ព័ត៌មានជាតិ

ចាប់ពីថ្ងៃ ០១ កក្កដា ផុតឱសានវាទរថយន្តចង្កូតស្តាំខុសច្បាប់ និងចង្កូតឆ្វេងអត់ពន្ធនឹងពិន័យមិនលើកលែង

បានផុស

៣ years មុន

នៅ

ថ្ងៃព្រហស្បតិ៍ ៥ ឧសភា ២០២២

ដោយ

ចាប់ពីថ្ងៃ ០១ កក្ដដា គ្មានការលើកលែងទៀតទេសម្រាប់រថយន្តចង្កូតស្តាំខុសច្បាប់ដែលបើកបរលើដងផ្លូវ រួមទាំងរថយន្តចង្កូតឆ្វេងដែលអត់បង់ពន្ធ នឹងចាប់ផ្តើមអនុវត្តវិធានការចាប់ផាកពិន័យលែងអនុគ្រោះ។

នៅក្នុងសន្នីសីទសារព័ត៌មានលើកទី ៥ ស្ដីពីវឌ្ឈនភាពនៃការអនុវត្តការប្រមូលពន្ធលើយានយន្តគ្មានពន្ធនៅថ្ងៃទី៤ ខែឧសភានេះ លោក គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គនាយកនៃអគ្គនាយកដ្ឋានគយ និងរដ្ឋាករកម្ពុជា បានក្រើនរំឮកដល់ម្ចាស់រថយន្ត ត្រូវមកបំពេញកាតព្វកិច្ចបង់ពន្ធ ខណៈឱសានវាទការអនុគ្រោះនឹងផុតកំណត់ត្រឹមខែមិថុនានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គុណ ញឹម បានបញ្ជាក់ថា ចាប់ពីថ្ងៃទី០១ ខែកក្កដា ឆ្នាំ២០២២ យានយន្តគ្មានពន្ធ ដែលបានបង្ក្រាបនឹងតម្រូវឲ្យបង់ពន្ធ និងអាកររួមទាំងប្រាក់ពិន័យ។ ចំពោះរថយន្តចង្កូតស្តាំ ដែលជាប្រភេទរថយន្តហាមឃាត់ការនាំចូល ក្នុងករណីបង្ក្រាបបាននឹងត្រូវកំទេចចោល ឬដោះជាគ្រឿងបន្លាស់។

បើតាមអគ្គនាយកនៃអគ្គនាយកដ្ឋានគយនិងរដ្ឋាករកម្ពុជា ៤ខែដើមឆ្នាំ២០២២ នេះ មានរថយន្តប្រមាណ ៧០០០ គ្រឿងបានមកបំពេញកាតព្វកិច្ចបង់ពន្ធ ដែលរកចំណូលបានជិត ៦០ លានដុល្លារ៕