Cara ដោះអាវកណ្ដាលហ្វូង ​ផ្អើលកម្មវិធី Met Gala ឆ្នាំនេះ

តារាស្រីអង់គ្លេស Cara បានធ្វើឱ្យអ្នកចូលរួមកម្មវិធីកម្រាលព្រំក្រហម Met Gala ឆ្នាំនេះ មានការភ្ញាក់ផ្អើលជាខ្លាំង ដោយសារតែនាងដោះអាវក្រៅចេញបង្ហាញលង្វែកទ្រូងក្រឡែតៗ ពេលកំពុងចូលរួមកម្មវិធី។

កម្មវិធីកម្រាលព្រំក្រហម Met Gala ប្រចាំឆ្នាំ ២០២២ ដែលទើបតែ​បញ្ចប់​ទៅ​កាលពី​ប៉ុន្មានថ្ងៃ​មុននេះ​ សុទ្ធសឹងមាន​តារា​ល្បីៗ​ទាំង​ប៉ែក​អាស៊ី ​និង​អឺរ៉ុប​ ​ចូលរួមកុះករ ដោយបង្ហាញ​ខ្លួននូវស្ទីល​តុបតែង​មុខ និង​សម្លៀកបំពាក់​​ប្លែកៗ ប្រជែងសម្រស់រៀងៗខ្លួន។

ក្នុងនោះដែរ កំពូលតារាបង្ហាញម៉ូដ Cara Delevingne ​បានធ្វើ​កម្រាល​ព្រំ​ក្រហម Met Gala ឆ្នាំនេះ ក្លាយជារឿងដែលគេនាំគ្នាលើកមកនិយាយច្រើនបំផុត ជាមួយនឹងឈុតពណ៌ក្រហមឆ្អិនឆ្អៅរបស់ប្រេន Dior ។ អ្វីដែលគេចាប់អាមរ្មណ៍មិនមែនដោយសារឈុតនេះមានពណ៌ក្រហមនោះទេ តែដោយសារពេលកំពុងបង្ហាញខ្លួនឱ្យអ្នកកាសែតថតរូប តារា​ម៉ូឌែល​វ័យ​ក្មេង​រូប​នេះ​បានដោះ​អាវក្រៅ​ចេញទាំងស្រុង ហើយ​បង្ហាញ​រាង​កាយ​ដែល​​លាប​ពណ៌​មាស​ពាសពេញដង​ខ្លួនល្វែងលើ។

ក្រោយបង្កការភ្ញាក់ផ្អើល តារាស្រី Cara បានធ្វើឱ្យទស្សនិកចងចាំមិនភ្លេច ហើយនាងបានក្លាយជាប្រធានបទក្ដៅ ដែលគេនាំគ្នាជជែកពាសពេញបណ្ដាញសង្គមតែម្ដង៕

ប្រែសម្រួល៖ សន្យា

ចុចអាន៖ ប្រភពមួយទម្លាយថា បវរកញ្ញា Engfa ធ្លាប់ឆ្លងកាត់ការវះកាត់ជាច្រើនកាំបិត