ចិន រំឭកដល់ ណាតូ ពីអនុស្សរណៈមិនពង្រីកខ្លួនកាល ៣២ ឆ្នាំមុន

អ្នកនាំពាក្យក្រសួងការបរទេសចិនលោក Zhao Lijian បានបង្ហាញពីការរំឭកតិចតួចដល់អង្គការណាតូអំពីអនុស្សរណៈនៃការមិនពង្រីកខ្លួនពីឆ្នាំ ១៩៩០ មក ។

លោក Zhao Lijian បានសរសេរបង្ហោះបែបនេះជាមួយនឹងផែនទីនៃការពង្រីករបស់អង្គការណាតូទៅកាន់ភាគខាងកើតនៅលើបណ្ដាញ Twitter របស់លោកថា “ការសន្យាមិនពង្រីករបស់ណាតូមើលទៅហាក់ដូចជាការពិត ។ យុត្តាធិការយោធាបច្ចុប្បន្នរបស់ណាតូនឹងមិនលាតសន្ធឹងទៅភាគខាងកើតនោះទេ” ។

គួររម្លឹកថា នៅចុងឆ្នាំ ២០២១ រុស្ស៊ីបានចេញសេចក្តីព្រាងនៃកិច្ចព្រមព្រៀងជាមួយសហរដ្ឋអាមេរិក និងកិច្ចព្រមព្រៀងជាមួយអង្គការណាតូស្តីពីការធានាសន្តិសុខ ។

ក្នុងនោះដៃគូលោកខាងលិចត្រូវបានតម្រូវឲ្យផ្តល់ការធានាផ្នែកច្បាប់ ក៏ដូចជាការបដិសេធចំពោះការពង្រីកបន្ថែមរបស់ណាតូនៅភាគខាងកើតពីការចូលរួមក្នុងប្លុកអ៊ុយក្រែន ហើយវាក៏មានវិធានការស្តីពីការមិនដាក់ពង្រាយអាវុធវាយប្រហាររបស់ណាតូនៅជិតព្រំដែនរុស្ស៊ីផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ រុស្ស៊ី ប្រាប់មូលហេតុមួយទៀតនៅពីក្រោយសង្គ្រាមលុកលុយលើ អ៊ុយក្រែន