ព័ត៌មានជាតិ

អភិបាលក្រុងដូនកែវ ទុកពេលប្រាំថ្ងៃដល់ម្ចាស់ទីតាំងស្តុកអេតចាយ

បានផុស

៤ years មុន

នៅ

ថ្ងៃព្រហស្បតិ៍ ១៧ ធ្នូ ២០២០

ដោយ

លោក កង អាណាន់ អភិបាលក្រុងដូនកែវ ខេត្តតាកែវ កាលពីថ្ងៃទី១៦ ខែធ្នូ ឆ្នាំ២០២០ បានកោះប្រជុំជាមួយសមត្ថកិច្ចពាក់ព័ន្ធ ថែមទាំងមានការចូលរួមសហការផងដែរ ពីម្ចាស់ទីតាំងអេតចាយ ដែលយកចំណីផ្លូវសាធារណស្តុកទំនិញធ្វើឲ្យប៉ះពាល់សោភណភាពផ្លូវ និងពិបាកធ្វើចរាចរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីតាំងស្តុកអេតចាយនេះ ស្ថិតនៅភូមិឡូរី សង្កាត់រកាក្នុង ក្រុងដូនកែវ ខេត្តតាកែវ ដែលបានដាក់ទំនិញខ្លួនសំពីងសំពោងពាសពេញផ្លូវធ្វើឲ្យបាត់បង់សោភណភាព និងកកស្ទះចរាចរណ៍ និងធ្លាប់ត្រូវបានមហាជនធ្វើការរិះគន់មិនសំចៃមាត់។

នៅក្នុងជំនួបនោះ លោក កង អាណាន់ អភិបាលក្រុងដូនកែវ បានព្រមានថា នឹងចាត់វិធានការបន្ទាន់ តែបានទុករយៈពេល៥ថ្ងៃ ដើម្បីឲ្យរុះរើ ហើយប្រសិនបើរយៈពេល៥ថ្ងៃ ម្ចាស់អាជីវកម្មមិនព្រមរុះរើទេ គឺអាជ្ញាធរក្រុង នឹងចុះផ្អាកបិទអាជីវកម្មជាបណ្ដោះអាសន្នតែម្តង។

សូមបញ្ជាក់ដែរថា ទីតាំងស្តុកអេតចាយខាងលើនេះ ធ្លាប់ត្រូវបានសមត្ថកិច្ចពាក់ព័ន្ធចុះណែនាំ និងឲ្យប្តូរទីតាំងច្រើនលើករួចមកហើយ ដោយសារតែការរំលោភយកចំណីផ្លូវស្តុកទំនិញខ្លួន៕

អត្ថបទ ៖ វីរ: