ប្រទេសណាតូមួយ ចេញមុខមិនគាំទ្រការចូលជាសមាជិករបស់ ស៊ុយអែត និង ហ្វាំងឡង់

ប្រធានាធិបតីតួកគី លោក Recep Tayyip Erdogan បាននិយាយថា វាមិនអាចទៅរួចសម្រាប់រដ្ឋាភិបាលទីក្រុងអង់ការ៉ា ក្នុងការគាំទ្រស៊ុយអែត និងហ្វាំងឡង់ ឲ្យចូលរួមក្នុងសម្ព័ន្ធភាពយោធាឆ្លងមហាសមុទ្រអាត្លង់ទិក បន្ទាប់ពីការលុកលុយរបស់រុស្ស៊ីលើអ៊ុយក្រែន។

ថ្លែងទៅកាន់អ្នកសារព័ត៌មាននៅទីក្រុងអ៊ីស្តង់ប៊ុលកាលពីថ្ងៃសុក្រទី១៣ខែឧសភា លោក Erdogan បាននិយាយថា ប្រទេសតួកគី ដែលជាផ្នែកមួយនៃអង្គការណាតូរួចទៅហើយនោះ មិនមានទស្សនៈវិជ្ជមាន លើទង្វើរបស់ប្រទេស Scandinavian ទាំង២ ក្នុងការស្វែងរកសមាជិកភាពទេ ដោយលោកចោទប្រកាន់ពួកគេថាជា “ផ្ទះសំណាក់សម្រាប់អង្គការភេរវករ”។

គាត់បាននិយាយដោយមិនផ្តល់ព័ត៌មានលម្អិតថា “ស៊ុយអែត និងហ្វាំងឡង់ ជាសមាជិកសភានៅក្នុងប្រទេសមួយចំនួន។ វាមិនអាចទៅរួចទេ សម្រាប់ពួកយើងក្នុងការគាំទ្ររឿងនេះ”។

តួកគី បានរិះគន់ស៊ុយអែត និងបណ្តាប្រទេសអឺរ៉ុបខាងលិចផ្សេងទៀត ចំពោះការពាក់ព័ន្ធជាអង្គការនានា ដែលទីក្រុងអង់ការ៉ាចាត់ទុកជា “ពួកភេរវករ” រួមទាំងគណបក្សពលករឃើដ (PKK) និងអង្គភាពការពារប្រជាជនឃើដស៊ីរី (YPG) រួមទាំងអ្នកទាំងឡាយណាដែលមានជំនឿលើ អ្នកប្រាជ្ញមូស្លីម Fethullah Gulen មានមូលដ្ឋាននៅសហរដ្ឋអាមេរិក ផងដែរ។

ទីក្រុងអង់ការ៉ា និយាយថា អ្នកមានជំនឿលើលោក Gulen បានអនុវត្តការប៉ុនប៉ងធ្វើរដ្ឋប្រហារក្នុងឆ្នាំ២០១៦ ទោះលោក Gulen និងអ្នកគាំទ្ររបស់គាត់ បដិសេធការចោទប្រកាន់នេះក៏ដោយ។

គួរបញ្ជាក់ថា ការកត់សម្គាល់របស់គាត់ បានធ្វើឡើងបន្ទាប់ពីប្រធានាធិបតី និងនាយករដ្ឋមន្ត្រី ហ្វាំងឡង់កាលពីថ្ងៃព្រហស្បតិ៍ទី១២ខែឧសភា បាននិយាយថា ប្រទេសនេះត្រូវតែដាក់ពាក្យសុំចូលរួមជាមួយសម្ព័ន្ធភាពណាតូ ដោយគ្មានការពន្យាពេល៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ អង់គ្លេស ហ្វាំងឡង់ និងស៊ុយអែត ចុះកិច្ចព្រមព្រៀងសន្តិសុខជួយគ្នា បើប្រទេសណារងការវាយប្រហារ