធកម្មនៃអគ្គិសនីកម្ពុជា (EDC) និង លោកស្រី សឿន កណ្ណិកា ប្រធានស្តីទីការិយាល័យ នៃនិយ័តករមូលបត្រកម្ពុជា (ន.ម.ក.) ក្រោមឱវាទរបស់អាជ្ញាធរសេវាហិរញ្ញវត្ថុមិនមែនធនាគារ(អ.ស.ហ)បានបញ្ចប់ការសិក្សាដោយជោគជ័យ និងបានឆ្លងកាត់ការវាយតម្លៃនិក្ខេបបទសម្រាប់ “ថ្នាក់បរិញ្ញាបត្រជាន់ខ្ពស់គ្រប់គ្រងពាណិជ្ជកម្ម – Master of Business Administration (Majoring in Social Entrepreneurship)” ដែលបានសិក្សាចាប់តាំងពីខែសីហា ឆ្នាំ២០២0 ដល់ខែកុម្ភៈ ឆ្នាំ ២០២២ នៅ Graduate School of management, the College of Business, Korea Advanced Institute of Science and Technology (KAIST) ទីក្រុងសេអ៊ូល, សាធារណរដ្ឋកូរ៉េ។
លោក នោ ហ្យន់ជូន(Rho Hyun-Jun) ប្រធានតំណាងទីភ្នាក់ងារសហប្រតិបត្តិការអន្តរជាតិកូរ៉េ(កយកា-KOICA) ប្រចាំនៅប្រទេសកម្ពុជា បានស្វាគមន៍ និងអបអរសាទរចំពោះបញ្ចប់ថ្នាក់បរិញ្ញាបត្រជាន់ខ្ពស់(អនុបណ្ឌិត)របស់ពួកគេ។ លោកប្រធានតំណាងប្រចាំប្រទេសបានថ្លែងថា៖ ‘ទោះបីមានការលំបាកក្នុងស្ថានភាពជំងឺកូវីដ-១៩ ក៏ដោយ ទីភ្នាក់ងារកយកាបានសន្យាបន្តជួយដល់កម្ពុជា និងផ្តល់អាហារូបករណ៍ ព្រមទាំងឱកាសបណ្តុះបណ្តាលបន្ថែមទៀតក្នុងរយៈពេលប៉ុន្មានឆ្នាំកន្លងមកនេះ’។
កម្មវិធីCIAT(ការពង្រឹងសមត្ថភាព និងការរីកចម្រើនសម្រាប់ថ្ងៃស្អែក) របស់ ទីភ្នាក់ងារកយកាដែលជាកម្មវិធីអាហារូបករណ៍ គឺជាកម្មវិធីបណ្តុះបណ្តាលផ្នែកអភិវឌ្ឍន៍ធនធានមនុស្ស (HRD) ឈានមុខគេរបស់ប្រទេសកូរ៉េ ដែលទីភ្នាក់ងារកយកាធ្វើការអញ្ជើញមន្ត្រីរាជការ វិស្វករ អ្នកស្រាវជ្រាវ និងអ្នកបង្កើតគោលនយោបាយនៅក្នុងប្រទេសកំពុងអភិវឌ្ឍន៍ដែលនឹងដើរតួជាអ្នកដឹកនាំកំណើនសេដ្ឋកិច្ច និងសង្គមរបស់ប្រទេសពួកគេ និងផ្តល់ការបណ្តុះបណ្តាលពង្រឹងសមត្ថភាពតាមរយៈការចែករំលែកបទពិសោធន៍ និងបច្ចេកវិទ្យារបស់ប្រទេសកូរ៉េសម្រាប់ការអភិវឌ្ឍន៍។ នៅក្រោមក្របខ័ណ្ឌកម្មវិធីCIAT របស់ ទីភ្នាក់ងារកយកាមានកម្មវិធីរយៈពេលខ្លីដូចជាការបណ្តុះបណ្តាលទូទៅសម្រាប់ប្រទេសមួយ/ពហុប្រទេស និងកម្មវិធីរយៈពេលវែងដែលធម្មតាជាកម្មវិធីអាហារូបករណ៍ (ថ្នាក់បរិញ្ញាបត្រជាន់ខ្ពស់ និងបណ្ឌិត)។
កម្មវិធីអាហារូបករណ៍កយកា គឺជាកម្មវិធីដែលទទួលបានមូលនិធិយ៉ាងពេញលេញ ដែលគាំទ្រដោយរដ្ឋាភិបាល នៃសាធារណរដ្ឋកូរ៉េ ទៅកាន់ប្រទេសជាដៃគូរបស់ កយកា។ កម្មវិធីអាហារូបករណ៍នេះ បានចាប់ផ្តើមនៅក្នុងប្រទេសកម្ពុជាចាប់តាំងពីឆ្នាំ ១៩៩៤ ហើយមានគោលបំណងដើម្បីចែករំលែកបទពិសោធន៍ពីការអភិវឌ្ឍន៍របស់កូរ៉េ ដល់ប្រទេសកម្ពុជា ដើម្បីចូលរួមចំណែកដល់ តម្រូវការអភិវឌ្ឍ សម្រាប់រយៈពេលវែងរបស់ប្រទេសកម្ពុជា។
