ទិន្នន័យថ្មីតម្លៃប្រេងសាំងនៅ អាស៊ាន ខណៈកម្ពុជាឡើងដល់ ៥,២៥០ រៀល លក់ក្នុងមួយលីត្រ

ស្របពេលដែលសង្គ្រាមរវាងរុស្ស៊ី និងអ៊ុយក្រែនអូសបន្លាយពេលដល់ជាង ២ ខែទៅហើយនោះ តម្លៃប្រេងសាំងនៅលើពិភពលោករឹតតែមានការប្រែប្រួល ។

ទន្ទឹមនោះតម្លៃប្រេងសាំងក្នុងបណ្ដាលប្រទេសមួយចំនួននៅតំបន់អាស៊ីអាគ្នេយ៍ (អាស៊ាន) នៅតែឡើងថ្លៃ ខណៈកម្ពុជាបន្តឡើង ១០០ រៀលទៀតសម្រាប់លក់ក្នុងមួយលីត្រ ។

ហើយនេះគឺជាតម្លៃប្រេងសាំងធម្មតាលក់ក្នុងមួយលីត្រនៅបណ្ដាប្រទេសអាស៊ាន ៖

១. ព្រុយណេ តម្លៃ ០.៣៨ ដុល្លារ (១,៥៥០​ រៀល) ក្នុងមួយលីត្រ

២. ម៉ាឡេស៊ី តម្លៃ ០.៤៧ ដុល្លារ (១,៩០០​ រៀល) ក្នុងមួយលីត្រ

៣. ឥណ្ឌូណេស៊ី តម្លៃ ១.០៩ ដុល្លារ (៤,៤០០ រៀល) ក្នុងមួយលីត្រ

៤. ថៃ តម្លៃ ១.១៤ ដុល្លារ (៤,៦០0 រៀល) ក្នុងមួយលីត្រ

៥. មីយ៉ាន់ម៉ា តម្លៃ ១.១៤ ដុល្លារ (៤,៦០០ រៀល) ក្នុងមួយលីត្រ

៦. វៀតណាម តម្លៃ ១.២៥ ដុល្លារ (៥,០០០ រៀល) ក្នុងមួយលីត្រ

៧. កម្ពុជា តម្លៃ ១.៣០ ដុល្លារ (៥,២៥០ រៀល) ក្នុងមួយលីត្រ

៨. ហ្វីលីពីន តម្លៃ ១.៣៧ ដុល្លារ (៥,៥០០ រៀល) ក្នុងមួយលីត្រ

៩. ឡាវ តម្លៃ ១.៦២ ដុល្លារ (៦,៥០០ រៀល) ក្នុងមួយលីត្រ

១០. សិង្ហបុរី តម្លៃ ២.១៣ ដុល្លារ (៨,៥៥០ រៀល) ក្នុងមួយលីត្រ

គួរបញ្ជាក់ថា តម្លៃប្រេងសាំងទាំងនេះគឺគិតត្រឹមថ្ងៃទី ២ ខែឧសភា ឆ្នាំ ២០២២ ហើយយើងឃើញថា ប្រទេសថៃ និងព្រុយណេមិនមានការប្រែប្រួលតម្លៃនោះទេ ខណៈសិង្ហបុរីនៅតែជាប្រទេសមានតម្លៃប្រេងសាំងខ្ពស់ជាងគេដដែលនៅតំបន់អាស៊ាន ៕

ប្រែសម្រួលដោយ ៖ ជីវ័ន្ត

ប្រភព ៖ Global Petrol Price

ចុចអាន ៖ មកដឹងប្រទេសអាស៊ានចំនួន ២ ដកកាតព្វកិច្ចពាក់ម៉ាសនៅទីសាធារណៈ