KPT+

មើលរូបភាពនេះ នឹងដឹងថា ជំនាញទំនាក់ទំនងរបស់អ្នក ល្អប្រសើរឬអត់?

បានផុស

៣ years មុន

នៅ

ថ្ងៃសុក្រ ៦ ឧសភា ២០២២

ដោយ

មនុស្សដែលមានទំនាក់ទំនងល្អ និងអាចប្រាស្រ័យទាក់ទងជាមួយអ្នកដទៃក្នុងសង្គមបានយ៉ាងស្ទាត់ជំនាញ នោះចាត់ទុកថា ជាអ្នកដែលមានគុណសម្បត្តិមួយដ៏ប្រសើរ។

តើអ្នកគិតថា ខ្លួនឯងអាចប្រាស្រ័យទាក់ទងជាមួយអ្នកដទៃបានល្អកម្រិតណា? តោះសាកល្បងទាយខ្លួនឯងមើលសិន បើដឹងថាខ្វះខាតទំនាក់ទំនង ត្រូវជួសជុលចំណុចខ្វះនោះមកវិញ។

មើលរូបភាពនេះ តើអ្នកឃើញអ្វីមុនគេ?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ បើឃើញជើងប្រុសមុនជើងស្រី

បើមើលរូបខាងលើហើយ ឃើញរូបជើងប្រុសមុនជើងស្រី បង្ហាញថា អ្នកជាអ្នកទំនាក់ទំនងផ្ទាល់ច្បាស់លាស់ និងមានឆន្ទៈក្នុងការចែករំលែកគំនិតចំពោះមនុស្សទាំងអស់។ ទម្រង់នៃការប្រាស្រ័យទាក់ទងរបស់អ្នក ធ្វើឲ្យមនុស្សនៅជុំវិញមានអារម្មណ៍ងាយស្រួល ក្នុងការចូលទៅជិតដើម្បីនិយាយជាមួយ ឬធ្វើការជាមួយ។ ការប្រាស្រ័យទាក់ទងបែបនេះ ត្រូវបានចាត់ទុកថាជាបុគ្គលិកលក្ខណៈដ៏ល្អ។ ព្រោះវានឹងជួយអ្នកឲ្យសម្រេចគោលដៅទំនាក់ទំនងមិនពិបាកទេ។ ប៉ុន្តែពេលខ្លះ ទំនាក់ទំនងស្មោះត្រង់របស់យើង វាអាចធ្វើឲ្យអ្នកទទួលមួយចំនួនមានអារម្មណ៍មិនស្រួលទៅវិញ។ ព្រោះរឿងមួយចំនួនដែលយើងនិយាយគឺច្របូកច្របល់ពេក។ ខណៈពេលដែលអ្នកប្រហែលជាមិនដឹងពីពួកគេ ពួកគេបានបាត់បង់អារម្មណ៍របស់ពួកគេ ដូច្នេះវាជាការចាំបាច់ដែលយើងត្រូវសង្កេតមើលដៃគូសន្ទនាដោយប្រុងប្រយ័ត្ន និងជ្រើសរើសពាក្យត្រឹមត្រូវនោះនឹងជួយយើងសម្រេចបាននូវគោលបំណងទំនាក់ទំនង កាន់តែប្រសើរឡើង។

២ បើមើលរូបខាងលើហើយឃើញជើងមនុស្សស្រីមុន

ប្រសិនបើឃើញជើងស្ត្រីមុន រចនាប័ទ្មទំនាក់ទំនងរបស់អ្នក គឺជាមនុស្សដែលគិតមុននឹងនិយាយ។ អ្នកនឹងចំណាយពេលស្វែងយល់ពីគំនិត និងអារម្មណ៍របស់អ្នកសន្ទនា។ បន្ទាប់មកអ្នកនឹងរកមើលពេលវេលា កន្លែងដែលត្រូវនិយាយ និងពាក្យណាដែលត្រូវប្រើ ដើម្បីធ្វើឲ្យអ្នកស្តាប់មានអារម្មណ៍ល្អបំផុត ហើយអ្នកទទួលបានអត្ថប្រយោជន៍ពីការទំនាក់ទំនងច្រើនបំផុតដូចគ្នា។ ទោះជាយ៉ាងណាក៏ដោយ ស្ទីលនៃការប្រាស្រ័យទាក់ទងគ្នា ដែលគិតមុននិយាយគឺល្អ។ ប៉ុន្តែដោយសារតែវាត្រូវការពេលវេលា ដើម្បីដំណើរការគំនិត ពេលខ្លះមនុស្សនឹងមានអារម្មណ៍ថាយើងយឺត ហើយនឹងធ្វើឲ្យមនុស្សជាច្រើនយល់ខុស។ បើសួរ អ្នកនៅស្ងៀម ដូច្នេះ ទោះបីជាអ្នកមិនអាចផ្ដល់ចម្លើយនៅពេលនោះក៏ដោយ អ្នកអាចប្រាប់អ្នកឆ្លើយឆ្លងបានថា “ទុកពេលឲ្យខ្ញុំគិត និងពិចារណា” ប្រសើរជាងនៅស្ងៀម។ បន្ទាប់មកទុកឲ្យដៃគូសន្ទនាគិតដោយខ្លួនឯង។

៣ បើមើលរូបខាងលើហើយឃើញជើងមនុស្សស្រី និងជើងមនុស្សប្រុសក្នុងពេលតែមួយ

ការឃើញរូបភាពបែបនេះ គឺឆ្លុះបញ្ចាំងថា យើងជាមនុស្សនិយាយដោយមិនគិត ប្រសិនបើត្រូវឈ្លោះជាមួយនរណាម្នាក់ ឬចង់ផ្ដល់យោបល់ជាមួយនរណាម្នាក់ អ្នកនឹងពោរពេញដោយហេតុផល និងអារម្មណ៍ផ្ទាល់ខ្លួនច្រើន។ ពេលខ្លះវាអាចធ្វើឲ្យអ្នកមើលទៅធ្ងន់ធ្ងរពេក ឬពេលខ្លះវាអាចធ្វើឲ្យមនុស្សជុំវិញយើង មានអារម្មណ៍មិនចង់និយាយជាមួយទេ។ប្រសិនបើបែបនេះ មុនពេលនិយាយឬទំនាក់ទំនងជាមួយនរណាម្នាក់ សូមឈប់គិតមួយភ្លែត។ បើអ្នកនិយាយថាវានឹងមានលទ្ធផលល្អនិងអាក្រក់នោះ ចូរព្យាយាមថ្លឹងថ្លែងមើល។ ដើម្បីទទួលបានអត្ថប្រយោជន៍ច្រើនបំផុត នៃការទំនាក់ទំនងរបស់អ្នក៕

ប្រែសម្រួល៖ សាង ស្រីល័ក្ខ

ចុចអាន៖រាងស្រីៗមាន ៥ ប្រភេទនេះ តើគ្នាយើងស្ថិតក្នុង ប្រភេទមួយណា?

ចុចអាន៖ប្លែកៗ ប្រពៃណីនៅ ដាណឺម៉ាក អ្នកនៅលីវត្រូវពិន័យ ដោយបាចឈើអែម និងម្រេចលើខ្លួន