ដើម្បីសម្រេចបាននូវបេសកកម្មនេះ ទីភ្នាក់ងារសហប្រតិបត្តិការអន្តរជាតិកូរ៉េ(កយកា-KOICA) បានចាប់ផ្តើមប្រតិបត្តិការ អាហារូបករណ៍កម្រិតថ្នាក់បរិញ្ញាប័ត្រជាន់ខ្ពស់ ជាមួយសាកលវិទ្យាល័យល្បីៗ នៅប្រទេសកូរ៉េ ចំនួន ២០ នៅក្នុងវិស័យកសិកម្ម វិស័យអភិវឌ្ឍជនបទ វិស័យអប់រំ វិស័យអភិបាលកិច្ច វិស័យបច្ចេកវិទ្យា និង វិស័យបរិស្ថាននិងថាមពល។
KOICA នឹងបន្តគាំទ្រ និងអនុវត្តកម្មវិធីនានាក្នុងប្រទេសកម្ពុជា ដែលមានគោលដៅអភិវឌ្ឍន៍ធនធានមនុស្ស។ ចាប់ពីឆ្នាំ ១៩៩៤ ដល់ឆ្នាំ ២០២១ ការិយាល័យ KOICAប្រចាំកម្ពុជាបានគាំទ្រមន្ត្រីរដ្ឋាភិបាលប្រមាណជា ៣៣៦៨ នាក់។ ក្នុងចំណោមនោះ មានកម្មសិក្សាការីកម្មវិធីអាហារូបករណ៍របស់ ទីភ្នាក់ងារកយកាចំនួន ២០៧ នាក់៕
អត្ថបទ៖ សំអឿន
អភិបាលខណ្ឌឬស្សីកែវ បញ្ជាឱ្យជំនាញពាក់ព័ន្ធតាមដានត្រួតពិនិត្យជួសជុលកែលំអផ្លូវថ្នល់ ដែលមានការខូចខាត
រដ្ឋមន្ត្រីមហាផ្ទៃប្រាប់ក្រុមការងារចុះមូលដ្ឋានបញ្ឈប់កិច្ចអន្តរាគមន៍យកមន្ត្រីក្រៅមូលដ្ឋានមកកាន់តំណែង
មហាជនបារម្ភ! ក្រោយឃើញអ្នកជិះកង់សប្បុរសធម៌ ជំនះធ្វើដំណើរកាត់ព្រិល រឹងខ្លួនប្រាណសឹងនិយាយលែងបាន
ព្រះខ័នរាជស្វាយរៀងនាំចូលប្រយុទ្ធថ្មី Caetano ត្រៀមពានអាស៊ី
កម្លាំងនាយកដ្ឋានព្រហ្មទណ្ឌ បំបែកសំណុំរឿងឃាតកម្មនៅស្រុកឈូក ខេត្តកំពត
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
ទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
អ្នកឧកញ៉ា៣រូប បរិច្ចាគជាង១លានដុល្លារ សង់អគារសាកលវិទ្យាល័យសម្ដេចព្រះមហាសង្ឃរាជ បួរ គ្រី នៅខេត្តកណ្ដាល
អភិបាលរងខេត្តស្វាយរៀង÷ យុវជន ត្រូវមាន មានស្មារតីស្នេហាជាតិ ជួយជាតិ លើកកម្ពស់មុខមាត់ជាតិឱ្យបានច្រើន
ប្រមុខណាតូ៖ រុស្ស៊ីនឹងខ្ទេច បើហ៊ានប៉ះសមាជិកណាមួយ ចង់ដឹងសាកមើលទៅ!
-
សន្តិសុខសង្គម៣ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៦ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៦ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៣ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៥ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ៨ ម៉ោង agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៣ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៣ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត