ពូទីន បង្ហាញអាវុធនុយក្លេអ៊ែរ ដែលពិភពលោក ខ្លាចបំផុត

នេះគឺជាការគំរាមថ្មីដ៏ក្តៅគគុកមួយទៀតចំពោះលោកខាងលិច នៅពេលលោក វ្ល៉ាឌីមៀរ ពូទីន បានបង្ហាញអាវុធនុយក្លេអ៊ែររបស់គាត់ អំឡុងពេលហាត់សម សម្រាប់ក្បួនព្យុហយាត្រាយោធាប្រចាំឆ្នាំ។

មីស៊ីលទែរម៉ូនុយក្លេអ៊ែ RS-24 Yars ត្រូវបានដាក់បង្អួតលើទីលានក្រហម កាលពីថ្ងៃសៅរ៍ទី៧ខែឧសភា ដែលជាផ្នែកនៃការហាត់សមសម្រាប់ក្បួនដង្ហែទិវាជ័យជម្នះរបស់រុស្ស៊ី​ នៅថ្ងៃចន្ទទី៩ខែឧសភា។

អ្នកជំនាញភ័យខ្លាចថា មីស៊ីលទម្ងន់ជិត៥០តោនប្រភេទនេះ អាចផ្ទុកក្បាលគ្រាប់នុយក្លេអ៊ែរបានដល់ទៅ ១០ គ្រាប់ឯណោះ។

អាវុធអន្តរទ្វីបប្រភេទនេះ អាចធ្វើដំណើរបានក្នុងល្បឿនដល់ទៅ ២៤ ៥០០ គីឡូម៉ែត្រក្នុងមួយម៉ោង និងអាចវាយប្រហារគោលដៅនៅចម្ងាយ ១២ ០០០ គីឡូម៉ែត្រ ដែលមានន័យថា វាអាចវាយប្រហារទីក្រុងឡុងដ៍របស់អង់គ្លេស ក្នុងរយៈពេលត្រឹមតែប៉ុន្មាននាទី ប៉ុណ្ណោះ។

ក្រុមអ្នកជំនាញជឿថា ការប្រារព្ធទិវាជ័យជម្នះរបស់សហភាពសូវៀតលើពួកណាស៊ីអាល្លឺម៉ង់ ដែលឆ្នាំនេះជាលើកទី៧៧ អាចត្រូវបានប្រើប្រាស់ដើម្បីព្យាយាម និងរៀបចំការលុកលុយរបស់រុស្ស៊ី​​លើអ៊ុយក្រែន ឡើងវិញ។

ទោះបីជាយ៉ាងណាក៏ដោយ ក្រសួងការពារជាតិចក្រភពអង់គ្លេស បានបដិសេធធ្វើអត្ថាធិប្បាយលើការបង្ហាញមីស៊ីលនេះ។

វាកើតឡើងចំពេលដែលអតីតឯកអគ្គរដ្ឋទូតចក្រភពអង់គ្លេសប្រចាំនៅប្រទេសរុស្ស៊ី បាននិយាយថា លោកពូទីន កំពុងស្ថិតនៅក្នុងស្ថានភាពជាប់គាំង ខណៈគាត់ បាត់បង់កងទ័ពយ៉ាងច្រើន ហើយគ្មាននរណាម្នាក់នឹងភ្លេចនូវអ្វីដែលគាត់ធ្វើនោះទេ៕

ប្រែសម្រួល៖ Vann Vann

ប្រភព៖ Mirror

ចុចអាន៖ រុស្ស៊ី សម្លាប់អ្នកជាតិនិយមអ៊ុយក្រែនជិត ៣០០នាក់ ថែមទាំងកម្ទេចសម្ភារយោធាអាមេរិក និងអឺរ៉ុបយ៉ាងធំសម្បើម