កីឡា
គោលបំណង ៤ សំខាន់ៗ នៃការប្រកួតកីឡាសិស្សបឋមសិក្សាថ្នាក់ជាតិ ឆ្នាំ ២០២២
កីឡាប្រកួតកីឡាសិស្សបឋមសិក្សាថ្នាក់ជាតិ ប្រចាំឆ្នាំ ២០២២ បានបើកការប្រកួតផ្លូវការហើយកាលពីល្ងាចថ្ងៃទី ៣០ ខែមេសាក្រោមវត្តមានឯកឧត្តម ប៊ូ ជុំសេរី អនុរដ្ឋលេខាធិការក្រសួងអប់រំ យុវជន និងកីឡា ខណៈព្រឹត្តិការណ៍នេះរៀបចំឡើងក្នុងគោលបំណង ៤ សំខាន់ៗ ស្របតាមកំណែទម្រង់របស់ក្រសួង។
ថ្លែងក្នុងពិធីបើកជាផ្លូវការ ឯកឧត្តម ប៊ូ ជុំសេរី បានបញ្ជាក់ថា ការប្រកួតកីឡាសិស្សបឋមសិក្សាថ្នាក់ជាតិនេះ ផ្ដោតលើគោលបំណង ៤ សំខាន់រួមមាន៖ ទី ១ បំផុសសកម្មភាពអប់រំកាយ និងកីឡានៅក្នុងគ្រឹះស្ថានសិក្សា និងនៅតាមរាជធានី-ខេត្ត។ ទី ២ ជួយឲ្យសិស្សមានសុខុមាលភាពល្អ កាយសម្បទាមាំមួន ឆន្ទៈមោះមុត អំណត់ព្យាយាម មានវិន័យ ស្មារតីក្រុម គំនិតច្នៃប្រឌិត និងតស៊ូស្វិតស្វាញសំដៅដណ្ដើមបានលទ្ធផលល្អប្រសើរលើការប្រកួត ទទួលបានលទ្ធផលការសិក្សាល្អ និងជីវភាពរស់នៅសុខដុមរមនា។ ទី ៣ លើកទឹកចិត្តដល់អ្នកលេងកីឡា និងអ្នកដែលមានឧបនិស្ស័យដើម្បីជ្រើសរើសបានជាកីឡាករ-កីឡាការិនីថ្នាលល្អៗចូលក្នុងក្រុមជម្រើសជាតិ ចូលរួមក្នុងការហ្វឹកហាត់ត្រៀមលក្ខណៈចូលរួមប្រកួតនៅលើឆាកជាតិ និងអន្ដរជាតិនានា។ ទី ៤ បង្កលក្ខណៈឲ្យសិស្សជួបជុំគ្នា ស្គាល់គ្នា ចងមិត្តភាព សាមគ្គីភាព ដើម្បីចេះរួមរស់ជាមួយគ្នានៅក្នុងសង្គម។
អនុរដ្ឋលេខាធិការក្រសួងអប់រំ យុវជន និងកីឡាដដែលបានកោតសរសើរ និងវាយតម្លៃខ្ពស់ចំពោះគណៈកម្មការរៀបចំការប្រកួត និងអង្គភាពពាក់ព័ន្ធគ្រប់រាជធានី-ខេត្តដែលបានសហការរៀបចំព្រឹត្តិការណ៍នេះ ឲ្យរលូនតាមការគ្រោងទុក ពិសេសអំឡុងពេលរាជរដ្ឋាភិបាលបានបើកដំណើរការប្រទេសឡើងវិញ ក៏ដូចជាការអនុញ្ញាតឲ្យទស្សនិកជន ១០០% ចូលរួមទស្សនាការប្រកួតលីគ និងសកម្មភាពកីឡាជាតិឡើងវិញជាដើម។
សូមបញ្ជាក់ថា ការប្រកួតកីឡាសិស្សបឋមសិក្សាថ្នាក់ជាតិ ឆ្នាំ ២០២២ នឹងប្រព្រឹត្តទៅរយៈពេល ៩ ថ្ងៃ ដោយបានដំណើរការតាំងពីថ្ងៃទី ២៩ ខែមេសា ហើយគ្រោងបញ្ចប់នៅថ្ងៃទី ០៨ ខែឧសភា ឆ្នាំ ២០២២ ដោយរៀបចំឡើងនៅរាជធានីភ្នំពេញ។
ព្រឹត្តិការណ៍នេះ បានកំណត់យកប្រភេទកីឡាសក្តានុពលចំនួន ៨ រួមមាន៖ កីឡាបាល់ទាត់, បាល់ទះ, បាល់បោះ, អត្តពលកម្ម, វាយសី, វាយកូនឃ្លីលើតុ, តេក្វាន់ដូ WT និងតេក្ចាន់ដូ IFT ស្មើនឹង ៣៤ វិញ្ញាសា សរុប ៤២៩ មេដាយ ដែលមានប្រតិភូ គ្រូបង្វឹក កីឡាករ កីឡាការិនីចូលរួមប្រកួតសរុប ១,៦៧៧ នាក់ អញ្ជើញមកពី ២៥ រាជធានីខេត្ត៕
អត្ថបទ៖ មន្នីរ័ត្ន
លោក Sunak៖ ទ្រព្យសម្បត្តិរដ្ឋរុស្ស៊ីដែលបង្កក ប្រឈមហានិភ័យបានទៅរុស្ស៊ីវិញ
លក្ខិណា យ៉ានុត មានអ្នកច្បាស់លាស់ហើយ ខណៈកំពុងរីករាយជុំគ្រួសារក្នុងឱកាសពិធីភ្ជាប់ពាក្យខ្លួនថ្ងៃនេះ
រដ្ឋបាលត្រាំសន្សំលុយបានជិត១ពាន់លានដុល្លារ១ឆ្នាំពីការបិទប្រព័ន្ធផ្សព្វផ្សាយនានា
លោក លៀក លីដា បង្ហាញបំណងផលិតរឿងបែបប្រវត្តិសាស្រ្ត “អាណាចក្រខ្មែរ និង អាយុធ្យា” ខណៈស្ថិតក្នុងការស្ទង់មតិ
ព្រះមហាក្សត្ររាជទានគោរមងា ឋានន្តរស័ក្ដិ ផ្កាយមាស ៥ ជូនសម្ដេច ទៀ បាញ់ និងសម្ដេច ម៉ែន សំអន
Breaking News៖ អគ្គិភ័យកំពុងឆេះឃ្លាំងស្តុកអេតចាយ(មានវីដេអូ)
អ្នកជំនាញរថយន្ត ប្រាប់មូលហេតុដែលធ្វើឱ្យយកឡានចូលជាងជាញឹកញាប់
ប្រធានាធិបតីហ្វីលីពីន ចេញមកដាក់បន្ទុកលើក លោក Duterte
ត្រាំបញ្ជាបើកការវាយប្រហារទ្រង់ទ្រាយធំលើក្រុមហ៊ូធីនៅយេម៉ែន បង្កស្លាប់និងរបួសជាង១៣០នាក់
បាក់ធ្នឹមស្ពានផ្លូវល្បឿនលឿនក្នុងទីក្រុងបាងកកបណ្តាលឲ្យស្លាប់និងរបួសជាង៣០នាក់
-
សន្តិសុខសង្គម២ ថ្ងៃ agoម្ចាស់ប្រេនសម្រស់ធារ៉ា ត្រូវសមត្ថកិច្ចឃុំខ្លួន ពាក់ព័ន្ធការកែច្នៃគ្រឿងសំអាងគ្មានច្បាប់អនុញ្ញាត
-
ព័ត៌មានអន្ដរជាតិ៤ ថ្ងៃ agoមេដឹកនាំអាស៊ី ៤រូប ដែល ICC ចេញដីកាចាប់ខ្លួន ជុំវិញបទឧក្រិដ្ឋកម្មប្រឆាំងមនុស្សជាតិ
-
ព័ត៌មានជាតិ២ ថ្ងៃ agoសម្តេចធិបតី៖ ឧកញ៉ា ១៤០រូប ត្រូវបានលុបឈ្មោះចេញ ក្នុងនោះមានឧកញ៉ាខ្លះប្រព្រឹត្តបទល្មើស
-
សន្តិសុខសង្គម១ ថ្ងៃ agoBreaking News៖ អគ្គិភ័យកំពុងឆេះនៅផ្លូវសឡា សង្កាត់ស្ទឹងមានជ័យទី១
-
សន្តិសុខសង្គម៣ ថ្ងៃ agoភ្លៀងលាយឡំខ្យល់កន្ត្រាក់បំផ្លាញផ្ទះពលរដ្ឋ៣ភូមិអស់ ៥៤ខ្នង
-
សន្តិសុខសង្គម២១ ម៉ោង agoBreaking News៖ អគ្គិភ័យកំពុងឆេះឃ្លាំងស្តុកអេតចាយ(មានវីដេអូ)
-
ព័ត៌មានជាតិ២ ថ្ងៃ agoអាជ្ញាធរប្រឆាំងគ្រឿងញៀនស្នើរឹបអូសទ្រព្យសម្បត្តិឈ្មួញគ្រឿងញៀនជាប្រាក់រង្វាន់
-
សន្តិសុខសង្គម១ ថ្ងៃ agoនគរបាលរាជធានី ចាប់ខ្លួនបុរសម្នាក់ដែលប្រៀបធៀបការចាប់ខ្លួនប្រធានាធិបតីហ្វីលីពីនជាមួយសម្ដេចតេជោ ហ៊ុន សែន