កីឡា
អតីតគ្រូជំនួយជម្រើសជាតិ និយាយពីផ្លែផ្កាយុវជនសាលាបាល់ទាត់ជាតិបាទី ដែលមានមុខប្រកួតស៊ីហ្គេម
អតីតគ្រូជំនួយនៃក្រុមសាលាបាល់ទាត់ជាតិបាទី លោក សាប៊ូន វិនតា បានបង្ហាញក្ដីសោមនស្សរីករាយ ចំពោះឈុតជម្រើសជាតិកម្ពុជា អាយុក្រោម ២៣ ឆ្នាំ ដែលមានអតីតកូនសិស្សរបស់ខ្លួន ១០នាក់ មានឈ្មោះទៅប្រកួតស៊ីហ្គេមនៅវៀតណាម ខណៈលោកចាត់ទុកថា នេះជាផ្លែផ្កាដែលគួររៀនសូត្រតាម។
U-23 កម្ពុជា បានចេញបញ្ជីឈ្មោះកីឡាករ ២០ នាក់ចុងក្រោយ ដើម្បីចេញទៅប្រកួតស៊ីហ្គេម លើកទី ៣១ នៅប្រទេសវៀតណាម ខណៈកូនសិស្សរបស់លោកដែលធ្លាប់ស្ថិតក្រោមការហ្វឹកហាត់ជាមួយលោកចំនួន ១០ នាក់ ក៏បានជាប់ឈ្មោះក្នុងបញ្ជីនេះផងដែររួមមាន ហ៊ុល គឺមហ៊ុយ, គី រីណា, សៀង ចន្ធា, សឿត ណាវ៉ា, តាំង ប៊ុនឆៃ, ជា សុខម៉េង, ផាត សុខា, ជូ ស៊ីនទី, សារ ទី និង អ៊ាន ពិសី (បច្ចុប្បន្នដកខ្លួនដោយសាររបួស)។
ជុំវិញសមិទ្ធផលពីសាលាបាល់ទាត់ជាតិបាទី នាយកអភិវឌ្ឍយុវជនរបស់ក្លិបបឹងកេតបច្ចុប្បន្នរូបនេះ បានប្រាប់ ‘កម្ពុជាថ្មី’ ដូច្នេះថា៖ «វាជាលទ្ធផលវិជ្ជមានដ៏ល្អមួយសម្រាប់ការអភិវឌ្ឍន៍យុវជនរបស់សាលាបាល់ទាត់ជាតិ ដែលបានបង្កើតធនធានកីឡាករជាច្រើនសម្រាប់ក្រុមជម្រើសជាតិកម្ពុជារបស់យើងគ្រប់កម្រិតអាយុ ដែលយើងតែងតែឃើញមានវត្តមានកីឡាករដែលចេញពីការបណ្ដុះបណ្ដាល និងហ្វឹកហាត់នៅសាលាបាល់ទាត់ជាតិបាទី។»
«ខ្ញុំសប្បាយចិត្តខ្លាំងពេលឃើញការវិនិយោគលើការអភិវឌ្ឍន៍យុវជននៅសាលាបាល់ទាត់ជាតិបាទីនេះ ទទួលបានផលមួយហើយគួរឲ្យកត់សម្គាល់ ហើយគួរឱ្យរៀនសូត្រតាមសម្រាប់បាល់ទាត់ជាតិរបស់យើង។» អតីតគ្រូជំនួយក្រុមជម្រើសជាតិឈុតធំ កាលពីជំនាន់លោក Felix Dalmas រូបនេះបានបញ្ជាក់។
បច្ចុប្បន្ន ក្រុមបាល់ទាត់ជម្រើសជាតិកម្ពុជាអាយុក្រោម ២៣ ឆ្នាំ កំពុងប្រកួតក្នុងប្រភេទកីឡាបាល់ទាត់ លើវិញ្ញាសាបាល់ទាត់បុរស នៃព្រឹត្តិការណ៍កីឡាអាស៊ីអាគ្នេយ៍ លើកទី ៣១ នៅប្រទេសវៀតណាម ដោយរួមពូល B ជាមួយក្រុមថៃ, ម៉ាឡេស៊ី, សិង្ហបុរី និងឡាវ។ ប្រកួតបើកឆាករបស់កម្ពុជា គឺត្រូវជួបឡាវ នៅថ្ងៃទី ០៩ ខែឧសភា នេះ។
គួររំឮកថា ក្រោមការរៀបចំដោយសហព័ន្ធកីឡាបាល់ទាត់កម្ពុជា មជ្ឈមណ្ឌល និងសាលាកីឡាបាល់ទាត់ជាតិបាទី ត្រូវបានបើកពិធីសម្ពោធដាក់ឲ្យប្រើប្រាស់ជាផ្លូវការក្រោមអធិបតីភាពសម្តេចតេជោ ហ៊ុន សែន និងតំណាងសមាគមកីឡាបាល់ទាត់អន្តរជាតិ ហៅកាត់ថា FIFA កាលពីពាក់កណ្ដាលឆ្នាំ ២០១៣ ហើយបង្កើតឡើងក្នុងគោលបំណងជាចក្ខុវិស័យ និងផែនការយុទ្ធសាស្ត្ររយៈពេលវែងរបស់សហព័ន្ធ ដែលជាអទិភាពរួមមានការអភិវឌ្ឍន៍ថ្នាល និងយុវជន ជាពិសេសគឺគោលដៅស៊ីហ្គេម ឆ្នាំ ២០២៣ ដែលកម្ពុជា ធ្វើជាម្ចាស់ផ្ទះផ្ទាល់តែម្ដង៕
