ព័ត៌មានអន្ដរជាតិ

រុស្ស៊ី បាញ់មីស៊ីលប្រឆាំងនាវាមុជទឹកនៅសមុទ្រ ជប៉ុន

បានផុស

៣ years មុន

នៅ

ថ្ងៃសៅរ៍ ៧ ឧសភា ២០២២

ដោយ

ក្រសួងការពារជាតិរុស្ស៊ីបានប្រកាសកាលពីថ្ងៃសុក្រថា យោធារបស់ខ្លួនបានបាញ់សាកល្បងដោយជោគជ័យនូវប្រព័ន្ធមីស៊ីលប្រឆាំងនាវាមុជទឹកថ្មីនៅក្នុងសមុទ្រជប៉ុន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងបានបញ្ចេញវីដេអូដែលបង្ហាញពីការបាញ់បង្ហោះប្រព័ន្ធមីស៊ីលប្រឆាំងនាវាមុជទឹកថ្មីឈ្មោះ Otvet ពីនាវាចម្បាំងក្នុងកងនាវាប៉ាស៊ីហ្វិករុស្ស៊ី ហើយមីស៊ីលនោះបានទៅដល់គោលដៅសាកល្បងក្រោមទឹកតាមការគ្រោងទុក ។

ប្រព័ន្ធផ្សព្វផ្សាយរុស្ស៊ីបាននិយាយថា ប្រព័ន្ធមីស៊ីល Otvet មានរយៈចម្ងាយបាញ់ដល់ទៅ ៥០ គីឡូម៉ែត្រ ហើយមីស៊ីលដែលរុស្ស៊ីបាញ់នោះ ហោះក្នុងល្បឿនអតិបរមា Mach 2.5 ហើយវាអាចធ្វើដំណើរក្រោមទឹកដល់ជម្រៅ ៨០០ ម៉ែត្រ ។

ទន្ទឹមនោះប្រព័ន្ធមីស៊ីល Otvet ក៏អាចត្រូវបានដំឡើងនៅលើនាវាចម្បាំង Corvettes, នាវាចម្បាំង Frigates និងនាវាចម្បាំងប្រភេទផ្សេងទៀតផងដែរ ។

ចំណែកក្រុមអ្នកសង្កេតការណ៍បាននិយាយថា ការបាញ់សាកល្បងនេះត្រូវបានរៀបចំឡើងដើម្បីដើរតួជាការព្រមានដល់ប្រទេសមួយចំនួនដូចជា ជប៉ុន និងសហរដ្ឋអាមេរិក បន្ទាប់ពីសង្គ្រាមលុកលុយរបស់រុស្ស៊ីលើអ៊ុយក្រែនបានបង្កើតភាពប្រេះឆារវាងប្រទេសទាំងនោះ ៕

សូមទស្សនាវីដេអូ!