KPT+

ហេតុអ្វីយុវវ័យភាគច្រើនប៉ុនប៉ងល្បីឈ្មោះជាបុគ្គលសាធារណៈ?

បានផុស

៤ years មុន

នៅ

ថ្ងៃសុក្រ ១៨ ធ្នូ ២០២០

ដោយ

នៅក្នុងការសិក្សាមួយឆ្នាំ ២០១២នេះ គេបានរកឃើញថា ការចង់បានកិត្តិនាមសម្រាប់ល្បីល្បាញ គឺជាគោលដៅអនាគតដ៏ពេញនិយមបំផុតក្នុងចំណោមក្រុមមនុស្សវ័យក្មេងពីចន្លោះអាយុពី ១៥-២២ ឆ្នាំ។ ពួកគេផ្ដោតក្តីសង្ឃឹម នេះព្រោះយល់ថា អាចមានជោគជ័យផ្នែកហិរញ្ញវត្ថុនិងមិនចាំបាច់ធ្វើការប្រលាក់ហត់នឿយ ឬរងសម្ពាធពីថៅកែ អ្នកដទៃៗទៀត។

តាមពិតពួកគេមិនបានដឹងឡើយថា ការល្បីឈ្មោះ និងជាបុគ្គលសាធារណៈ រងសម្ពាធលើសពីអាជីពផ្សេងកម្រិតណា?

ដំបូងយើងវិភាគសិនថាហេតុអ្វីយុវវ័យចង់ល្បីល្បាញច្រើនជាងផ្តោតលើការចង់មានជំនាញច្បាស់លាស់?

កិត្តិនាមកើតឡើងនៅកម្រិតផ្សេងៗគ្នា ឧទាហរណ៍ គេអាចល្បីល្បាញនៅក្នុងសាលាឬកន្លែងធ្វើការ ល្បីល្បាញនៅស្រុកកំណើតឬលំដាប់ប្រទេស ចុងក្រោយគឺកម្រិតល្បីល្បាញទូទាំងពិភពលោក។

ប៉ុន្តែគ្រប់វត្ថុពិសេសៗនីមួយៗលើលោកនេះ តែងបង្កប់គុណសម្បត្តិនិងគុណវិបត្តិ ចំណែកកេរ្តិ៍ឈ្មោះក៏ដូចគ្នា។

ប្រសិននៅតែទទូចចង់បានកិត្តិនាមយ៉ាងខ្លាំង ចូរសាកល្បងគិតចំណុចខាងក្រោម៖

១ យើងពូកែរកដំណោះស្រាយបញ្ហាដែរ?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មនុស្សជាច្រើនមានបញ្ហានៅក្នុងជីវិត ហើយប្រសិនបើអ្នក ណាម្នាក់អាចបង្កើតដំណោះស្រាយ ឬការច្នៃប្រឌិតប្លែកៗ គេនោះអាចនឹងងាយល្បីល្បាញបាន។
ឧទាហរណ៍អ្នកវិទ្យាសាស្ត្របង្កើតអ្វីម្យ៉ាង។ ការពូកែបែបមួយនេះ កេរ្ត៍ឈ្មោះច្រើនស្ថិតស្ថេរជានិច្ចមិនងាយធ្លាក់ចុះវិញឡើយ។

២ មានគំនិតពិសេសពីមនុស្សភាគច្រើន

ឈរចេញពីជួរដែលអ្នកផ្សេងកំពុងប្រជ្រៀតគ្នា។ វិធីសាស្ត្រប្លែក រសនិយមពិសេស មានលក្ខណៈជាខ្លួនឯងជាចរិតនៃមនុស្សដែលបម្រុងតែនឹងជោគជ័យ ឬល្បីឈ្មោះ។ តែមិនមែនគ្រប់មនុស្សជោគជ័យសុទ្ធតែល្បីឈ្មោះទេ។

៣ ពិតជាសប្បុរស

ការពិតលាក់មិនជិតឡើយ។ ហើយអ្នកដែលពិតជាសប្បុរសមានតិចណាស់ ដូច្នេះ រឿងអ្វីមិនល្បីឈ្មោះ។ អាចជាការបរិច្ចាគ រៃអង្គាសប្រាក់តាមរបៀបខ្លះដែលបង្កើតនូវការផ្លាស់ប្ដូរណាមួយបាន។

៤ យកជ័យលើកំណត់ត្រាពិភពលោក

វិធីមួយទៀតដែលងាយនឹងល្បីល្បាញគឺដោយបំបែកឯតទគ្គកម្មពិភពលោក។ សូមអានកំណត់ត្រាពិភពលោក ហើយពិចារណាថា តើអ្វីមួយយើងអាចធ្វើបាន ដោយគេមិនទាន់មានកត់ត្រា គឺមិនទាន់មានអ្នកណាដែលមានលទ្ធភាពដើម្បីបំបែកវាពីមុនមកនៅឡើយ។

៥ សិល្បៈច្នៃប្រឌិត

គិតអំពី អាជីពសិល្បៈនានា ដូចជាតន្ត្រីសរសេរថ្មី ការសម្តែង ការនិពន្ធ ឬរូបគំនូរបង្កប់អត្ថន័យ។ ទោះយ៉ាងណាសូមចងចាំថាការភ្ជាប់អាជីពទៅក្នុងសិល្បៈ នឹងមានឱកាសទទួលបានកិត្តិនាមប៉ុន្តែប្រសិនយើងមានបញ្ហា មោទនភាព ភាពអាត្មានិយមឬភាពមិនស្មោះត្រង់លួចចម្លង នឹងមានបញ្ហាធំទៅថ្ងៃក្រោយទៅវិញ៕

ប្រែសម្រួល៖Mr Tomorrow

ចុចអាន៖ទោះមិននិយាយពាក្យស្រឡាញ់ តែសកម្មភាពទំាងនេះ បង្ហាញថាគេស្មោះយើងពិត

ចុចអាន៖រឿងបីធំៗ ដែលយើងត្រូវឆ្លងកាត់ប្រសិនបើចង់ក្លាយជាអ្នកមានមុនវ័យ៤០ឆ្នាំ

Related Topics:យុវវ័យ