អត្ថបទ៖ មន្នីរ័ត្ន
រដ្ឋមន្ត្រីក្រសួងព័ត៌មាន បើកវេទិកាជួបម្ចាស់ស្ថានីយ វិទ្យុ និង ទូរទស្សន៍ ដើម្បីរកដំណោះស្រាយនៃដំណើរការប្រព័ន្ធផ្សព្វផ្សាយបុរាណ និងប្រព័ន្ធផ្សព្វផ្សាយទំនើប
ផ្ទេរខ្សែកតំណែងប្រធាន JCI Mekong ជូនអ្នកឧកញ៉ា គីម សុខអេង ក្រោមវត្តមានឯកឧត្តមឧបនាយករដ្ឋមន្រ្តី ហ៊ុន ម៉ានី
អាជ្ញាធរសង្កាត់ភ្លេីងឆេះរទេះ ដាក់គ្រឿងចក្រឈូសឆាយផ្លូវ២ខ្សែនិងរៀបចំដាក់ប្រព័ន្ធលូចាក់បេតុងឆ្អឹងដែក
លោក ហេង សួរ ទទួលជួបពិភាក្សាការងារជាមួយគណៈប្រតិភូនៃសហព័ន្ធសភាពាណិជ្ជកម្ម និងឧស្សាហកម្មខេត្តក្យង់គី នៃសាធារណរដ្ឋកូរ៉េ
រដ្ឋមន្ត្រីទេសចរណ៍ថា នឹងធ្វើឱ្យបរទេសចងចាំ និងមកលេងកម្ពុជាយ៉ាងហោចបានម្ដងក្នុងមួយជីវិត
សម្ដេចធិបតី ឯកភាពឱ្យតារាចម្រៀង ព្រាប សុវត្ថិ លាលែងចេញពីក្របខ័ណ្ឌកងយោធពលខេមរភូមិន្ទ ឋានន្តរសក្ដិ «វរសេនីយន៍ឯក»
តើគ្រូ និងកីឡាករសិង្ហបុរី និយាយអ្វីខ្លះពីការប្រកួតឈ្នះ កម្ពុជា យប់មិញ?
មជ្ឈមណ្ឌលអេដស៍ ស្នើទំព័រហ្វេសប៊ុក ឬវេទិការផ្សាយព័ត៍មានករណីជំងឺអេដស៍នៅខេត្តតាកែវលុបចេញជាបន្ទាន់
កម្ពុជា កំពុងឈរលេខ១ មានអ្នកគាំទ្រមើលផ្ទាល់ច្រើនបំផុត ពាន AFF Cup
អ៊ុយក្រែន បាញ់ ATACMS ចូលដីរុស្ស៊ីទៀត ខណៈអាមេរិក ព្រមានឲ្យទីក្រុងកៀវ ត្រៀមទទួលការសងសឹកវិញ
-
វប្បធម៌ ជំនឿ១ សប្តាហ៍ agoកត់ចំណាំ បើមានប្រជ្រុយនាំសំណាង៣កន្លែងលើរាងកាយ ដូចនាំកំណប់ទ្រព្យមកឲ្យដល់ផ្ទះ
-
ព័ត៌មានអន្ដរជាតិ១ សប្តាហ៍ agoក្រុមហ៊ុនអាមេរិក ប្រកាសដាក់លក់ថ្នាំចាក់ព្យាបាលជំងឺអេដស៍ក្នុងតម្លៃថោក នៅ១២០ប្រទេស
-
ព័ត៌មានជាតិ១ សប្តាហ៍ ago«ភូមិទៀមលើ» មានប្រវត្តិជូរចត់ កើតចេញពីចម្បាំងរវាងកុលសម្ព័ន្ធ និងកុលសម្ព័ន្ធជនជាតិដើមភាគតិចនៅក្នុងខេត្តរតនគិរី
-
ព័ត៌មានអន្ដរជាតិ៣ ថ្ងៃ ago១១ខែ វៀតណាម រញ្ជួយដី ៤៥៨លើក
-
ព័ត៌មានអន្ដរជាតិ២ ថ្ងៃ agoគ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
-
ជីវិតកម្សាន្ដ៤ ថ្ងៃ agoអ្នកនាង ខាត់ សុឃីម សោកស្តាយចំពោះមរណភាពតារាចម្រៀងប្រុសម្នាក់ គាំងបេះដូងស្លាប់ទាំងវ័យក្មេង
-
សន្តិសុខសង្គម៥ ថ្ងៃ agoUpdate៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ
-
ចរាចរណ៍២ ថ្ងៃ agoអ្នកជិះម៉ូតូ កង់ ឆ្លង់កាត់ចន្លោះសួនច្បារពុះចែកទ្រូងផ្លូវជាតិលេខ៣បង្កគ្រោះថ្នាក់ញឹកញាប់ដល់អ្នកដទៃ